( https://moviemax.in/ ) രജനീകാന്ത് ചിത്രം 'ജയിലർ 2'-ന്റെ സെറ്റിൽ വൈദ്യുതാഘാതമേറ്റ് ക്രൂ അംഗം മരിച്ചു. മേയ് 14-ന് ഉച്ചകഴിഞ്ഞാണ് ദാരുണമായ ഈ സംഭവം റിപ്പോർട്ട് ചെയ്തത്.
സേലം സ്വദേശി കാർത്തികേയനാണ്(28) മരിച്ചത്. പനൈയൂരിലെ സ്വകാര്യ സ്റ്റുഡിയോയിലാണ് വെച്ചായിരുന്നു അപകടം. സിനിമയുടെ ആർട് വിഭാഗത്തിലെ അംഗമായിരുന്നു കാർത്തികേയൻ. സെറ്റിലെ ഇലക്ട്രിക് ജോലികൾക്കിടെയാണ് ക്രൂ അംഗത്തിന് വൈദ്യുതാഘാതമേറ്റത്. സംഭവത്തിൽ പൊലീസ് അന്വേഷണം ആരംഭിച്ചിട്ടുണ്ട്. അപകടത്തിന്റെ കാരണം പരിശോധിച്ച് വരികയാണ്.
2023ൽ റിലീസ് ചെയ്ത ജയിലറിന്റെ രണ്ടാം ഭാഗമാണ് ജയിലർ 2. നെൽസൺ ദിലീപ്കുമാർ ആണ് ചിത്രത്തിന്റെ സംവിധായകൻ.
Content Highlight: Tragic accident on the sets of 'Jailer 2'; Crew member dies of electrocution
