(moviemax.in) രൺവീർ സിങ്ങിന്റെ കരിയറിലെ ഏറ്റവും വലിയ വിജയങ്ങളിലൊന്നായ 'ധുരന്ധർ 2' ബോക്സ് ഓഫീസിൽ കുതിക്കുമ്പോഴും ചിത്രത്തെക്കുറിച്ച് മൗനം പാലിച്ച ദീപിക പദുകോണിന്റെ നടപടി സോഷ്യൽ മീഡിയയിൽ വലിയ ചർച്ചയായിരുന്നു.
സിനിമയുടെ പ്രീമിയറിന് എത്താത്തതും സോഷ്യൽ മീഡിയയിൽ പോസ്റ്റുകൾ പങ്കുവെക്കാത്തതും ദാമ്പത്യത്തിലെ അസ്വാരസ്യങ്ങൾ കൊണ്ടാണോ എന്ന തരത്തിലുള്ള പ്രചാരണങ്ങൾക്കും ട്രോളുകൾക്കും താരം ഇപ്പോൾ വ്യക്തമായ മറുപടി നൽകിയിരിക്കുകയാണ്.
സിനിമയെക്കുറിച്ചുള്ള ഒരു ഇൻസ്റ്റാഗ്രാം റീലിന് താഴെ, "നിങ്ങളെല്ലാവരും കാണുന്നതിനും എത്രയോ മുൻപേ ഞാൻ സിനിമ കണ്ടുകഴിഞ്ഞു, ഇപ്പോൾ ആരായി വിഡ്ഢി?" എന്ന് കുറിച്ചുകൊണ്ടാണ് ദീപിക വിമർശകരുടെ വായടപ്പിച്ചത്.
സിനിമയുടെ പ്രീമിയർ ഒഴിവാക്കി ഭർതൃപിതാവിനൊപ്പം സിത്താർ കൺസേർട്ടിന് പോയത് പലരിലും സംശയമുണ്ടാക്കിയെങ്കിലും, ഭർത്താവിന്റെ വലിയ വിജയത്തിൽ നിന്ന് ശ്രദ്ധ തിരിക്കാതിരിക്കാനാണ് താരം മാറിനിന്നതെന്നാണ് ആരാധകരുടെ പക്ഷം.
ആദിത്യ ധർ സംവിധാനം ചെയ്ത ചിത്രം ഇതിനോടകം ഇന്ത്യയിൽ നിന്ന് മാത്രം 1000 കോടിയിലധികം രൂപ സ്വന്തമാക്കി ചരിത്രം കുറിച്ചുകഴിഞ്ഞു. രൺവീറിനൊപ്പം സഞ്ജയ് ദത്ത്, മാധവൻ തുടങ്ങിയവർ അണിനിരന്ന ഈ വിജയത്തിന് പിന്നാലെ ദീപികയുടെ വരാനിരിക്കുന്ന പ്രോജക്റ്റുകളെക്കുറിച്ചും സിനിമാലോകം ആവേശത്തിലാണ്.
ഷാരൂഖ് ഖാനൊപ്പമുള്ള 'കിങ്', അല്ലു അർജുനൊപ്പമുള്ള ആറ്റ്ലി ചിത്രം എന്നിവയടക്കം വലിയ പ്രോജക്റ്റുകളാണ് 2026-ൽ ദീപികയുടേതായി പുറത്തിറങ്ങാനുള്ളത്.
Content Highlight: Deepika's fiery reply to trolls for their silence on Ranveer's film
