---
title: "എമ്പുരാനും ആടിനും പിന്നാലെ ഇനി വാഴ 2; വീക്കെൻഡ് കളക്ഷൻ ലിസ്റ്റിൽ നാലാം സ്ഥാനത്ത് ഹാഷിർ ചിത്രം"
english_title: "Vazha 2 ranks fourth in the weekend collection list"
publisher: "moviemax.in"
canonical_url: "https://moviemax.in/news/351976/vazha-2-ranks-fourth-in-the-weekend-collection-list"
published_at: "2026-04-07T09:53:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/69d4870150c5a_6.jpg"
keywords: []
---

# എമ്പുരാനും ആടിനും പിന്നാലെ ഇനി വാഴ 2; വീക്കെൻഡ് കളക്ഷൻ ലിസ്റ്റിൽ നാലാം സ്ഥാനത്ത് ഹാഷിർ ചിത്രം

> **Lead Summary:** **[** മലയാള സിനിമയിൽ വീണ്ടുമൊരു ബോക്സ് ഓഫീസ് വിപ്ലവം സൃഷ്ടിച്ചുകൊണ്ട് 'വാഴ 2' കുതിക്കുന്നു. സവിൻ സാ സംവിധാനം ചെയ്ത് വിപിൻ ദാസ് തിരക്കഥയൊരുക്കിയ ഈ ചിത്രം റിലീസ് ദിനം മുതൽ പ്രേക്ഷകമനസ്സും നിരൂപക പ്രശംസയും ഒരുപോലെ കീഴടക്കുകയാണ്.

## Article Content

**[** മലയാള സിനിമയിൽ വീണ്ടുമൊരു ബോക്സ് ഓഫീസ് വിപ്ലവം സൃഷ്ടിച്ചുകൊണ്ട് 'വാഴ 2' കുതിക്കുന്നു. സവിൻ സാ സംവിധാനം ചെയ്ത് വിപിൻ ദാസ് തിരക്കഥയൊരുക്കിയ ഈ ചിത്രം റിലീസ് ദിനം മുതൽ പ്രേക്ഷകമനസ്സും നിരൂപക പ്രശംസയും ഒരുപോലെ കീഴടക്കുകയാണ്.

ഹാഷിർ ഉൾപ്പെടെയുള്ള യുവതാരങ്ങൾ അണിനിരന്ന ചിത്രം ഇപ്പോൾ മലയാളത്തിലെ വമ്പൻ താരങ്ങളുടെ സിനിമകളെപ്പോലും പിന്നിലാക്കി വീക്കെൻഡ് കളക്ഷനിൽ പുതിയ ചരിത്രം കുറിച്ചിരിക്കുകയാണ്. നിലവിലെ പ്രകടനം വിലയിരുത്തുമ്പോൾ ചിത്രം 100 കോടി ക്ലബ്ബിലേക്ക് അതിവേഗം അടുക്കുകയാണെന്നാണ് ട്രേഡ് അനലിസ്റ്റുകളുടെ റിപ്പോർട്ടുകൾ സൂചിപ്പിക്കുന്നത്.

സൗത്ത് ഇന്ത്യൻ ബോക്സ് ഓഫീസ് പുറത്തുവിട്ട കണക്കുകൾ പ്രകാരം, മലയാളത്തിൽ ഏറ്റവും കൂടുതൽ വീക്കെൻഡ് കളക്ഷൻ നേടിയ ആദ്യ പത്ത് സിനിമകളുടെ പട്ടികയിൽ 'വാഴ 2' നാലാം സ്ഥാനം സ്വന്തമാക്കി.

175 കോടി രൂപയുമായി മോഹൻലാലിന്റെ 'എമ്പുരാൻ' ഒന്നാം സ്ഥാനത്ത് തുടരുമ്പോൾ, ജയസൂര്യയുടെ 'ആട് 3' രണ്ടാം സ്ഥാനത്തുണ്ട്. മമ്മൂട്ടിയുടെ 'ടർബോ' ഉൾപ്പെടെയുള്ള മുൻനിര ചിത്രങ്ങളെ പിന്തള്ളിയാണ് വാഴ 2-ന്റെ ഈ അവിശ്വസനീയമായ കുതിപ്പ്.

മോഹൻലാലിന്റെ മൂന്ന് ചിത്രങ്ങളും മമ്മൂട്ടിയുടെ രണ്ട് ചിത്രങ്ങളും ഇടംപിടിച്ച ഈ പട്ടികയിൽ ഒരു യുവതാര ചിത്രം ഇത്രയും വലിയ നേട്ടം കൊയ്യുന്നത് മലയാള സിനിമയിലെ പുതിയ മാറ്റത്തിന്റെ സൂചനയായാണ് വിലയിരുത്തപ്പെടുന്നത്. 45 കോടി നേടിയ 'ടർബോ' പത്താം സ്ഥാനത്തുള്ള പട്ടികയിലാണ് ഹാഷിറും സംഘവും തങ്ങളുടെ ആധിപത്യം ഉറപ്പിച്ചിരിക്കുന്നത്.

### Related Links & Sources
- [Original Story Source](https://moviemax.in/news/351976/vazha-2-ranks-fourth-in-the-weekend-collection-list)