(moviemax.in) ഏഴ് മാസം ഗർഭിണിയായിരിക്കെ നടി കിയാര അദ്വാനിക്കുണ്ടായ ദുരനുഭവത്തെക്കുറിച്ച് ബോഡിഗാർഡ് സീഷാൻ ഖുറേഷി വെളിപ്പെടുത്തുന്നു. ഒരു പരസ്യചിത്രത്തിന്റെ ഷൂട്ടിംഗിനിടെയാണ് ആരാധകൻ നടിയെ കടന്നുപിടിക്കാൻ ശ്രമിച്ചത്. ഒരു ഓൺലൈൻ ചാനലിന് നൽകിയ അഭിമുഖത്തിലാണ് അദ്ദേഹം ഇക്കാര്യം പങ്കുവെച്ചത്.
അന്ന് കിയാരയുടെ കൂടെ മറ്റൊരു ബോഡിഗാര്ഡ് ഉണ്ടായിരുന്നു. പക്ഷെ അവര് ഏഴ് മാസം ഗര്ഭിണിയായിരുന്നതിനാല് സിദ്ധാര്ത്ഥ് എന്നോട് കൂടെ ചെല്ലാന് പറഞ്ഞു. അവരെ വിടാന് സിദ്ധാര്ത്ഥിന് പേടിയായിരുന്നു. അതിനാല് ഞാന് പോയി. പതിവിലും ശ്രദ്ധയോടെയാണ് ഞാന് എല്ലാം ചെയ്തത്. അവര് വാനിറ്റി വാനില് നിന്നും പുറത്തേക്ക് ഇറങ്ങുമ്പോള് ഒരാള് വന്നു. അയാളും ഞാനും തമ്മില് വാക്ക് തര്ക്കമായി. അയാള് സ്യൂട്ട് ധരിച്ചിരുന്നു. മാന്യനായിരിക്കുമെന്ന് കരുതി.
ചിലപ്പോള് ചിലര് വന്ന് ഞാന് കോര്പ്പേറ്റ് ലോകത്തുള്ളതാണെന്നും എന്നോട് ഇങ്ങനെ സംസാരിക്കരുതെന്നും പറയും. പക്ഷെ എന്റെ ജോലിയാണത്. ഞാന് നേരത്തെ തന്നെ ബാരിക്കേഡ് വെക്കുകയും കര്ട്ടനിടുകയും ചെയ്തിരുന്നു. എന്നിട്ടും അയാള് ഉള്ളിലേക്ക് കയറി വന്നു. അയാള് വീണ്ടും വീണ്ടും അടുത്ത് വരാന് ശ്രമിച്ചതോടെ എനിക്ക് ദേഷ്യം വന്നു. അതിനാല് പ്രശ്നം പരിഹരിക്കാന് ആകാശ് അംബാനിയുടെ മാനേജരെ വിളിക്കേണ്ടി വന്നു. താരങ്ങളെ നേരില് കാണുമ്പോള് പലരുടേയും നിയന്ത്രണം നഷ്ടമാകും', സീഷാന് പറഞ്ഞു.
2023 ലാണ് നടൻ സിദ്ധാർഥ് മൽഹോത്രയുമായുള്ള കിയാരയുടെ വിവാഹം കഴിഞ്ഞത്. 2025 ജൂലൈ 15 ന് ഇരുവർക്കും മകൾ പിറന്നു. യഷ് ചിത്രം ടോക്സിക് ആണ് ഇനി പുറത്തിറങ്ങാനുള്ള കിയാരാ ചിത്രം. ഗീതു മോഹൻദാസ് ആണ് സിനിമ സംവിധാനം ചെയ്യുന്നത്. സിനിമയുടെ രണ്ട് ഗ്ലിമ്പ്സുകൾ നേരത്തെ പുറത്തുവന്നിരുന്നു. കെ വി എൻ പ്രൊഡക്ഷൻസിന്റെ ബാനറിൽ വെങ്കട്ട് കെ നാരായണയും മോൺസ്റ്റർ മൈൻഡ് ക്രിയേഷൻസും ചേർന്നാണ് ടോക്സിക് നിർമ്മിക്കുന്നത്.
യഷിന്റെ 19-ാം സിനിമയാണിത്. 'എ ഫെയറി ടെയിൽ ഫോർ ഗ്രോൺ-അപ്സ്' എന്നാണ് ചിത്രത്തിന്റെ ടാഗ് ലൈൻ. ചിത്രത്തിൽ യഷ് ഇരട്ട വേഷത്തിലാണ് എത്തുന്നതെന്ന സൂചനയാണ് ടീസർ നൽകുന്നത്. ടീസറിന്റെ അവസാനം പുതിയ ലുക്കിലുള്ള യഷിനെ കാണാനാകും. പക്കാ ഹോളിവുഡ് സിനിമയെന്ന് തോന്നിപ്പിക്കുന്ന തരം വിഷ്വലുകൾ ആണ് സിനിമയിൽ ഉള്ളതെന്ന സൂചനയാണ് ടീസർ നൽകുന്നത്.
A fan tried to grab Kiara while she was seven months pregnant, the actress was seven months pregnant at the time! Bodyguard reveals
