---
title: "'നല്ല പടം, ഒരു പ്രാക്ടിക്കൽ വിഷൻ'; വാഴ 2 കണ്ട് കെ. സുധാകരന്റെ പ്രശംസ"
english_title: "K. Sudhakaran's praise for watching Banana 2"
publisher: "moviemax.in"
canonical_url: "https://moviemax.in/news/354017/k-sudhakarans-praise-for-watching-banana-2"
published_at: "2026-04-18T12:31:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/69e32d524e473_8.jpg"
keywords: []
---

# 'നല്ല പടം, ഒരു പ്രാക്ടിക്കൽ വിഷൻ'; വാഴ 2 കണ്ട് കെ. സുധാകരന്റെ പ്രശംസ

> **Lead Summary:** **[**തിയേറ്ററുകളിൽ വൻ തരംഗമായി മാറിയ 'വാഴ 2: ബയോപിക് ഓഫ് എ ബില്യൺ ബ്രോസ്' കണ്ട് പ്രശംസയുമായി കെ.പി.സി.സി പ്രസിഡന്റ് കെ. സുധാകരൻ. കുടുംബത്തോടും സഹപ്രവർത്തകർക്കുമൊപ്പമാണ് അദ്ദേഹം ചിത്രം കാണാൻ എത്തിയത്.

## Article Content

**[**തിയേറ്ററുകളിൽ വൻ തരംഗമായി മാറിയ 'വാഴ 2: ബയോപിക് ഓഫ് എ ബില്യൺ ബ്രോസ്' കണ്ട് പ്രശംസയുമായി കെ.പി.സി.സി പ്രസിഡന്റ് കെ. സുധാകരൻ. കുടുംബത്തോടും സഹപ്രവർത്തകർക്കുമൊപ്പമാണ് അദ്ദേഹം ചിത്രം കാണാൻ എത്തിയത്.

സിനിമ കണ്ടിറങ്ങിയ ശേഷം 'നല്ല പടം, ഇതൊരു പ്രാക്ടിക്കൽ വിഷനാണ്' എന്നായിരുന്നു സുധാകരന്റെ പ്രതികരണം. അദ്ദേഹം തിയേറ്ററിലിരുന്ന് സിനിമ ആസ്വദിക്കുന്ന ദൃശ്യങ്ങൾ ഇതിനോടകം തന്നെ സാമൂഹികമാധ്യമങ്ങളിൽ വലിയ രീതിയിൽ പ്രചരിക്കുന്നുണ്ട്.

നേരത്തെ എഐസിസി ജനറൽ സെക്രട്ടറി കെ.സി. വേണുഗോപാലും കുടുംബസമേതം ഈ ചിത്രം കണ്ട് പ്രശംസിച്ചിരുന്നു. രാഷ്ട്രീയക്കാർ നടത്തുന്ന ആയിരം പ്രസംഗങ്ങളേക്കാൾ വലിയ സ്വാധീനം ചെലുത്താൻ 'വാഴ 2' എന്ന ഒറ്റച്ചിത്രത്തിന് കഴിയുമെന്നായിരുന്നു അദ്ദേഹത്തിന്റെ നിരീക്ഷണം.

ചിത്രത്തിലെ പ്രധാന താരങ്ങളായ ഹാഷിർ, അലൻ തുടങ്ങിയവരെ നേരിൽ കാണണമെന്ന ആഗ്രഹവും അദ്ദേഹം പങ്കുവെച്ചിരുന്നു.

സോഷ്യൽ മീഡിയ താരങ്ങളെ അണിനിരത്തി വിപിൻ ദാസിന്റെ തിരക്കഥയിൽ സവിൻ എസ്.എ. സംവിധാനം ചെയ്ത ചിത്രം യുവാക്കൾക്കിടയിൽ വലിയ സ്വീകാര്യതയാണ് നേടുന്നത്.

ഹാഷിർ, അമീൻ തുടങ്ങിയ യുവനിരയ്ക്കൊപ്പം സുധീഷ്, വിജയ് ബാബു, അജു വർഗീസ് തുടങ്ങി വലിയൊരു താരനിരയും ചിത്രത്തിലുണ്ട്.

ഡബ്ല്യുബിടിഎസ് പ്രൊഡക്ഷൻസ് ഉൾപ്പെടെയുള്ള പ്രമുഖ ബാനറുകൾ സംയുക്തമായി നിർമ്മിച്ച ചിത്രത്തിന്റെ മൂന്നാം ഭാഗവും അണിയറയിൽ പ്രഖ്യാപിച്ചു കഴിഞ്ഞു.

മുതിർന്ന രാഷ്ട്രീയ നേതാക്കൾ ഉൾപ്പെടെയുള്ളവർ സിനിമയെ ഇരുകൈയും നീട്ടി സ്വീകരിക്കുന്നത് ചിത്രത്തിന്റെ വിജയത്തിന് കൂടുതൽ തിളക്കം നൽകുന്നു.

### Related Links & Sources
- [Original Story Source](https://moviemax.in/news/354017/k-sudhakarans-praise-for-watching-banana-2)