(moviemax.in) മലയാളികളുടെ പ്രിയതാരം അഞ്ജു അരവിന്ദ് തന്റെ ജീവിതപങ്കാളി സഞ്ജയ് അമ്പലപ്പറമ്പത്തിനൊപ്പമുള്ള മനോഹരമായ നിമിഷങ്ങൾ സോഷ്യൽ മീഡിയയിൽ പങ്കുവെച്ചു. തങ്ങളുടെ പഴയകാല ചിത്രങ്ങൾ ഉൾപ്പെടുത്തി തയ്യാറാക്കിയ വീഡിയോയിലൂടെയാണ് താരം തന്റെ പ്രണയവും സന്തോഷവും ആരാധകരെ അറിയിച്ചത്.
"ശരിയായ വ്യക്തി എപ്പോഴും ഏറെ വൈകിയേ വരൂ. എന്നാൽ അവർ വന്നു കഴിഞ്ഞാൽ ജീവിതം വളരെ മനോഹരമാകും. നിന്നെ കണ്ടുമുട്ടിയപ്പോൾ എനിക്കുണ്ടായ അനുഭവം പോലെ," എന്ന ഹൃദയസ്പർശിയായ കുറിപ്പോടെയാണ് വീഡിയോ പോസ്റ്റ് ചെയ്തിരിക്കുന്നത്. നിരവധി ആരാധകരും സുഹൃത്തുക്കളുമാണ് താരത്തിന് ആശംസകളുമായി എത്തുന്നത്.
തന്റെ വ്യക്തിജീവിതത്തെക്കുറിച്ചും ലിവിൻ റിലേഷനെക്കുറിച്ചും അഞ്ജു മുൻപ് തുറന്നു പറഞ്ഞിരുന്നു. എട്ടാം ക്ലാസ്സിൽ പഠിക്കുമ്പോഴുള്ള തന്റെ ആദ്യ ക്രഷ് ആയിരുന്നു സഞ്ജയ് എന്നും വർഷങ്ങൾക്ക് ശേഷം ജീവിതത്തിന്റെ മറ്റൊരു ഘട്ടത്തിൽ വീണ്ടും ഒന്നിക്കുകയായിരുന്നുവെന്നുമാണ് താരം വെളിപ്പെടുത്തിയത്. കഴിഞ്ഞ അഞ്ച് വർഷമായി ഇവർ ഒരുമിച്ചാണ് താമസം. ആദ്യ വിവാഹബന്ധം വേർപെടുത്തേണ്ടി വന്നതും രണ്ടാമത്തെ പങ്കാളിയുടെ വേർപാടും നൽകിയ വേദനകൾക്ക് ശേഷം സഞ്ജയ് തന്റെ ജീവിതത്തിലേക്ക് എത്തിയതിനെക്കുറിച്ച് താരം മുൻപ് വാചാലയായിരുന്നു.
സിനിമയിൽ നിന്ന് സീരിയലിലേക്ക്:
'അക്ഷരം' എന്ന ചിത്രത്തിലൂടെ സിനിമയിലെത്തിയ അഞ്ജു അരവിന്ദ് തമിഴ്, തെലുങ്ക് ഭാഷകളിലും സജീവമായിരുന്നു. രജനികാന്ത്, വിജയ് തുടങ്ങിയ സൂപ്പർതാരങ്ങൾക്കൊപ്പം അഭിനയിച്ച താരം 'ദോസ്ത്' എന്ന ചിത്രത്തിലൂടെയാണ് മലയാളികൾക്ക് കൂടുതൽ പ്രിയങ്കരിയായത്. നിലവിൽ മിനിസ്ക്രീൻ രംഗത്തും താരം സജീവമാണ്.
Content Highlight: 'The right person may come late, but when he does, life is beautiful'; Anju Aravind shares her experiences with her livin partner
.jpeg)
