---
title: "'ബിഗ് ബോസില്‍ ഞാനൊരു ഇടനിലക്കാരനാണ്'; മോഹന്‍ലാല്‍"
english_title: "Now Mohanlal's words about the show are going viral."
publisher: "moviemax.in"
canonical_url: "https://moviemax.in/news/36644/now-mohanlals-words-about-the-show-are-going-viral"
published_at: "2022-04-09T11:50:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/62512673ab8a7_mohanlal.jpg"
keywords: []
---

# 'ബിഗ് ബോസില്‍ ഞാനൊരു ഇടനിലക്കാരനാണ്'; മോഹന്‍ലാല്‍

> **Lead Summary:** ബിഗ് ബോസ് നാലാം സീസണ്‍ ആരംഭിക്കാന്‍ പോകുന്നുവെന്ന് പ്രഖ്യാപനം വന്നപ്പോള്‍ തന്നെ ഏറ്റവും കൂടുതല്‍ വന്ന വാര്‍ത്ത നാലാം സീസണില്‍ നടന്‍ മോഹന്‍ലാല്‍ അവതാരകനായി ഉണ്ടാകില്ല എന്നതായിരുന്നു. എന്നാല്‍ എല്ലാ അഭ്യൂഹങ്ങളെയും തള്ളി നാലാം സീസണിലും മോഹന്‍ലാല്‍ തന്നെ അവതാരകനായി എത്തി.

## Article Content

ബിഗ് ബോസ് നാലാം സീസണ്‍ ആരംഭിക്കാന്‍ പോകുന്നുവെന്ന് പ്രഖ്യാപനം വന്നപ്പോള്‍ തന്നെ ഏറ്റവും കൂടുതല്‍ വന്ന വാര്‍ത്ത നാലാം സീസണില്‍ നടന്‍ മോഹന്‍ലാല്‍ അവതാരകനായി ഉണ്ടാകില്ല എന്നതായിരുന്നു. എന്നാല്‍ എല്ലാ അഭ്യൂഹങ്ങളെയും തള്ളി നാലാം സീസണിലും മോഹന്‍ലാല്‍ തന്നെ അവതാരകനായി എത്തി.

ലാലേട്ടന്‍ അവതാരകനായതിന്റെ പേരില്‍ മാത്രം വലിയ ജനപ്രീതി ഷോയ്ക്ക് പ്രേക്ഷകര്‍ക്കിടയില്‍ നിന്ന് സമ്പാദിക്കാന്‍ കഴിഞ്ഞിട്ടുണ്ട്. ഇപ്പോഴിതാ ഷോയെ കുറിച്ച് മോഹന്‍ലാല്‍ പറഞ്ഞ വാക്കുകളാണ് വൈറലാകുന്നത്.

ബിഗ് ബോസ് ഹൗസിലുള്ള പതിനേഴ് മത്സരാര്‍ത്ഥികളുടെയും ബിഗ് ബോസിന്റെയും ഇടയിലുള്ള ഇടനിലക്കാരനായിട്ടാണ് താന്‍ നില്‍ക്കുന്നതെന്നാണ് മോഹന്‍ലാല്‍ പറഞ്ഞതെന്ന്  റിപ്പോര്‍ട്ട് ചെയ്യുന്നു. ‘ഇത് ബിഗ് ബോസിന്റെ നാലാമത്തെ സീസണ്‍ ആണ്. നാല് സീസണിലും എനിക്ക് അതിന്റെ ഭാഗമാകാന്‍ സാധിച്ചതിന്റെ സന്തോഷം ആദ്യം അറിയിക്കുന്നു. കാരണം ഇതൊരു പ്രത്യേക ഷോ ആണ്.’

‘മറ്റ് സ്റ്റേജ് ഷോകള്‍ പോലെ അല്ല. ഇതിന് ഒരുപാട് മുന്നൊരുക്കങ്ങള്‍ ആവശ്യമാണ്. കഴിഞ്ഞ ഒരാഴ്ചയിലെ എല്ലാ കാര്യങ്ങളെ കുറിച്ചും ധാരണ ഉണ്ടായിരിക്കണം. മറ്റൊരു കാര്യം ഇതൊരു മൈന്റ് ഗെയിം ആണ്. അവിടെയുള്ള മത്സരാര്‍ത്ഥികളെ ശാസിക്കേണ്ട നേരത്ത് ശാസിക്കണം.

പ്രോത്സാഹിപ്പിക്കേണ്ട നേരത്ത് പ്രോത്സാഹിപ്പിക്കണം. ബിഗ് ബോസ് ഹൗസിലുള്ള പതിനേഴ് മത്സരാര്‍ത്ഥികളുടെയും ബിഗ് ബോസിന്റെയും ഇടയിലുള്ള ഇടനിലക്കാരനായിട്ടാണ് ഞാന്‍ നില്‍ക്കുന്നത്. വളരെ രസകരമായിട്ടാണ് ഞാനതിനെ കാണുന്നത്. എല്ലാ ആഴ്ചയിലും അവിടേക്ക് യാത്ര ചെയ്യാനുള്ള ഒരു ബുദ്ധിമുട്ട് ഉണ്ട്.’

‘ചെയ്തു കൊണ്ടിരിക്കുന്ന സിനിമയില്‍ നിന്ന് ബ്രേക്ക് എടുത്തിട്ടാണ് ബിഗ് ബോസിന്റെ സെറ്റിലെത്തുന്നത്. അത് കഴിഞ്ഞ് പിറ്റേന്ന് രാവിലെ മടങ്ങണം. ശാരീരികമായിട്ടുള്ള അധ്വാനവും ഇതിന് പിന്നിലുണ്ട്.

പക്ഷെ ആ ജോലി നല്ല രീതിയില്‍ പ്രേക്ഷകര്‍ അംഗീകരിക്കുമ്പോള്‍ എടുത്ത അധ്വാനം എല്ലാം നിസാരമായി തോന്നും. വളരെ ഇന്‍ട്രസ്റ്റിങ് ആയിട്ടാണ് ഞാന്‍ ബിഗ്ഗ് ബോസ് ഷോ കാണുന്നത്. മോഹന്‍ലാല്‍ പറയുന്നു.

### Related Links & Sources
- [Original Story Source](https://moviemax.in/news/36644/now-mohanlals-words-about-the-show-are-going-viral)