'മനസ്സിൽ വിഷം വെച്ച് നോക്കിയാൽ എല്ലാം കുഴപ്പമാണ്'; വി മുരളീധരനെ പിന്തുണച്ച് അഖിൽ മാരാർ

(https://moviemax.in/) കട്ടേല ട്രൈബൽ റസിഡൻഷ്യൽ സ്കൂളിൽ വിദ്യാർത്ഥികൾക്ക് മിഠായി കൈയിൽ കൊടുക്കാതെ ഡെസ്കിൽ വിതറിയിട്ട കേന്ദ്രമന്ത്രി വി. മുരളീധരന്റെ നടപടിക്കെതിരെ സോഷ്യൽ മീഡിയയിൽ വലിയ രീതിയിലുള്ള വിമർശനങ്ങൾ ഉയരുകയാണ്. എന്നാൽ, ഈ വിഷയത്തിൽ മുരളീധരന് പിന്തുണയുമായി രംഗത്തെത്തിയിരിക്കുകയാണ് സംവിധായകനും ബിഗ് ബോസ് വിജയിയുമായ അഖിൽ മാരാർ. ഒപ്പം, മുരളീധരനെതിരെ രംഗത്തുവന്ന മുൻ വിദ്യാഭ്യാസ മന്ത്രി വി. ശിവൻകുട്ടിയെ അഖിൽ മാരാർ രൂക്ഷമായി വിമർശിക്കുകയും ചെയ്തു.

"വി. മുരളീധരൻ എം.എൽ.എ കൊച്ചു കുട്ടികൾക്ക് മിഠായി ഡെസ്കിൽ വിതറിയിട്ടത് ഹീനമായ പ്രവർത്തിയാണെന്നാണ് മുൻ വിദ്യാഭ്യാസ മന്ത്രി ശിവൻകുട്ടി പറഞ്ഞത്. പകരം അദ്ദേഹത്തിന്റെ പാർട്ടി ചെയ്തതുപോലെ കുട്ടികളുടെ മുന്നിലിട്ട് അവരുടെ അധ്യാപകനെ വെട്ടിക്കൊല്ലുന്നതുപോലെയുള്ള പ്രവർത്തി ചെയ്താൽ അവരുടെ ഭാവിക്ക് ഏറെ ഗുണം ഉണ്ടായേനെ എന്ന് അദ്ദേഹം മനസ്സിൽ കുറിച്ചു."

 ഒരു മിഠായി കൊടുക്കുന്നതിന് പകരം കുട്ടികൾക്ക് ഇഷ്ടമുള്ളത്ര എടുത്തോട്ടെ എന്ന് ചിന്തിച്ചാകാം മുരളീധരൻ അങ്ങനെ ചെയ്തതെന്ന് അഖിൽ മാരാർ കുറിച്ചു. ഈ വിഷയത്തിൽ പോലും 'സവർണ്ണ ആധിപത്യം' കൊണ്ടുവരാനാണ് 'തമ്പ്രാൻ ശിവൻകുട്ടി' ശ്രമിക്കുന്നതെന്നും അദ്ദേഹം ആരോപിച്ചു.

'വിഷം മനസ്സിൽ വെച്ച് നോക്കിയാൽ എല്ലാം കുഴപ്പമായി തോന്നും' വിഷയത്തിൽ കൂടുതൽ വിശദീകരണവുമായി കമന്റ് ബോക്സിലും അഖിൽ മാരാർ തന്റെ നിലപാട് വ്യക്തമാക്കി

 ചെയ്ത പ്രവർത്തി തെറ്റാണെന്നുള്ളത് മറ്റുള്ളവരുടെ വ്യാഖ്യാനമാണ്. താൻ ഒരു മനുഷ്യനെ വിലയിരുത്തുന്നത് അവന്റെ ഉദ്ദേശശുദ്ധി നോക്കിയാണ്.  സാന്റാക്ലോസ് വന്ന് കുട്ടികൾക്ക് മിഠായി എറിഞ്ഞു കൊടുക്കുന്നത് ആർക്കെങ്കിലും മോശം പ്രവർത്തിയായി തോന്നുമോ? വേദിയിൽ നിന്ന് സദസ്സിലേക്ക് സ്നേഹപൂർവ്വം സമ്മാനങ്ങൾ എറിഞ്ഞു നൽകുന്നത് നമ്മൾ കാണാറുള്ളതാണ്.

Also read: എടാ പോടാന്ന് വിളിക്കാൻ ഒരു എംഎൽഎയെ കിട്ടിയല്ലോ; പിഷാരടിയുടെ വിജയത്തിൽ ധർമജൻ

മനസ്സിൽ വിഷം വെച്ച് നോക്കിയാൽ നമ്മൾ ദിവസേന ചെയ്യുന്ന പല കാര്യങ്ങളിലും കുഴപ്പം കണ്ടെത്താനാകും. മനസ്സിൽ ഒന്ന് വെച്ച് പുറമെ കാപട്യം കാണിക്കുന്നവരെയാണ് എതിർക്കേണ്ടതെന്നും അഖിൽ മാരാർ കൂട്ടിച്ചേർത്തു.

Content Highlight: Akhil Marar supports V Muraleedharan

#latest news #V Muraleedharan #Akhil Marar #Kadel tribal studentsissue