ലഹരിക്കെതിരെ സർക്കാരിന്റെ 'ഓപറേഷൻ തൂഫാൻ'; മുഖ്യമന്ത്രിയെയും ആഭ്യന്തരമന്ത്രിയെയും അഭിനന്ദിച്ച് ഉണ്ണി മുകുന്ദൻ

(https://moviemax.in/) സംസ്ഥാനത്ത് ലഹരിമരുന്നുകൾക്കും സംഘടിത ലഹരി മാഫിയകൾക്കുമെതിരെ സർക്കാർ നടപ്പിലാക്കുന്ന കർശന നടപടികളെ അഭിനന്ദിച്ച് നടൻ ഉണ്ണി മുകുന്ദൻ. ലഹരിയുടെ പിടിയിൽ നിന്ന് സമൂഹത്തെയും വരുംതലമുറയെയും സംരക്ഷിക്കാൻ ലക്ഷ്യമിട്ട് സർക്കാർ ആരംഭിച്ച 'ഓപറേഷൻ തൂഫാൻ' എന്ന ദൗത്യം വളരെ മികച്ചതാണെന്ന് അദ്ദേഹം പറഞ്ഞു. ഫേസ്ബുക്ക് പോസ്റ്റിലൂടെയാണ് താരം തന്റെ അഭിപ്രായം പങ്കുവെച്ചത്.

ലഹരി മാഫിയകൾക്കെതിരെ ക്രിയാത്മകമായി ഇടപെട്ടതിന് മുഖ്യമന്ത്രി വി.ഡി. സതീശനെയും ആഭ്യന്തരമന്ത്രി രമേശ് ചെന്നിത്തലയെയും അദ്ദേഹം പ്രത്യേകം അഭിനന്ദിച്ചു. എറണാകുളം പെരുമ്പാവൂർ മേഖലയിൽ ഇതരസംസ്ഥാന തൊഴിലാളികളെ ലക്ഷ്യം വെച്ച് പ്രവർത്തിച്ചിരുന്ന ലഹരി സംഘങ്ങളെ പിടികൂടിയ പൊലീസ് നടപടിയെ അദ്ദേഹം എടുത്തുപറഞ്ഞു. ലഹരിയുമായി ബന്ധപ്പെട്ട കുറ്റകൃത്യങ്ങൾ വെച്ചുപൊറുപ്പിക്കില്ല എന്ന ശക്തമായ സന്ദേശമാണ് ഈ നടപടികളിലൂടെ പൊലീസ് നൽകുന്നതെന്ന് താരം അഭിപ്രായപ്പെട്ടു.

 തന്റെ ശ്രദ്ധയിൽപ്പെട്ട ലഹരി വ്യാപാരവുമായി ബന്ധപ്പെട്ട ഒരു വീഡിയോ കേരള പൊലീസിന് കൈമാറിയപ്പോൾ, അവർ വളരെ വേഗത്തിലാണ് പ്രതികരിച്ചതെന്ന് ഉണ്ണി മുകുന്ദൻ പ്രശംസിച്ചു.

ഇതൊരു താൽക്കാലിക നടപടിയായി ഒതുക്കാതെ, തുടർച്ചയായി ഇത്തരം റെയ്ഡുകളും നീക്കങ്ങളും നടത്തുന്ന പൊലീസ് ഉദ്യോഗസ്ഥരുടെ നിശ്ചയദാർഢ്യം വലിയ ആത്മവിശ്വാസമാണ് നൽകുന്നത്. പെരുമ്പാവൂർ എ.എസ്.പി ഹാർദിക് മീണയുടെ പ്രവർത്തനങ്ങളെയും താരം പ്രത്യേകം പരാമർശിച്ചു.

Also read: 'പേടിക്കണ്ട ധ്യാന്‍.. ജയ് വിളിക്കാന്‍ മുന്‍നിരയില്‍ എനിക്കൊരു കസേര ഒഴിച്ചിട്ടുണ്ടാവില്ലേ....'; ധ്യാനിന് നവ്യയുടെ മറുപടി

സമൂഹത്തിൽ നിലനിൽക്കുന്ന ഇത്തരം സാമൂഹിക വിപത്തുകളെ കണ്ടില്ലെന്ന് നടിക്കരുതെന്നും, ഇതിനെതിരെ പ്രതികരിക്കാൻ ഓരോ പൗരനും ഉത്തരവാദിത്തമുണ്ടെന്നും ഉണ്ണി മുകുന്ദൻ ഓർമ്മിപ്പിച്ചു.

നമ്മുടെ സഹോദരങ്ങളും വരുംതലമുറയും ലഹരിയുടെ അടിമകളായി മാറുന്നത് നിശബ്ദമായി നോക്കിനിൽക്കാൻ നമുക്ക് കഴിയില്ലെന്നും, ശക്തമായ ഭരണകൂടവും പൊലീസും ജനങ്ങൾക്കൊപ്പമുണ്ടെന്ന ബോധ്യം ഉണ്ടാക്കാൻ ഇത്തരം പ്രവർത്തനങ്ങൾ അനിവാര്യമാണെന്നും അദ്ദേഹം കൂട്ടിച്ചേർത്തു.

Content Highlight: Unni Mukundan congratulates the Chief Minister and Home Minister for 'Operation Toofan'

#latest news #unni mukundan #operation toofan #CM #Home minister