---
title: "ഗെയിം ഓഫ് ത്രോൺസ് താരം മൈക്കൽ പാട്രിക് അന്തരിച്ചു"
english_title: "Game of Thrones star Michael Patrick dies"
publisher: "moviemax.in"
canonical_url: "https://moviemax.in/news/352674/game-of-thrones-star-michael-patrick-dies"
published_at: "2026-04-10T15:32:00+05:30"
category: "Bollywood"
language: "ml"
image: "https://cf.zdn.im/img/truevisionnews.com/0/image-uploads/69d8cad958bb7_18.jpg"
keywords: []
---

# ഗെയിം ഓഫ് ത്രോൺസ് താരം മൈക്കൽ പാട്രിക് അന്തരിച്ചു

> **Lead Summary:** **[**പ്രശസ്തമായ 'ഗെയിം ഓഫ് ത്രോൺസ്' സീരീസിലൂടെ ശ്രദ്ധേയനായ നടനും എഴുത്തുകാരനുമായ മൈക്കൽ പാട്രിക് അന്തരിച്ചു. ദീർഘകാലമായി മോട്ടോർ ന്യൂറോൺ ഡിസീസ് ബാധിച്ച് ചികിത്സയിലായിരുന്ന അദ്ദേഹം 35-ാം വയസിലാണ് മരണത്തിന് കീഴടങ്ങിയത്.

## Article Content

**[**പ്രശസ്തമായ 'ഗെയിം ഓഫ് ത്രോൺസ്' സീരീസിലൂടെ ശ്രദ്ധേയനായ നടനും എഴുത്തുകാരനുമായ മൈക്കൽ പാട്രിക് അന്തരിച്ചു. ദീർഘകാലമായി മോട്ടോർ ന്യൂറോൺ ഡിസീസ് ബാധിച്ച് ചികിത്സയിലായിരുന്ന അദ്ദേഹം 35-ാം വയസിലാണ് മരണത്തിന് കീഴടങ്ങിയത്.

പത്ത് ദിവസം മുൻപ് പ്രവേശിപ്പിക്കപ്പെട്ട നോർത്തേൺ അയർലൻഡ് ഹോസ്പീസിൽ വെച്ചായിരുന്നു അന്ത്യം. മൈക്കൽ പാട്രിക്കിന്റെ ഭാര്യ നവോമി ഷീഹനാണ് ഇൻസ്റ്റഗ്രാമിലൂടെ ഈ വിയോഗവാർത്ത ലോകത്തെ അറിയിച്ചത്.

2023 ഫെബ്രുവരിയിലാണ് മൈക്കലിന് മോട്ടോർ ന്യൂറോൺ ഡിസീസ് സ്ഥിരീകരിക്കുന്നത്. പേശികളെ നിയന്ത്രിക്കുന്ന നാഡീകോശങ്ങളെ ബാധിക്കുന്ന ഈ രോഗം ക്രമേണ ശാരീരിക ചലനങ്ങളെ പൂർണ്ണമായും തടസ്സപ്പെടുത്തുന്ന ഒന്നാണ്.

കുടുംബാംഗങ്ങളുടെയും സുഹൃത്തുക്കളുടെയും സാന്നിധ്യത്തിൽ വളരെ ശാന്തനായാണ് അദ്ദേഹം വിടവാങ്ങിയതെന്നും ഹോസ്പീസിലെ മികച്ച പരിചരണം അദ്ദേഹത്തിന് ലഭിച്ചിരുന്നുവെന്നും നവോമി തന്റെ വൈകാരികമായ കുറിപ്പിൽ പങ്കുവെച്ചു.

'ഗെയിം ഓഫ് ത്രോൺസിന്റെ' ആറാം സീസണിലെ 'ദി ബ്രോക്കൺ മാൻ' എന്ന എപ്പിസോഡിൽ വൈൽഡിങ് റൈറ്റർ എന്ന കഥാപാത്രത്തെ അവതരിപ്പിച്ചാണ് മൈക്കൽ രാജ്യാന്തര തലത്തിൽ ശ്രദ്ധിക്കപ്പെട്ടത്. അഭിനയത്തിന് പുറമെ മികച്ചൊരു എഴുത്തുകാരൻ കൂടിയായിരുന്നു അദ്ദേഹം.

2020-ൽ ബിബിസി പുറത്തിറക്കിയ 'മൈ ലെഫ്റ്റ് നട്ട്' എന്ന അവാർഡ് ജേതാവായ സീരീസ് മൈക്കലിന്റെ രചനയായിരുന്നു. സ്വന്തം ജീവിതാനുഭവങ്ങളെ അടിസ്ഥാനമാക്കി അദ്ദേഹം രചിച്ച ഈ സീരീസ് ഏറെ പ്രശംസ പിടിച്ചുപറ്റിയിരുന്നു.

### Related Links & Sources
- [Original Story Source](https://moviemax.in/news/352674/game-of-thrones-star-michael-patrick-dies)