---
title: "'ആ മനുഷ്യൻ കുറെ കഷ്ടപ്പെട്ടതല്ലേ, അങ്ങേരെ മുഖ്യമന്ത്രി ആക്കണം; വെറുതെ വെറുപ്പിക്കല്ലേ' - നടന്‍ സുധീര്‍"
english_title: "sudheer aboutcongress cm debate"
publisher: "moviemax.in"
canonical_url: "https://moviemax.in/news/358389/sudheer-aboutcongress-cm-debate"
published_at: "2026-05-09T14:53:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/69fefdc2676b8_sudheer.jpg"
keywords: []
---

# 'ആ മനുഷ്യൻ കുറെ കഷ്ടപ്പെട്ടതല്ലേ, അങ്ങേരെ മുഖ്യമന്ത്രി ആക്കണം; വെറുതെ വെറുപ്പിക്കല്ലേ' - നടന്‍ സുധീര്‍

> **Lead Summary:** **കോ**ണ്‍ഗ്രസില്‍ മുഖ്യമന്ത്രി ചര്‍ച്ചകള്‍ പുരോഗമിക്കവേ വിഷയത്തില്‍ പ്രതികരണവുമായി നടന്‍ സുധീര്‍. കോണ്‍ഗ്രസിന്‍റെ ചര്‍ച്ച കാരണം സമൂഹമാധ്യമങ്ങളോ ടിവിയോ കാണാനാവുന്നില്ലെന്നും നറുക്കിട്ടാണെങ്കിലും ഒരാളെ തിരഞ്ഞെടുക്കണമെന്നും സുധീര്‍ പറഞ്ഞു. കെ.സി.വേണുഗോപാല്‍ ഡല്‍ഹിയില്‍ തന്നെയിരിക്കുന്നതാണ് നല്ലതെന്നും വി.ഡി.സതീശന്‍ മുഖ്യമന്ത്രിയാകണമെന്നാണ് തന്‍റെ അഭിപ്രായമെന്നും സുധീര്‍ സമൂഹമാധ്യമങ്ങളില്‍ പങ്കുവച്ച വിഡിയോയില്‍ പറ‍ഞ്ഞു.

## Article Content

**കോ**ണ്‍ഗ്രസില്‍ മുഖ്യമന്ത്രി ചര്‍ച്ചകള്‍ പുരോഗമിക്കവേ വിഷയത്തില്‍ പ്രതികരണവുമായി നടന്‍ സുധീര്‍. കോണ്‍ഗ്രസിന്‍റെ ചര്‍ച്ച കാരണം സമൂഹമാധ്യമങ്ങളോ ടിവിയോ കാണാനാവുന്നില്ലെന്നും നറുക്കിട്ടാണെങ്കിലും ഒരാളെ തിരഞ്ഞെടുക്കണമെന്നും സുധീര്‍ പറഞ്ഞു. കെ.സി.വേണുഗോപാല്‍ ഡല്‍ഹിയില്‍ തന്നെയിരിക്കുന്നതാണ് നല്ലതെന്നും വി.ഡി.സതീശന്‍ മുഖ്യമന്ത്രിയാകണമെന്നാണ് തന്‍റെ അഭിപ്രായമെന്നും സുധീര്‍ സമൂഹമാധ്യമങ്ങളില്‍ പങ്കുവച്ച വിഡിയോയില്‍ പറ‍ഞ്ഞു.

‘എന്റെ പൊന്ന് കോൺഗ്രസ് നേതാക്കന്മാരേ നിങ്ങളൊരു തീരുമാനമെടുക്ക്. മനുഷ്യന് ടിവിയോ ഫെയ്സ്ബുക്കോ ഇൻസ്റ്റയോ തുറക്കാൻ രക്ഷയില്ല. എന്തുവാ ഇത്, നിങ്ങളോടുള്ള പ്രണയം കൊണ്ടോ പ്രേമം കൊണ്ടോ നന്മ കൊണ്ടോ ഒന്നുമല്ല, ജനങ്ങൾ തിരഞ്ഞെടുത്തത്, അല്ല. ഒരു ഭരണമാറ്റം ആഗ്രഹിച്ചു, അതുകൊണ്ടാണ്.

അതു നിങ്ങളുടെ ക്രെഡിറ്റ് ആയോ വലിയ സംഭവമായോ ഒന്നും കാണല്ലേ, കേരളത്തിലെ ജനങ്ങൾ മണ്ടന്മാരൊന്നുമല്ല, വെറുതെ വെറുപ്പിക്കല്ലേ. നിങ്ങളെല്ലാവരും കൂടി നറുക്കിട്ടോ തീരുമാനമെടുത്തോ ഒരാൾ മുഖ്യമന്ത്രിയാക്. ആ മനുഷ്യൻ കുറെ കിടന്ന് കഷ്ടപ്പെട്ടതല്ലേ, അങ്ങേരെ ആക്കണമെന്നാണ് എന്റെ അഭിപ്രായം. പിന്നെ നിങ്ങൾ തമ്മിലുള്ള അഡ്ജസ്റ്റ്മെന്റ് ഉണ്ടല്ലോ. എന്തു വേണമെങ്കിലും ചെയ്തോ, വെറുപ്പിക്കല്ല്. ഇന്ത്യയുടെ ഭൂപടത്തിൽ കുറച്ച് സ്ഥലങ്ങളിൽ മാത്രമേ ഒള്ളൂ നിങ്ങൾ, ഇനി അതും കൂടി ഇല്ലാതാകും.

കെ.സി. വേണുഗോപാല്‍ സാറിനോട് ഒരപേക്ഷയുണ്ട്, നിങ്ങൾ കഴിയുന്നതും കേരളത്തിൽ വരാതിരിക്കുക. ഡല്‍ഹിയിൽ ഇരുന്ന് ഇവിടുത്തെ കാര്യങ്ങൾ നോക്കുക. ഇവിടുത്തെ മുഖ്യമന്ത്രിയേക്കാൾ വലിയ പവർ ഉള്ള ആളാണ് നിങ്ങൾ, ഡൽഹിയിൽ നിന്നും നിങ്ങൾ ഇങ്ങോട്ടു പോന്നാൽ അവിടുത്തെ കാര്യങ്ങൾ ആര് നോക്കും. അവിടെ അടുപ്പിൽ പൂച്ച പെറ്റുകിടക്കും, ആരും ഉണ്ടാകില്ല. തലപ്പിത്തിരിക്കുന്ന നേതാവിനെ കണ്ടൊന്നും ഒരുകാര്യവും പ്ലാൻ ചെയ്യരുത്. ചീറ്റിപ്പോകും, മനസ്സിലായില്ലേ, ഇങ്ങോട്ട് വരണ്ട, നിങ്ങൾക്ക് ഡൽഹി തന്നെയാണ് നല്ലത്.’’–സുധീറിന്റെ വാക്കുകൾ.

### Related Links & Sources
- [Original Story Source](https://moviemax.in/news/358389/sudheer-aboutcongress-cm-debate)