---
title: "'ഏതൊരു മലയാളിയെയും പോലെ അഭിമാനം'; സഞ്ജുവിനൊപ്പം ചിത്രം പങ്കുവെച്ച് പ്രിയദർശൻ"
english_title: "Priyadarshan shares picture with Sanju"
publisher: "moviemax.in"
canonical_url: "https://moviemax.in/news/359375/priyadarshan-shares-picture-with-sanju"
published_at: "2026-05-14T15:02:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/6a0596cda3d8f_22.jpg"
keywords: []
---

# 'ഏതൊരു മലയാളിയെയും പോലെ അഭിമാനം'; സഞ്ജുവിനൊപ്പം ചിത്രം പങ്കുവെച്ച് പ്രിയദർശൻ

> **Lead Summary:** **[** മലയാളത്തിന്റെ പ്രിയ സംവിധായകൻ പ്രിയദർശൻ ഇന്ത്യൻ ക്രിക്കറ്റ് താരം സഞ്ജു സാംസണിനൊപ്പമുള്ള ചിത്രം പങ്കുവെച്ചത് സോഷ്യൽ മീഡിയയിൽ തരംഗമാകുന്നു. സിനിമയെപ്പോലെ തന്നെ ക്രിക്കറ്റിനെയും ആവേശത്തോടെ കാണുന്ന പ്രിയദർശൻ, സഞ്ജുവിനൊപ്പമുള്ള നിമിഷം തനിക്ക് ഏറെ അഭിമാനകരമാണെന്ന് കുറിച്ചു.

## Article Content

**[** മലയാളത്തിന്റെ പ്രിയ സംവിധായകൻ പ്രിയദർശൻ ഇന്ത്യൻ ക്രിക്കറ്റ് താരം സഞ്ജു സാംസണിനൊപ്പമുള്ള ചിത്രം പങ്കുവെച്ചത് സോഷ്യൽ മീഡിയയിൽ തരംഗമാകുന്നു. സിനിമയെപ്പോലെ തന്നെ ക്രിക്കറ്റിനെയും ആവേശത്തോടെ കാണുന്ന പ്രിയദർശൻ, സഞ്ജുവിനൊപ്പമുള്ള നിമിഷം തനിക്ക് ഏറെ അഭിമാനകരമാണെന്ന് കുറിച്ചു.

ഒരു മലയാളി എന്ന നിലയിലും ക്രിക്കറ്റ് പ്രേമി എന്ന നിലയിലും സഞ്ജുവിനൊപ്പം ഒരു ഫോട്ടോ എടുക്കാൻ സാധിച്ചത് വലിയ കാര്യമാണെന്നും, ഓരോ മലയാളി ആരാധകനും ഈ നിമിഷം അഭിമാനകരമാണെന്നും അദ്ദേഹം സോഷ്യൽ മീഡിയയിൽ കുറിച്ചു.

പ്രിയദർശന്റെ ഹൃദ്യമായ കുറിപ്പിന് സഞ്ജു സാംസൺ നന്ദി അറിയിച്ച് രംഗത്തെത്തി. കൂടാതെ കീർത്തി സുരേഷ്, പോണി വർമ്മ തുടങ്ങിയ പ്രമുഖരും ചിത്രത്തിന് പ്രതികരണവുമായി എത്തിയിട്ടുണ്ട്.

അക്ഷയ് കുമാറിനെ നായകനാക്കി പ്രിയദർശൻ സംവിധാനം ചെയ്ത 'ഭൂത് ബംഗ്ലാ' എന്ന ചിത്രത്തിന്റെ വൻ വിജയത്തിന് പിന്നാലെയാണ് ഈ കൂടിക്കാഴ്ച. ഏപ്രിൽ 17-ന് റിലീസ് ചെയ്ത ഈ ഹൊറർ കോമഡി ചിത്രം ആഗോള ബോക്സ് ഓഫീസിൽ 188 കോടി രൂപയിലധികം കളക്ഷൻ നേടി വലിയ മുന്നേറ്റമാണ് നടത്തിയത്.

നീണ്ട ഇടവേളയ്ക്ക് ശേഷം പ്രിയദർശനും അക്ഷയ് കുമാറും ഒന്നിച്ച ഈ ചിത്രം തബു, വാമിഖ ഗബ്ബി തുടങ്ങി വൻ താരനിരയുടെ സാന്നിധ്യം കൊണ്ടും ശ്രദ്ധേയമായിരുന്നു. സിനിമാ ലോകത്തെ വൻ വിജയത്തിന്റെ തിളക്കത്തിനിടെ കായിക ലോകത്തെ മലയാളി കരുത്തായ സഞ്ജുവിനെ പ്രിയദർശൻ നേരിൽ കണ്ടത് ആരാധകർക്കിടയിൽ വലിയ ചർച്ചയായിട്ടുണ്ട്.

### Related Links & Sources
- [Original Story Source](https://moviemax.in/news/359375/priyadarshan-shares-picture-with-sanju)