കോട്ടയം കുഞ്ഞച്ചന്റെ രണ്ടാം ഭാഗം ഉടന് ചെയ്യുന്നില്ലെന്ന് നടനും നിര്മ്മാതാവുമായ വിജയ് ബാബു. അതിന്റെ കഥയോ തിരക്കഥയോ ഇതുവരെ ശരിയായിട്ടില്ലെന്നും അതിനാല് നിലവില് ആ പ്രോജക്ട് ചെയ്യുന്നില്ലെന്നും ഭാവിയില് ചിലപ്പോള് സംഭവിച്ചേക്കാമെന്നും വിജയ് ബാബു പറഞ്ഞു.
‘കോട്ടയം കുഞ്ഞച്ചന് എന്നത് മമ്മൂട്ടിയുടെ കരിയറിലെ ഒരു ക്ലാസിക് കഥാപാത്രമാണ്. അതിനെ വീണ്ടും കൊണ്ട് വരുമ്പോള് നമുക്ക് നൂറു ശതമാനം ഉറപ്പുള്ള ഒരു കഥയും തിരക്കഥയും വേണം. എന്നാല് രണ്ടോ മൂന്നോ കഥകളും തിരക്കഥകളും വായിച്ചെങ്കിലും തൃപ്തി തോന്നാത്തത് കൊണ്ട് അത്കൊണ്ട് മമ്മുക്കയുടെ അടുത്തേക്ക് പോലും പോയിട്ടില്ല.’
‘നിലവില് ആ പ്രൊജക്റ്റ് ചെയ്യുന്നില്ല. എന്നാല് ഭാവിയില് എപ്പോഴെങ്കിലും നമ്മുക്ക് പൂര്ണ്ണ സംത്യപ്തി തോന്നുന്ന ഒരു കഥയായും തിരക്കഥയും രൂപപ്പെട്ടു വന്നാല് അത് നടന്നേക്കാം. പ്രശസ്ത നടന് സത്യന്റെ ബയോപിക്, അതുപോലെ ത്രീഡിയില് ഒരുക്കുന്ന ആട് 3 പോലുള്ള വലിയ പ്രൊജെക്ടുകള് ചെയ്യാനുള്ള ഒരുക്കത്തിലാണ് ഇപ്പോള്’ വിജയ് ബാബു പറഞ്ഞു.
Content Highlight: Actor and producer Vijay Babu says that the second part of Kottayam Kunjachan will not be done soon.
