---
title: "പോലീസ് വേഷത്തിൽ മീശപിരിച്ച് മോഹൻലാൽ; 'അതിമനോഹരം' ഫസ്റ്റ് ലുക്ക് പുറത്ത്"
english_title: "Mohanlal sports a mustache in a police role; 'Athimanoharam' first look out"
publisher: "moviemax.in"
canonical_url: "https://moviemax.in/news/353496/mohanlal-sports-a-mustache-in-a-police-role-athimanoharam-first-look-out"
published_at: "2026-04-15T16:56:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/69df75ffc2a52_Athimanoharam_first_look_out.jpg"
keywords: []
---

# പോലീസ് വേഷത്തിൽ മീശപിരിച്ച് മോഹൻലാൽ; 'അതിമനോഹരം' ഫസ്റ്റ് ലുക്ക് പുറത്ത്

> **Lead Summary:** 'തരുൺ മൂർത്തി - മോഹൻലാൽ' കൂട്ടുകെട്ടിലൊരുങ്ങുന്ന പുതിയ ചിത്രത്തിന്റെ ടൈറ്റിലും ഫസ്റ്റ് ലുക്കും പുറത്ത്. 'അതിമനോഹരം' എന്ന് പേരിട്ടിരിക്കുന്ന ചിത്രത്തിൽ അയ്യപ്പഭക്തർക്കിടയിൽ നിൽക്കുന്ന പോലീസ് ഉദ്യോഗസ്ഥനായാണ് മോഹൻലാൽ പ്രത്യക്ഷപ്പെടുന്നത്. ടി.എസ്. ലവ്‌ലജൻ എന്നാണ് ചിത്രത്തിലെ ലാലേട്ടന്റെ കഥാപാത്രത്തിന്റെ പേര്. 'തുടരും' എന്ന സൂപ്പർഹിറ്റ് സിനിമയ്ക്ക് ശേഷം തരുൺ മൂർത്തിയും മോഹൻലാലും വീണ്ടും ഒന്നിക്കുന്ന ഈ പ്രോജക്റ്റിനായി വലിയ ആവേശത്തോടെയാണ് ആരാധകർ കാത്തിരിക്കുന്നത്.

## Article Content

'തരുൺ മൂർത്തി - മോഹൻലാൽ' കൂട്ടുകെട്ടിലൊരുങ്ങുന്ന പുതിയ ചിത്രത്തിന്റെ ടൈറ്റിലും ഫസ്റ്റ് ലുക്കും പുറത്ത്. 'അതിമനോഹരം' എന്ന് പേരിട്ടിരിക്കുന്ന ചിത്രത്തിൽ അയ്യപ്പഭക്തർക്കിടയിൽ നിൽക്കുന്ന പോലീസ് ഉദ്യോഗസ്ഥനായാണ് മോഹൻലാൽ പ്രത്യക്ഷപ്പെടുന്നത്. ടി.എസ്. ലവ്‌ലജൻ എന്നാണ് ചിത്രത്തിലെ ലാലേട്ടന്റെ കഥാപാത്രത്തിന്റെ പേര്. 'തുടരും' എന്ന സൂപ്പർഹിറ്റ് സിനിമയ്ക്ക് ശേഷം തരുൺ മൂർത്തിയും മോഹൻലാലും വീണ്ടും ഒന്നിക്കുന്ന ഈ പ്രോജക്റ്റിനായി വലിയ ആവേശത്തോടെയാണ് ആരാധകർ കാത്തിരിക്കുന്നത്.

ചിത്രത്തിനായി മോഹൻലാൽ താടി വടിച്ചത് ഏറെ വൈറലായിരുന്നു. മീശ പിരിച്ചുള്ള മോഹൻലാലിന്റെ ചിത്രം ആരാധകർ ഉൾപ്പെടെ ഏറ്റെടുത്തു ആഘോഷമാക്കിയിരുന്നു. ആഷിഖ് ഉസ്മാന്‍ പ്രൊഡക്ഷന്‍സിന്റെ ബാനറില്‍ മോഹന്‍ലാല്‍ ആദ്യമായി നായകനാകുന്ന ചിത്രം കൂടിയാണ് അതിമനോഹരം. നേരത്തെ ഓസ്റ്റിന്‍ ഡാന്‍ തോമസിന്റെ സംവിധാനത്തില്‍ രതീഷ് രവിയുടെ തിരക്കഥയില്‍ L365 അനൗണ്‍സ് ചെയ്തിരുന്നു. പൊലീസ് യൂണിഫോമിന്റെ ചിത്രവുമായാണ് ഇതിന്റെ പോസ്റ്റര്‍ എത്തിയിരുന്നത്. പിന്നീട് ഓസ്റ്റിന്‍ ഈ ചിത്രത്തില്‍ നിന്ന് മാറുകയും തരുണ്‍ മൂര്‍ത്തിയുടെ സംവിധാനത്തില്‍ L366 പ്രഖ്യാപിക്കപ്പെടുകയും ആയിരുന്നു. രതീഷ് രവി തന്നെയാണ് ഈ ചിത്രത്തിന്റെ തിരക്കഥ ഒരുക്കുന്നത്. ഇത് പുതിയ കഥയാണെന്നും അല്ലെന്നും റിപ്പോര്‍ട്ടുകളുണ്ട്.

തുടരും ഉള്‍പ്പെടയുള്ള സിനിമകളുടെ ഛായാഗ്രാഹകനായ ഷാജി കുമാറാണ് ചിത്രത്തിന്റെ ക്യാമറ കൈകാര്യം ചെയ്യുന്നത്. സംഗീതം ജേക്‌സ് ബിജോയ് ആണ്. എഡിറ്റിംഗ് വിവേക് ഹര്‍ഷനും ആര്‍ട്ട് ഡയറക്ടര്‍ ഗോകുല്‍ ദാസുമാണ്. സൗണ്ട് ഡിസെന്‍ വിഷ്ണു ഗോവിന്ജ് നിര്‍വഹിക്കുമ്പോള്‍ കോസ്റ്റിയും ഡിസൈന്‍ ചെയ്യുന്ന മഷര്‍ ഹംസയാണ്. ദൃശ്യം 3 യ്ക്ക് ശേഷം മോഹന്‍ലാല്‍ ഭാഗമാകുന്ന മലയാള സിനിമാ ഷൂട്ടിംഗാണ് ആണ് ഈ ചിത്രത്തിന്റേത്. ചിത്രം ഈ വര്‍ഷമോ അടുത്ത വര്‍ഷം തുടക്കത്തിലോ തിയേറ്ററുകളിലെത്തുമെന്നാണ് പ്രതീക്ഷിക്കപ്പെടുന്നത്. വര്‍ഷങ്ങള്‍ക്ക് ശേഷം മമ്മൂട്ടിക്കൊപ്പം എത്തുന്ന പാട്രിയറ്റ്, കാമിയോ വേഷത്തിലെത്തുന്ന ഖലീഫ എന്നീ ചിത്രങ്ങളാണ് മോഹന്‍ലാലിന്റെ റിലീസ് കാത്തിരിക്കുന്ന ചിത്രങ്ങള്‍.

### Related Links & Sources
- [Original Story Source](https://moviemax.in/news/353496/mohanlal-sports-a-mustache-in-a-police-role-athimanoharam-first-look-out)