#latest news #Swasika #swasika husband
(https://moviemax.in/) മിനിസ്ക്രീനിലൂടെ കരിയർ ആരംഭിച്ച്, സംസ്ഥാന ചലച്ചിത്ര പുരസ്കാരം വരെ സ്വന്തമാക്കിയ പ്രേക്ഷകരുടെ പ്രിയനടിയാണ് സ്വാസിക. സൂര്യ നായകനായ 'കറുപ്പ്' എന്ന ചിത്രത്തിലെ മികച്ച പ്രകടനത്തിന് പിന്നാലെ, ഇപ്പോൾ തന്റെ വിവാഹജീവിതത്തിലെ രസകരമായ ഫാന്റസികളെക്കുറിച്ച് താരം പങ്കുവെച്ച വാക്കുകളാണ് സോഷ്യൽ മീഡിയയിൽ ശ്രദ്ധ നേടുന്നത്. കയ്യിൽ പണമുണ്ടെങ്കിലും ചില കാര്യങ്ങൾക്കായി ഭർത്താവിനെ ആശ്രയിക്കുന്നതാണ് തനിക്ക് ഇഷ്ടമെന്ന് സ്വാസിക പറയുന്നു.
"എനിക്ക് എന്തെങ്കിലും വാങ്ങണമെങ്കിൽ എന്റെ ബാങ്ക് അക്കൗണ്ടിൽ പണമുണ്ട്. ഒൻപതാം ക്ലാസ് മുതൽ ഞാൻ സമ്പാദിക്കുന്നതുമാണ്. എന്നാൽ എന്റെ ഫോൺ ബില്ലുകൾ ഭർത്താവ് അടയ്ക്കണമെന്നും, പണം വേണമെങ്കിൽ അയച്ചുതരണമെന്നും ഞാൻ പറഞ്ഞിട്ടുണ്ട്. അക്കൗണ്ടിൽ ബാലൻസ് ഉണ്ടായാലും 'ഒരു ആയിരം രൂപ അയച്ചുതരുമോ' എന്ന് ഞാൻ ചുമ്മാ ചോദിക്കാറുണ്ട്. ഇതൊരുപക്ഷേ എന്റെ മാത്രം ഫാന്റസിയായിരിക്കാം, എല്ലാവരും ഇങ്ങനെ ചെയ്യണമെന്നല്ല"- സ്വാസിക വ്യക്തമാക്കി.
31-ാം വയസ്സിലായിരുന്നു തന്റെ വിവാഹമെന്നും അതുവരെ എല്ലാ കാര്യങ്ങളും ഒറ്റയ്ക്ക് ചെയ്ത് തനിക്ക് ബോറടിച്ചിരുന്നുവെന്നും സ്വാസിക കൂട്ടിച്ചേർത്തു. "ഇപ്പോൾ എവിടെപ്പോയാലും ഭർത്താവാണ് കാർഡ് സ്വൈപ്പ് ചെയ്യുന്നത്. കണക്കുനോക്കുന്നതൊക്കെ എനിക്ക് മടുത്തു. ഇപ്പോൾ ഞാൻ ഒന്നുമറിയാത്ത ആളുകളെപ്പോലെയാണ്. ഊബർ ബുക്ക് ചെയ്യാൻ അറിയാമെങ്കിലും ഞാൻ ചെയ്യില്ല. ഭർത്താവിനെ ഇങ്ങനെ ആശ്രയിക്കുന്നത് എനിക്കിഷ്ടമാണ്. ഞങ്ങൾ രണ്ടുപേരും ജോലി ചെയ്യുന്നവരായതുകൊണ്ട് വല്ലപ്പോഴുമേ കാണാറുള്ളൂ. അപ്പോൾ പരസ്പരം ഒരു കണക്ഷൻ ഉണ്ടാകാൻ ഇത്തരം ചെറിയ കാര്യങ്ങൾ സഹായിക്കും" എന്നും താരം പറഞ്ഞു.
Content Highlight: I like to depend on my husband, Swasika
