---
title: "'കാൻസർ വാർത്ത കേട്ടിട്ടും കിച്ചുവും സുധിചേട്ടന്റെ വീട്ടുകാരും വിളിച്ചില്ല, സ്നേഹിക്കുന്നവരെ തിരിച്ചറിഞ്ഞു'; രേണു സുധിയുടെ വെളിപ്പെടുത്തൽ"
english_title: "Renu Sudhi reveals that she did not call Kichu even after hearing the cancer news"
publisher: "moviemax.in"
canonical_url: "https://moviemax.in/news/363633/renu-sudhi-reveals-that-she-did-not-call-kichu-even-after-hearing-the-cancer-news"
published_at: "2026-06-03T17:20:00+05:30"
category: "TV"
language: "ml"
image: "https://cf.zdn.im/img/truevisionnews.com/0/image-uploads/6a0ffc9e4537e_renu.jpg"
keywords: ["LATEST NEWS", "RENU SUDHI", "KICHU", "CANCER"]
---

# 'കാൻസർ വാർത്ത കേട്ടിട്ടും കിച്ചുവും സുധിചേട്ടന്റെ വീട്ടുകാരും വിളിച്ചില്ല, സ്നേഹിക്കുന്നവരെ തിരിച്ചറിഞ്ഞു'; രേണു സുധിയുടെ വെളിപ്പെടുത്തൽ

> **Lead Summary:** **[**തനിക്ക് ബ്രെസ്റ്റ് കാൻസറാണെന്ന രീതിയിൽ പ്രചരിച്ച വ്യാജ വാർത്തകളോട് പ്രതികരിച്ച് അന്തരിച്ച നടൻ കൊല്ലം സുധിയുടെ ഭാര്യയും ബിഗ് ബോസ് താരവുമായ രേണു സുധി. ഈ വാർത്തകൾ ഒരു തരത്തിൽ തനിക്ക് അനുഗ്രഹമായി മാറിയെന്നും, ആരാണ് തന്നെ യഥാർത്ഥത്തിൽ സ്നേഹിക്കുന്നതെന്ന് തിരിച്ചറിയാൻ ഇത് സഹായിച്ചുവെന്നും രേണു വ്യക്തമാക്കി. ഒരു ഓൺലൈൻ മാധ്യമത്തിന് നൽകിയ അഭിമുഖത്തിലാണ് താരം മനസ്സ് തുറന്നത്.

## Article Content

**[**തനിക്ക് ബ്രെസ്റ്റ് കാൻസറാണെന്ന രീതിയിൽ പ്രചരിച്ച വ്യാജ വാർത്തകളോട് പ്രതികരിച്ച് അന്തരിച്ച നടൻ കൊല്ലം സുധിയുടെ ഭാര്യയും ബിഗ് ബോസ് താരവുമായ രേണു സുധി. ഈ വാർത്തകൾ ഒരു തരത്തിൽ തനിക്ക് അനുഗ്രഹമായി മാറിയെന്നും, ആരാണ് തന്നെ യഥാർത്ഥത്തിൽ സ്നേഹിക്കുന്നതെന്ന് തിരിച്ചറിയാൻ ഇത് സഹായിച്ചുവെന്നും രേണു വ്യക്തമാക്കി. ഒരു ഓൺലൈൻ മാധ്യമത്തിന് നൽകിയ അഭിമുഖത്തിലാണ് താരം മനസ്സ് തുറന്നത്.

ചില യൂട്യൂബ് ചാനലുകളിലും സോഷ്യൽ മീഡിയ പേജുകളിലും രേണു സുധിക്ക് 'സ്റ്റേജ് 2 ബ്രെസ്റ്റ് കാൻസർ' ആണെന്ന തരത്തിലാണ് അഭ്യൂഹങ്ങൾ പ്രചരിച്ചത്. രോഗം സ്ഥിരീകരിച്ചിട്ടും രേണു അതൊന്നും കാര്യമാക്കാതെ സന്തോഷത്തോടെ മുന്നോട്ട് പോകുകയാണെന്നും വാർത്തകളിൽ ഉണ്ടായിരുന്നു.

> എന്നാൽ, ഈ പ്രചാരണങ്ങളെ പൂർണ്ണമായും തള്ളിക്കളഞ്ഞ രേണു, "ചെറിയൊരു അസുഖം വന്നെന്നു പറഞ്ഞാൽ പോലും പലരും തലകറങ്ങി വീഴുന്ന ഈ കാലത്ത്, കാൻസർ ആണെന്ന് അറിഞ്ഞാൽ ആരാണ് ഇങ്ങനെ ഹാപ്പിയായി നടക്കുന്നത്?" എന്ന് മുൻപ് മറുചോദ്യം ഉന്നയിച്ചിരുന്നു.

> തനിക്കെതിരെ വന്ന വ്യാജ വാർത്തകൾ യഥാർത്ഥ സ്നേഹം തിരിച്ചറിയാൻ സഹായിച്ചതിനെക്കുറിച്ച് രേണു പറയുന്നത് ഇങ്ങനെ: "എനിക്ക് കാൻസറാണെന്ന് പറഞ്ഞ് പരത്തിയവരോട് എനിക്ക് ഒരു കാര്യത്തിൽ നന്ദിയുണ്ട്. എന്നെ സ്നേഹിക്കുന്നവരെ തിരിച്ചറിയാൻ ഈ സംഭവത്തിലൂടെ സാധിച്ചു. ആരൊക്കെ കൂടെ നിൽക്കുമെന്ന് മനസ്സിലായി. കാൻസറാണെന്നുള്ള റിപ്പോർട്ടുകൾ കിച്ചുവും (സുധിയുടെ മൂത്ത മകൻ) സോഷ്യൽ മീഡിയ വഴി അറിഞ്ഞിട്ടുണ്ടാകും. പക്ഷെ എന്നെ വിളിച്ചിട്ടില്ല. അവസാനം വിളിച്ചത് ഋതുപ്പനെയും (ഇളയ മകൻ) കൊണ്ട് പുറത്തുപോകാൻ അനുവാദം ചോദിക്കാനാണ്. 'നിന്റെ അനിയനല്ലേ, കൊണ്ടുപോയിട്ട് സുരക്ഷിതമായി തിരിച്ച് വീട്ടിൽ കൊണ്ടുവിടണം' എന്ന് ഞാൻ പറഞ്ഞു. അത് പറയേണ്ട ഉത്തരവാദിത്വം എനിക്കുണ്ട്. അതിനുശേഷം കിച്ചുവോ സുധി ചേട്ടന്റെ വീട്ടുകാരോ എന്നെ വിളിച്ചിട്ടില്ല."— രേണു സുധി

ആദ്യം ഈ വാർത്തകൾ സങ്കടമുണ്ടാക്കിയെങ്കിലും, പ്രതിസന്ധി ഘട്ടത്തിൽ സ്വന്തം എന്ന് കരുതുന്നവരുടെ യഥാർത്ഥ മുഖം മനസ്സിലാക്കാൻ ഈ സംഭവം ഉപകരിച്ചുവെന്നാണ് രേണു വ്യക്തമാക്കുന്നത്.

### Related Links & Sources
- [Original Story Source](https://moviemax.in/news/363633/renu-sudhi-reveals-that-she-did-not-call-kichu-even-after-hearing-the-cancer-news)