---
title: "'കുടകിലെ സുന്ദരിയെത്തന്നെ ഞാൻ വിവാഹം കഴിച്ചു'; രശ്മികയുടെ നാട്ടിലെത്തി വിജയ് ദേവരകൊണ്ടയുടെ മനസ്സ് തുറക്കൽ"
english_title: "Vijay Deverakonda opens up about his visit to Rashmika's hometown-new"
publisher: "moviemax.in"
canonical_url: "https://moviemax.in/news/352268/vijay-deverakonda-opens-up-about-his-visit-to-rashmikas-hometown-new"
published_at: "2026-04-08T15:40:00+05:30"
category: "Bollywood"
language: "ml"
image: "https://cf.zdn.im/img/truevisionnews.com/0/image-uploads/69d62a16a575f_17.jpg"
keywords: []
---

# 'കുടകിലെ സുന്ദരിയെത്തന്നെ ഞാൻ വിവാഹം കഴിച്ചു'; രശ്മികയുടെ നാട്ടിലെത്തി വിജയ് ദേവരകൊണ്ടയുടെ മനസ്സ് തുറക്കൽ

> **Lead Summary:** **[** വിവാഹശേഷം ആദ്യമായി തന്റെ പത്നി രശ്മിക മന്ദാനയുടെ ജന്മനാടായ കുടകിൽ സന്ദർശനം നടത്തി വിജയ് ദേവരകൊണ്ട. രശ്മികയുടെ ജന്മദിനത്തോടനുബന്ധിച്ചാണ് താരദമ്പതികൾ കുടകിലെത്തിയത്.

## Article Content

**[** വിവാഹശേഷം ആദ്യമായി തന്റെ പത്നി രശ്മിക മന്ദാനയുടെ ജന്മനാടായ കുടകിൽ സന്ദർശനം നടത്തി വിജയ് ദേവരകൊണ്ട. രശ്മികയുടെ ജന്മദിനത്തോടനുബന്ധിച്ചാണ് താരദമ്പതികൾ കുടകിലെത്തിയത്.

കുടകിലെ സ്ത്രീകളുടെ സൗന്ദര്യത്തെക്കുറിച്ച് വിജയ് പറഞ്ഞ വാക്കുകളാണ് ഇപ്പോൾ ആരാധകർക്കിടയിൽ ചർച്ചയാകുന്നത്. കുടകിലെ സ്ത്രീകൾ അതിസുന്ദരികളാണെന്ന് താൻ വിശ്വസിച്ചിരുന്നെന്നും ഇപ്പോൾ അവരിലൊരാളെ തന്നെ വിവാഹം കഴിക്കാൻ സാധിച്ചതിൽ അതിയായ സന്തോഷമുണ്ടെന്നും വിജയ് മാധ്യമങ്ങളോട് പറഞ്ഞു.

രശ്മികയുടെ കുട്ടിക്കാലത്തെ സ്മരണകളുറങ്ങുന്ന സ്ഥലങ്ങൾ അടുത്ത തവണ സന്ദർശിക്കണമെന്ന ആഗ്രഹവും വിജയ് പങ്കുവെച്ചു. വിവാഹശേഷം ഇരുവരും വെള്ളിത്തിരയിൽ വീണ്ടും ഒന്നിക്കുന്ന 'രണബാലി' എന്ന ബ്രഹ്മാണ്ഡ ചിത്രത്തിന്റെ റിലീസിനായി കാത്തിരിക്കുകയാണ് ആരാധകർ.

പത്തൊൻപതാം നൂറ്റാണ്ടിലെ ബ്രിട്ടീഷ് ഭരണകാലത്തെ വംശഹത്യകളും ക്രൂരതകളും പ്രമേയമാക്കുന്ന ഈ പീരിയഡ് ആക്ഷൻ ഡ്രാമ സെപ്റ്റംബർ 11-ന് തിയേറ്ററുകളിലെത്തും. 'രണബാലി'യായി വിജയ് ദേവരകൊണ്ടയും 'ജയമ്മ'യായി രശ്മികയും എത്തുന്ന ചിത്രത്തിൽ ഹോളിവുഡ് താരം അർനോൾഡ് വോസ്ലൂ ആണ് വില്ലൻ വേഷം കൈകാര്യം ചെയ്യുന്നത്.

മൈത്രി മൂവി മേക്കേഴ്സ് നിർമ്മിക്കുന്ന ഈ ചിത്രം ചരിത്രപുസ്തകങ്ങളിൽ മറച്ചുപിടിക്കപ്പെട്ട യഥാർത്ഥ സംഭവങ്ങളെ ആസ്പദമാക്കിയാണ് ഒരുങ്ങുന്നത്. ചിത്രത്തിന്റെ ടീസറും വെഡ്ഡിംഗ് പോസ്റ്ററുകളും ഇതിനോടകം തന്നെ സോഷ്യൽ മീഡിയയിൽ വലിയ തരംഗമായിക്കഴിഞ്ഞു.

### Related Links & Sources
- [Original Story Source](https://moviemax.in/news/352268/vijay-deverakonda-opens-up-about-his-visit-to-rashmikas-hometown-new)