(moviemax.in) വിവാഹത്തെക്കുറിച്ചും അഭിനയ ജീവിതം അവസാനിപ്പിക്കുന്നുവെന്നുമുള്ള വ്യാജ വാർത്തകൾക്ക് പരിഹാസരൂപേണ മറുപടി നൽകി തെന്നിന്ത്യൻ താരം തൃഷ. താൻ ഒരു കോടീശ്വരനെ വിവാഹം കഴിച്ചെന്നും അഭിനയം നിർത്തിയെന്നും, പോരാത്തതിന് രണ്ട് വയസ്സുള്ള നാല് കുട്ടികളെ വളർത്തുന്നുണ്ടെന്നും ഇൻസ്റ്റാഗ്രാം സ്റ്റോറിയിലൂടെ താരം പരിഹസിച്ചു.
"ഇന്നത്തെ ക്വാട്ട കഴിഞ്ഞോ അതോ ഇനിയും വല്ലതും ചേർക്കാനുണ്ടോ?" എന്ന ചോദ്യത്തോടെയാണ് തൃഷ അഭ്യൂഹങ്ങളെ തള്ളിക്കളഞ്ഞത്. നടൻ വിജയ്യുമായി ബന്ധപ്പെടുത്തി പ്രചരിച്ച വിവാദങ്ങൾക്കിടയിലാണ് താരത്തിന്റെ ഈ പ്രതികരണം. അടുത്തിടെ സമാധാനത്തിന്റെയും ആത്മവിശ്വാസത്തിന്റെയും പ്രാധാന്യത്തെക്കുറിച്ച് തൃഷ പങ്കുവെച്ച പോസ്റ്റുകളും ശ്രദ്ധേയമായിരുന്നു. സൂര്യ നായകനാകുന്ന 'കറുപ്പ്' ആണ് തൃഷയുടെ അടുത്ത ചിത്രം. മെയ് മാസത്തിൽ ചിത്രം തിയേറ്ററുകളിലെത്തും.
Content Highlight: 'Four children together! Married, stopped acting': Trisha's fiery response to the propaganda
