#latest news #railway tracks #Indian tourists #viral #social media
( https://moviemax.in/) വിദേശത്തെ ഒരു റെയിൽവേ ട്രാക്കിൽ ഒരുകൂട്ടം ഇന്ത്യൻ വിനോദസഞ്ചാരികൾ നൃത്തം ചെയ്യുന്ന വീഡിയോയാണ് ഇപ്പോൾ സോഷ്യൽ മീഡിയയിൽ വലിയ ചർച്ചകൾക്ക് വഴിവെച്ചിരിക്കുന്നത്. ടൂറിസ്റ്റുകളുടെ ഇത്തരം പെരുമാറ്റങ്ങളെയും സോഷ്യൽ മീഡിയയിലെ റീൽസ് ഭ്രമത്തെയും രൂക്ഷമായി വിമർശിച്ചുകൊണ്ടാണ് പലരും ഈ വീഡിയോ പങ്കുവെക്കുന്നത്.
'@shweta131289' എന്ന ഇൻസ്റ്റാഗ്രാം അക്കൗണ്ടിലാണ് ഈ വീഡിയോ ആദ്യം പ്രത്യക്ഷപ്പെട്ടത്. പിന്നീട് '@iNikhilsaini' എന്ന എക്സ് (ട്വിറ്റർ) ഹാൻഡിൽ വഴിയാണ് ഈ ദൃശ്യങ്ങൾ കൂടുതൽ ആളുകളിലേക്ക് എത്തിയത്. തദ്ദേശീയരായ ആളുകൾ ശാന്തരായിരുന്ന് യാത്ര ആസ്വദിക്കുമ്പോൾ, ഇന്ത്യൻ ടൂറിസ്റ്റുകൾ മാത്രം അവിടെ നൃത്ത പ്രകടനം നടത്തുന്നതാണ് വീഡിയോയിലുള്ളത്.
ശക്തമായ വിമർശനത്തോടെയാണ് എക്സ് യൂസർ ഈ വീഡിയോ റീഷെയർ ചെയ്തിരിക്കുന്നത്. "ഒരു ചോദ്യം മാത്രം: വിദേശത്ത് പോകുമ്പോൾ നമുക്ക് സാധാരണക്കാരായി പെരുമാറിക്കൂടെ? വിദേശത്ത് എത്തുമ്പോൾ തന്നെ എല്ലാവരുടെയും ഉള്ളിലെ നൃത്തം പുറത്തുവരുന്നത് എന്തുകൊണ്ടാണ്? ലോകത്ത് എവിടെപ്പോയാലും മറ്റുള്ളവരിൽ നിന്ന് വേറിട്ടുനിൽക്കണമെന്ന് നമുക്ക് തോന്നുന്നത് എന്തുകൊണ്ടാണ്? മറ്റെല്ലാവരും ശാന്തരായി ഇരുന്ന് ആ നിമിഷം ആസ്വദിക്കുമ്പോൾ, നമ്മുടെ ആളുകൾക്ക് മാത്രം അവിടെയൊരു 'ഛയ്യാ ഛയ്യാ' പ്രകടനം തന്നെ നടത്തണം," എന്നാണ് വീഡിയോയ്ക്ക് നൽകിയിരിക്കുന്ന ക്യാപ്ഷൻ.
പൊതുസ്ഥലങ്ങളിലെ ഇത്തരം പെരുമാറ്റങ്ങൾ വിദേശ രാജ്യങ്ങളിൽ ഇന്ത്യക്കാരുടെ പ്രതിച്ഛായയെ ബാധിക്കുമെന്ന തരത്തിലുള്ള ചർച്ചകളാണ് വീഡിയോയ്ക്ക് താഴെ ഇപ്പോൾ ഉയരുന്നത്.
Content Highlight: Indian tourists dance on railway tracks abroad; Social media says 'We want this show off wherever we go'
#latest news #railway tracks #Indian tourists #viral #social media
