'പൂക്കി ഊക്കി' മോഡിഫിക്കേഷൻ പ്രഖ്യാപനം നടക്കില്ലെന്ന് എന്നോട് ആദ്യം പറഞ്ഞത് ചെന്നിത്തല ആരോപണവുമായി അഖില്‍ മാരാര്‍

(https://moviemax.in/) തിരഞ്ഞെടുപ്പ് പ്രചാരണവേളയിൽ പ്രതിപക്ഷ നേതാവ് വി.ഡി. സതീശൻ നൽകിയ പ്രധാന വാഗ്ദാനങ്ങളിലൊന്നായിരുന്നു പുതിയ സർക്കാർ അധികാരത്തിൽ വന്നാൽ വാഹന മോഡിഫിക്കേഷനുകൾക്ക് അനുമതി നൽകുമെന്നത്. ഇതിന് പിന്നാലെ, 18 തരത്തിലുള്ള വാഹന മോഡിഫിക്കേഷനുകൾക്ക് അനുമതി നൽകിക്കൊണ്ടുള്ള സർക്കാർ തീരുമാനം ഇന്നലെ മുഖ്യമന്ത്രി പ്രഖ്യാപിച്ചിരുന്നു. എന്നാൽ, ഈ പ്രഖ്യാപനത്തിൽ പറയുന്ന പല കാര്യങ്ങളും നിലവിൽ തന്നെ നിയമവിരുദ്ധമല്ലാത്തവയാണെന്ന വിമർശനം ഇതിനകം ഉയർന്നു കഴിഞ്ഞു.

ഇപ്പോഴിതാ, ഈ വിഷയത്തിൽ നിർണായക പ്രതികരണവുമായി രംഗത്തെത്തിയിരിക്കുകയാണ് ബിഗ് ബോസ് മുൻ വിജയിയും തൃക്കാക്കരയിലെ എൻ.ഡി.എ സ്ഥാനാർത്ഥിയുമായിരുന്ന അഖിൽ മാരാർ.

വി.ഡി. സതീശൻ നടപ്പിലാക്കുമെന്ന് പറഞ്ഞ വാഹന മോഡിഫിക്കേഷൻ സംബന്ധിച്ച കാര്യങ്ങൾ പ്രായോഗികമല്ലെന്ന് തന്നോട് ആദ്യം പറഞ്ഞത് നിലവിലെ ആഭ്യന്തര മന്ത്രിയായ രമേശ് ചെന്നിത്തലയാണെന്ന് അഖിൽ മാരാർ ആരോപിക്കുന്നു. മുൻപ് നൽകിയ വാഗ്ദാനങ്ങൾ വെറും രാഷ്ട്രീയ അടവുകളായിരുന്നുവെന്ന് വ്യക്തമാക്കുന്നതാണ് ഇപ്പോഴത്തെ സംഭവവികാസങ്ങളെന്നാണ് അഖിൽ മാരാരുടെ പക്ഷം.

“വാഹന മോഡിഫിക്കേഷനുമായി ബന്ധപ്പെട്ട് അദ്ദേഹം നടത്തിയ ഈ പ്രഖ്യാപനങ്ങള്‍ ഒരിക്കലും നടക്കാത്തതാണെന്ന് എന്നുള്ള കാര്യം എന്നോട് ആദ്യം പറയുന്നത് രമേശ് ചെന്നിത്തലയാണ്. ഈ നിര്‍ദേശം ജെന്‍ സി കുട്ടികളെ ആകര്‍ഷിക്കും എന്ന ചിന്തയില്‍ ഞാനിത് രമേശ് ചെന്നിത്തലയോട് പറഞ്ഞിരുന്നു. അത് നമുക്ക് പറ്റുന്നതല്ല എന്നാണ് അദ്ദേഹം മറുപടി നല്‍കിയത്. അത് കേന്ദ്രത്തിന്‍റെയും സുപ്രീം കോടതിയുടെയും നിയമങ്ങളില്‍ ഒക്കെ പെട്ട് കിടക്കുന്നതാണെന്നും പറഞ്ഞു. നമ്മള്‍ അങ്ങനെ പറഞ്ഞാല്‍ അത് ചെയ്ത് കൊടുക്കാന്‍ പറ്റാതെ വരുമെന്ന സൂചന എനിക്ക് ആദ്യം തരുന്നത് രമേശ് ചെന്നിത്തലയാണ്. പിന്നീട് ഞാന്‍ എനിക്ക് അടുപ്പമുള്ള മോട്ടോര്‍ വാഹന വകുപ്പ് ഉദ്യോ​ഗസ്ഥരുമായിട്ടും ട്രാന്‍സ്പോര്‍ട്ട് ഡെപ്യൂട്ടി കമ്മിഷണറുമായിട്ടുമൊക്കെ സംസാരിച്ചിരുന്നു. അവര്‍ എല്ലാവരും പറഞ്ഞത് നമുക്ക് കേരളത്തില്‍ ഈ വിഷയത്തില്‍ ഒന്നും ചെയ്യാന്‍ കഴിയില്ല എന്നാണ്. പക്ഷേ വി ഡി സതീശനോട് ഒരു മാധ്യമപ്രവര്‍ത്തകന്‍ ഇക്കാര്യം ചോദിച്ചപ്പോള്‍ അദ്ദേഹം ഒരു ചിരി ചിരിച്ചു, തങ്ങള്‍ അത് ചെയ്തുതരാം എന്ന രീതിയില്‍. ഞാന്‍ അന്ന് ഈ വിഷയത്തിന്‍റെ യാഥാര്‍ഥ്യവുമായി ബന്ധപ്പെട്ട് ഒരു പോസ്റ്റ് എഴുതിയപ്പോള്‍ എന്നെ കടന്നാക്രമിക്കുകയായിരുന്നു പലരും. കടുത്ത വാഹനപ്രേമിയാണ് ഞാന്‍. മുഖ്യമന്ത്രി വാഹന മോഡിഫിക്കേഷന്‍ ഇവിടെ കൊണ്ടുവന്നാല്‍ ഏറെ സന്തോഷിക്കുന്ന ആളായിരിക്കും ഞാന്‍. പക്ഷേ അത് നടക്കാത്ത കാര്യമായതുകൊണ്ടാണ് അതിനെ വിമര്‍ശിച്ച് പറയേണ്ടി വരുന്നത്.”

Content Highlight: Akhil Marar alleges that Chennithala was the first to tell me that the modification announcement would not happen

#LATEST NEWS #Akhil Marar #Motor modification #Ramesh Chennithala