---
title: "ഓസ്ട്രേലിയൻ തെരുവിൽ ശോഭനയ്ക്ക് മുന്നിൽ സർപ്രൈസായി നിവിൻ പോളിയും കുടുംബവും; വീഡിയോ വൈറൽ"
english_title: "content highlights Nivin Pauly surprises Shobhana"
publisher: "moviemax.in"
canonical_url: "https://moviemax.in/news/360815/content-highlights-nivin-pauly-surprises-shobhana"
published_at: "2026-05-21T14:50:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/6a0ecec1650bd_23.jpg"
keywords: ["Latest News", "Malayalam", "Shobana", "Nivinpauly"]
---

# ഓസ്ട്രേലിയൻ തെരുവിൽ ശോഭനയ്ക്ക് മുന്നിൽ സർപ്രൈസായി നിവിൻ പോളിയും കുടുംബവും; വീഡിയോ വൈറൽ

> **Lead Summary:** **[** ഓസ്ട്രേലിയൻ തെരുവിലൂടെ നടന്നുപോകുന്നതിനിടെ നടൻ നിവിൻ പോളിയെയും കുടുംബത്തെയും അപ്രതീക്ഷിതമായി കണ്ടുമുട്ടിയതിന്റെ സന്തോഷം പങ്കുവെച്ച് പ്രശസ്ത നടി ശോഭന.

## Article Content

**[** ഓസ്ട്രേലിയൻ തെരുവിലൂടെ നടന്നുപോകുന്നതിനിടെ നടൻ നിവിൻ പോളിയെയും കുടുംബത്തെയും അപ്രതീക്ഷിതമായി കണ്ടുമുട്ടിയതിന്റെ സന്തോഷം പങ്കുവെച്ച് പ്രശസ്ത നടി ശോഭന.

ബ്രിസ്ബെയ്ൻ നഗരത്തിൽ വെച്ചുണ്ടായ ഈ അപൂർവ്വ ഒത്തുചേരലിന്റെ സർപ്രൈസ് വീഡിയോ ശോഭന തന്നെയാണ് തന്റെ സോഷ്യൽ മീഡിയ പേജിലൂടെ ആരാധകർക്കായി പങ്കുവെച്ചത്. 'അപ്രതീക്ഷിത കൂടിക്കാഴ്ച' എന്ന മനോഹരമായ അടിക്കുറിപ്പോടെയാണ് താരം ഈ ദൃശ്യങ്ങൾ പോസ്റ്റ് ചെയ്തിരിക്കുന്നത്.

> "എന്നോടൊപ്പം ഇതാരാണെന്ന് നോക്കൂ" എന്ന ആമുഖത്തോടെ ശോഭന ആദ്യം നിവിൻ പോളിയുടെ ഭാര്യയെയും മകളെയും വീഡിയോയിലൂടെ പ്രേക്ഷകർക്ക് പരിചയപ്പെടുത്തുന്നുണ്ട്. അതിനുശേഷമാണ് ഏറെ നാടകീയമായി നിവിൻ പോളി വീഡിയോയിലേക്ക് കടന്നുവരുന്നത്.

സുഹൃത്തുക്കൾക്കും കുടുംബത്തിനുമൊപ്പം ഓസ്ട്രേലിയയിൽ അവധിക്കാലം ആഘോഷിക്കാൻ എത്തിയതായിരുന്നു നിവിൻ. മലയാള സിനിമയിലെ രണ്ടു തലമുറകളിലെ പ്രിയപ്പെട്ട താരങ്ങളെ ഒരുമിച്ച് കണ്ടതിന്റെ അത്ഭുതവും സന്തോഷവും ആരാധകരും സോഷ്യൽ മീഡിയയിൽ പങ്കുവെക്കുന്നുണ്ട്.

വീഡിയോ നിമിഷങ്ങൾക്കകം തന്നെ സിനിമാപ്രേമികൾക്കിടയിൽ വലിയ ചർച്ചയായി മാറി. നിവിന്റെ മകനെ കണ്ടാൽ ശരിക്കും 'ജൂനിയർ നിവിൻ' തന്നെയാണെന്നാണ് വീഡിയോയ്ക്ക് താഴെ ആരാധകർ കുറിക്കുന്ന രസകരമായ കമന്റുകൾ.

### Related Links & Sources
- [Original Story Source](https://moviemax.in/news/360815/content-highlights-nivin-pauly-surprises-shobhana)