(moviemax.in) സൈജു കുറുപ്പിന്റെ കരിയറിലെ 150-ാം ചിത്രമായ ‘ഭരതനാട്യം 2: മോഹിനിയാട്ടം’ ആഗോള ബോക്സ് ഓഫീസിൽ തകർപ്പൻ മുന്നേറ്റം തുടരുന്നു. ഏപ്രിൽ 10-ന് തീയേറ്ററുകളിലെത്തിയ ചിത്രം ഇതിനകം 15 കോടി രൂപ ആഗോളതലത്തിൽ നേടിയെന്നാണ് ഫോറം കേരളയുടെ റിപ്പോർട്ടുകൾ വ്യക്തമാക്കുന്നത്.
മികച്ച പ്രതികരണങ്ങളുമായി മുന്നേറുന്ന ചിത്രത്തിന്റെ വിജയത്തിൽ പ്രേക്ഷകർക്ക് നന്ദി പറഞ്ഞ് നിർമ്മാതാക്കളായ തോമസ് തിരുവല്ലയും സൈജു കുറുപ്പും രംഗത്തെത്തി. തീയേറ്ററുകളുടെ കുറവ് പരിഹരിച്ച് വരും ദിവസങ്ങളിൽ കൂടുതൽ ഇടങ്ങളിലേക്ക് സിനിമ എത്തിക്കാനുള്ള ശ്രമത്തിലാണെന്ന് അവർ അറിയിച്ചു.
കൃഷ്ണദാസ് മുരളി സംവിധാനം ചെയ്ത ഈ ചിത്രം തോമസ് തിരുവല്ല ഫിലിംസിന്റെയും സൈജു കുറുപ്പ് എന്റർടൈൻമെന്റ്സിന്റെയും ബാനറിലാണ് ഒരുങ്ങിയത്. കൃഷ്ണദാസ് മുരളിയും വിഷ്ണു ആർ. പ്രദീപുമാണ് ചിത്രത്തിന്റെ രചന നിർവ്വഹിച്ചിരിക്കുന്നത്.
ലിനി മറിയം ഡേവിഡ്, അനുപമ ബി. നമ്പ്യാർ എന്നിവരാണ് നിർമ്മാതാക്കൾ. ബബ്ലു അജുവിന്റെ ഛായാഗ്രഹണവും ഇലക്ട്രോണിക് കിളിയുടെ സംഗീതവും ചിത്രത്തിന്റെ പ്രധാന ആകർഷണങ്ങളാണ്.
ഷഫീഖ് വി.ബി ചിത്രസംയോജനവും ദിൽജിത് എം. ദാസ് കലാസംവിധാനവും നിർവ്വഹിച്ചിരിക്കുന്നു. മികച്ച പ്രകടനവും കുടുംബപ്രേക്ഷകരുടെ പിന്തുണയും ചിത്രത്തിന് ബോക്സ് ഓഫീസിൽ കരുത്താകുന്നുണ്ട്.
'Bharatanatyam 2: Mohiniyattam' has the best collection globally
