---
title: "'60 ആയി, ഇനി ഒരു ദിവസം പോലും കളയാനില്ലെന്ന് മമ്മി പറയും'; റിമി ടോമിയെപ്പോലും അത്ഭുതപ്പെടുത്തുന്ന അമ്മയുടെ 'ആ സ്പിരിറ്റ്"
english_title: "'At 60, Mommy will say she doesn't want to waste a single day'; Rimi even surprises Tommy with her mother's 'spirit'"
publisher: "moviemax.in"
canonical_url: "https://moviemax.in/news/359851/at-60-mommy-will-say-she-doesnt-want-to-waste-a-single-day-rimi-even-surprises-tommy-with-her-mothers-spirit"
published_at: "2026-05-16T16:30:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/6a084ed27c9cf_GRETHGEDTR.jpg"
keywords: []
---

# '60 ആയി, ഇനി ഒരു ദിവസം പോലും കളയാനില്ലെന്ന് മമ്മി പറയും'; റിമി ടോമിയെപ്പോലും അത്ഭുതപ്പെടുത്തുന്ന അമ്മയുടെ 'ആ സ്പിരിറ്റ്

> **Lead Summary:** **[** മലയാളികളുടെ പ്രിയപ്പെട്ട ഗായികയും അവതാരകയുമായ റിമി ടോമി പങ്കുവെച്ച പുതിയ വിശേഷങ്ങളാണ് ഇപ്പോൾ സോഷ്യൽ മീഡിയയിൽ ശ്രദ്ധ നേടുന്നത്. ഒരു ചാനൽ പരിപാടിക്കിടെ തന്റെ അമ്മയെക്കുറിച്ച് റിമി പറഞ്ഞ കാര്യങ്ങളാണ് ആരാധകർ ഏറ്റെടുത്തിരിക്കുന്നത്.

## Article Content

**[** മലയാളികളുടെ പ്രിയപ്പെട്ട ഗായികയും അവതാരകയുമായ റിമി ടോമി പങ്കുവെച്ച പുതിയ വിശേഷങ്ങളാണ് ഇപ്പോൾ സോഷ്യൽ മീഡിയയിൽ ശ്രദ്ധ നേടുന്നത്. ഒരു ചാനൽ പരിപാടിക്കിടെ തന്റെ അമ്മയെക്കുറിച്ച് റിമി പറഞ്ഞ കാര്യങ്ങളാണ് ആരാധകർ ഏറ്റെടുത്തിരിക്കുന്നത്.

റിയാലിറ്റി ഷോയിലൂടെ കടന്നുവന്ന് മലയാളി പ്രേക്ഷകരുടെ പ്രിയങ്കരിയായി മാറിയ താരമാണ് റിമി ടോമി. റിമിയെപ്പോലെ തന്നെ താരത്തിന്റെ കുടുംബാംഗങ്ങളും സോഷ്യൽ മീഡിയയിലൂടെയും യൂട്യൂബ് വ്ലോഗുകളിലൂടെയും പ്രേക്ഷകർക്ക് ഏറെ സുപരിചിതരാണ്. റിമി പങ്കുവെക്കുന്ന വിശേഷങ്ങൾക്കും പുതിയ വീഡിയോകൾക്കും താഴെ വൻ പിന്തുണയുമായി ആരാധകർ എത്താറുണ്ട്. അതിന് പിന്നാലെയാണ് അമ്മയെക്കുറിച്ചുള്ള റിമിയുടെ പുതിയ വാക്കുകളും ഇപ്പോൾ വൈറലാകുന്നത്.

''എനിക്ക് കിട്ടിയിരിക്കുന്ന പാട്ട്, ഡാൻസ്, തമാശ എല്ലാം മമ്മിയുടെ കുടുംബത്തിൽ നിന്നാണ്. ഞാൻ എന്തൊക്കെ ചെയ്യുന്നുവോ അതിന്റെ സകല ഉത്തരവാദിത്വവും എന്റെ അമ്മയ്ക്ക് മാത്രമുള്ളതാണ്. നിങ്ങൾ എന്നെ മാത്രം പറഞ്ഞാൽ പോരാ'', റിമി തമാശരൂപേണ പറഞ്ഞു. പല കാര്യങ്ങൾക്കും അമ്മയാണ് തന്റെ പ്രചോദനമെന്നും റിമി പറയുന്നു.

''മമ്മി ഇപ്പോൾ ചെയ്യുന്ന ചില കാര്യങ്ങൾ എനിക്ക് ഒരുപാട് പ്രചോദനമാകുന്നുണ്ട്. പപ്പ മരിച്ചു. മമ്മിയുടെ ഉത്തരവാദിത്വങ്ങളെല്ലാം കഴിഞ്ഞു. വീട്ടിൽ കൊച്ചുമക്കൾ അടക്കം എല്ലാവരുമുണ്ട്. പെട്ടന്ന് എല്ലാവരും ജോലിയും മറ്റുമായി അവരവരുടെ വഴക്ക് പോയി കഴിഞ്ഞാൽ മമ്മി തനിച്ചാകും. ഒറ്റപ്പെടൽ വന്നെന്ന് തോന്നി കഴിഞ്ഞാൽ ഡാൻസ് പ്രോഗ്രാം ഒന്നുമില്ലെങ്കിലും ഏതെങ്കിലും ഒരു ഡാൻസ് ടീച്ചറെ വിളിച്ച് എവിടെ എങ്കിലും ഒരു പരിപാടിയുണ്ടോയെന്ന് അങ്ങോട്ട് ചോദിച്ചിട്ട് ഞാനും പങ്കെടുക്കാമെന്നു പറയും. മമ്മിയുടെ ആ ഉത്സാഹം എനിക്ക് ഇഷ്ടമാണ്. സ്റ്റേജ് ഷോകൾ ഒരുപാട് കിട്ടുമെന്ന് കരുതിയൊന്നുമല്ല മമ്മി പോകുന്നത്. അങ്ങോട്ട് പൈസ മുടക്കി പോകുന്നത് ഒരു ആഗ്രഹത്തിന്റെ പുറത്താണ്. ഇനി സമയം ഇല്ലെന്നാണ് മമ്മി പറയുന്നത്. അറുപതായി ഇനി എനിക്ക് അധികം സമയമില്ല എന്നൊക്കെ പറയും. ഒറ്റ ദിവസം പോലും കളയാനില്ല എന്നൊക്കെയാണ് മമ്മി പറയാറുള്ളത്. മമ്മിക്കുള്ള ആ ഒരു സ്പരിറ്റ് നമുക്ക് എല്ലാവർക്കും വേണം'', എന്ന് റിമി ടോമി കൂട്ടിച്ചേർത്തു.

### Related Links & Sources
- [Original Story Source](https://moviemax.in/news/359851/at-60-mommy-will-say-she-doesnt-want-to-waste-a-single-day-rimi-even-surprises-tommy-with-her-mothers-spirit)