#LDF government #Amount #Treasury
തിരുവനന്തപുരം: (https://truevisionnews.com/) എൽഡിഎഫ് ഭരണകാലം പൂർത്തിയാക്കി യുഡിഎഫ് സർക്കാർ കേരളത്തിൽ അധികാരമേൽക്കുമ്പോൾ സംസ്ഥാന ഖജനാവിൽ ബാക്കിയുണ്ടായിരുന്നത് 5,429 കോടി രൂപയെന്ന് വെളിപ്പെടുത്തൽ. ഈ മാസം ഒന്ന് വരെയുള്ള കണക്കാണിത്. ധനവകുപ്പിന്റെ വിവരാവകാശ മറുപടിയിലാണ് നിര്ണായക വിവരമുള്ളത്.
സര്ക്കാര് ധവളപത്രം പുറത്തിറക്കാനിരിക്കെയാണ് കണക്ക് പുറത്തുവന്നത്. കേരളം പാപ്പരായ സംസ്ഥാനമെന്ന എ കെ ആന്റണിയുടെ പ്രസ്താവന വിവാദമായിരുന്നു. പൂര്ണമായി തകര്ന്നടിഞ്ഞ സാമ്പത്തിക നിലയാണ് സംസ്ഥാനത്തുള്ളതെന്നും അദ്ദേഹം പറഞ്ഞിരുന്നു.
ആദ്യ മന്ത്രിസഭാ യോഗത്തിന് ശേഷം നടത്തിയ വാര്ത്താ സമ്മേളത്തില് നിലവിലെ സാമ്പത്തിക സ്ഥിതിയില് ധവളപത്രം ഇറക്കുമെന്ന് മുഖ്യമന്ത്രി വി ഡി സതീശന് പറഞ്ഞിരുന്നു. കഴിഞ്ഞ ദിവസം മുസ്ലിം ലീഗ് നേതാവ് പി എം എ സലാമും ഖജനാവ് കാലിയാണെന്ന് ആരോപിച്ചിരുന്നു.
ആന്റണിയുടെ പരാമര്ശത്തിന് പിന്നാലെ തന്നെ ഖജനാവ് കാലിയല്ലെന്നും 6000 കോടി രൂപ ബാക്കിവെച്ചാണ് ഇറങ്ങിയതെന്നും കെ എന് ബാലഗോപാല് പറഞ്ഞിരുന്നു. പൂച്ച പെറ്റുകിടന്നെന്ന് ആക്ഷേപിച്ച ഖജനാവില് പണമുള്ളത് കൊണ്ടാണ് ഗ്യാരണ്ടികള് നടപ്പാക്കാന് കഴിയുന്നതെന്നും അദ്ദേഹം പറഞ്ഞിരുന്നു.
Content Highlights:- When the LDF government leaves, the remaining amount in the treasury will be Rs. 5,429 crore.
