---
title: "ലോകത്ത് അത്യപൂർവ്വമായി മാത്രം സംഭവിക്കുന്ന കാര്യം; മുഖ്യമന്ത്രിയായി വിജയ് എത്തുമ്പോൾ സോഷ്യൽ മീഡിയയിൽ വൈറലായി ആ കുറിപ്പ്"
english_title: "That post went viral on social media when Vijay became the Chief Minister."
publisher: "moviemax.in"
canonical_url: "https://moviemax.in/news/358577/that-post-went-viral-on-social-media-when-vijay-became-the-chief-minister"
published_at: "2026-05-10T16:04:00+05:30"
category: "Kollywood"
language: "ml"
image: "https://cf.zdn.im/img/truevisionnews.com/0/image-uploads/6a00601682034_18.jpg"
keywords: []
---

# ലോകത്ത് അത്യപൂർവ്വമായി മാത്രം സംഭവിക്കുന്ന കാര്യം; മുഖ്യമന്ത്രിയായി വിജയ് എത്തുമ്പോൾ സോഷ്യൽ മീഡിയയിൽ വൈറലായി ആ കുറിപ്പ്

> **Lead Summary:** **[**വർഷങ്ങൾ നീണ്ട കാത്തിരിപ്പിനും രാഷ്ട്രീയ പോരാട്ടങ്ങൾക്കുമൊടുവിൽ തമിഴ്നാടിന്റെ മുഖ്യമന്ത്രിയായി നടൻ വിജയ് സത്യപ്രതിജ്ഞ ചെയ്ത് അധികാരമേറ്റിരിക്കുകയാണ്.

## Article Content

**[**വർഷങ്ങൾ നീണ്ട കാത്തിരിപ്പിനും രാഷ്ട്രീയ പോരാട്ടങ്ങൾക്കുമൊടുവിൽ തമിഴ്നാടിന്റെ മുഖ്യമന്ത്രിയായി നടൻ വിജയ് സത്യപ്രതിജ്ഞ ചെയ്ത് അധികാരമേറ്റിരിക്കുകയാണ്.

120 അംഗങ്ങളുടെ പിന്തുണയോടെ തമിഴക വെട്രി കഴകം തമിഴ്നാട്ടിൽ വലിയ ചലനം സൃഷ്ടിക്കുമ്പോൾ, വിജയ്‌യുടെ ഈ രാഷ്ട്രീയ വിജയം ഒരു മകന്റെ വലിയൊരു കടമ നിറവേറ്റൽ കൂടിയായി മാറുകയാണ്.

ഇന്ന് മാതൃദിനമാണെന്ന പ്രത്യേകത കൂടി ഈ സത്യപ്രതിജ്ഞാ ചടങ്ങിനുള്ളതിനാൽ, തന്റെ അമ്മ ശോഭ ചന്ദ്രശേഖറിന് വിജയ് നൽകിയ ഏറ്റവും വലിയ സമ്മാനമാണിതെന്നാണ് സോഷ്യൽ മീഡിയ ഒന്നടങ്കം പറയുന്നത്.

ഇക്കാര്യം ചൂണ്ടിക്കാട്ടി എഴുത്തുകാരിയും ചലച്ചിത്ര നിരൂപകയുമായ അനു ചന്ദ്ര പങ്കുവെച്ച കുറിപ്പാണ് ഇപ്പോൾ വൈറലായിരിക്കുന്നത്. ലോകത്ത് അത്യപൂർവ്വമായി മാത്രം സംഭവിക്കുന്ന ഒരു കാര്യത്തിനാണ് ഈ മാതൃദിനം സാക്ഷ്യം വഹിച്ചിരിക്കുന്നതെന്ന് അവർ കുറിക്കുന്നു.

നൊന്തുപ്രസവിച്ച മകൻ ഒരു സംസ്ഥാനത്തിന്റെ മുഖ്യമന്ത്രിയായി സത്യപ്രതിജ്ഞ ചെയ്യുന്നത് മാതൃദിനത്തിൽ തന്നെ നേരിട്ട് കാണാൻ യോഗമുണ്ടാകുക എന്നത് നിസ്സാരമല്ലെന്നും, ഒരു അമ്മയുടെ ജീവിതത്തിൽ വാക്കുകൾക്കപ്പുറമുള്ള അഭിമാന നിമിഷമാണിതെന്നും കുറിപ്പിൽ പറയുന്നു.

സിനിമയിൽ തൃഷയ്ക്ക് പിറന്നാൾ സമ്മാനമായി വിജയ് ഒരു സ്റ്റേറ്റ് തന്നെ നൽകിയത് നമ്മൾ ആഘോഷിച്ചുവെങ്കിൽ, യഥാർത്ഥ ജീവിതത്തിൽ ഒരു സംസ്ഥാനത്തിന്റെ അധികാരം ഏറ്റെടുത്ത് മാതൃദിനത്തിൽ അമ്മയെ സന്തോഷിപ്പിച്ച വിജയ്‌യെയാണ് ഇപ്പോൾ വാഴ്ത്തേണ്ടത്.

വർഷങ്ങളായുള്ള പ്രാർത്ഥനകളും കഷ്ടപ്പാടുകളും സഫലമായ ഈ ദിനത്തിൽ ആഘോഷിക്കപ്പെടേണ്ടത് വിജയ്‌യുടെ രാഷ്ട്രീയ വിജയം മാത്രമല്ല, മകന്റെ നേട്ടത്തിൽ അഭിമാനിക്കുന്ന ആ അമ്മയെക്കൂടിയാണെന്നും അനു ചന്ദ്ര തന്റെ കുറിപ്പിലൂടെ വ്യക്തമാക്കുന്നു.

### Related Links & Sources
- [Original Story Source](https://moviemax.in/news/358577/that-post-went-viral-on-social-media-when-vijay-became-the-chief-minister)