( https://moviemax.in/ ) കേരളത്തിലെ മുഖ്യമന്ത്രി പദത്തെച്ചൊല്ലിയുള്ള ചർച്ചകളെ ട്രോളി തമിഴ് നടനും സംവിധായകനുമായ ആർ.ജെ. ബാലാജി. സൂര്യ നായകനായ പുതിയ ചിത്രം ‘കറുപ്പി’ന്റെ കേരള പ്രീ-റിലീസ് ചടങ്ങിലായിരുന്നു ബാലാജിയുടെ പരിഹാസം. കേരളത്തിൽ ഒരു പാർട്ടിയിൽ നിന്ന് തന്നെ നിരവധി പേർ മുഖ്യമന്ത്രിയാകാൻ മത്സരിക്കുകയാണെന്നായിരുന്നു അദ്ദേഹത്തിന്റെ പരാമർശം.
തിരുവനന്തപുരത്ത് നടന്ന ചടങ്ങിൽ സൂര്യ ഉൾപ്പെടെയുള്ള പ്രമുഖ താരങ്ങൾ പങ്കെടുത്തിരുന്നു. സൂര്യയും കേരളവും തമ്മിലുള്ള ആത്മബന്ധത്തെക്കുറിച്ച് സംസാരിക്കുന്നതിനിടയിലാണ് ബാലാജി രാഷ്ട്രീയ വിഷയം പരാമർശിച്ചത്. "കേരളവും തമിഴ്നാടും തമ്മിൽ ഒരുപാട് സമാനതകളുണ്ട്. തമിഴ്നാട്ടിൽ പല പാർട്ടികളിൽ നിന്നായി നിരവധി പേർ മുഖ്യമന്ത്രിയാകാൻ ശ്രമിച്ചു. എന്നാൽ കേരളത്തിൽ ഒരു പാർട്ടിക്കുള്ളിൽ നിന്ന് തന്നെ പലരും ആ പദവിക്കായി ശ്രമിക്കുകയാണ്. ഞങ്ങൾക്ക് നല്ലൊരു മുഖ്യമന്ത്രിയെ കിട്ടി, നിങ്ങൾക്കും വേഗം നല്ലൊരു മുഖ്യമന്ത്രിയെ കിട്ടട്ടെ" - ആർ.ജെ. ബാലാജി പറഞ്ഞു. ഈ പരാമർശം സോഷ്യൽ മീഡിയയിൽ വലിയ ചർച്ചകൾക്ക് വഴിവെച്ചിട്ടുണ്ട്.
എനിക്ക് മലയാളം വളരെ ഇഷ്ടമാണ്. ഇവിടുത്തെ അഭിനേതാക്കളെയും ഇഷ്ടമാണ്. കോളജിൽ പഠിക്കുമ്പോൾ സുഹൃത്തുക്കളെല്ലാം മലയാളികളായിരുന്നു. ഇന്ന് എന്റെ സിനിമയിൽ അഭിനയിക്കുന്ന മിക്ക താരങ്ങളും മലയാളികളാണ്. അതിൽ ഒരുപാട് സന്തോഷം.
സൂര്യ നായകനായി വന്ന സിനിമയിൽ എനിക്ക് ഒരേയൊരു താരം വേണമെന്നത് നിർബന്ധമായിരുന്നു. അത് മറ്റാരുമല്ല നമ്മുടെ സ്വന്തം ഇന്ദ്രൻസ് സർ ആണ്. ഇതിഹാസ താരമാണ് അദ്ദേഹം. അവരാണ് ഈ സിനിമയുടെ ആത്മാവ്. സാറിനെ കുറിച്ച് സംസാരിക്കാൻ സാധിക്കുന്നതു തന്നെ വലിയ ആദരമായി കാണുന്നു. ശിവദ, സ്വാസിക, ഉണ്ണിമായ പ്രസാദ്, കാശ് പോലും മേടിക്കാതെ വന്ന് അതിഥിവേഷം ചെയ്തുപോയ അജു വർഗീസ് എല്ലാവർക്കും നന്ദി പറയുന്നു.’’–ബാലാജിയുടെ വാക്കുകള്.
സൂര്യയ്ക്കൊപ്പം തൃഷയും ഒന്നിക്കുന്ന ചിത്രമാണ് കറുപ്പ്. രണ്ട് പതിറ്റാണ്ടുകള്ക്ക് ശേഷമാണ് ഇരുവരും ഒന്നിക്കുന്നത്. സൂര്യക്കും തൃഷയ്ക്കും പുറമെ ഇന്ദ്രൻസ്, നട്ടി സുബ്രഹ്മണ്യം, സ്വാസിക, ശിവദ എന്നിവരും ചിത്രത്തിൽ പ്രധാന വേഷങ്ങളിൽ എത്തുന്നുണ്ട്. മേയ് 14നാണ് ചിത്രം റിലീസ് ചെയ്യുന്നത്.
Content Highlight: RJ Balaji trolled for playing the Kerala Chief Minister's chair
