(moviemax.in) സൗത്ത് ഇന്ത്യൻ സിനിമാലോകത്തെ മുൻനിര നായകന്മാരിൽ ഒരാളാണ് നാഗചൈതന്യ. തെലുങ്ക് ഉൾപ്പെടെയുള്ള ദക്ഷിണേന്ത്യൻ ഭാഷകളിൽ നിരവധി സൂപ്പർഹിറ്റുകൾ സമ്മാനിച്ച താരം ബോളിവുഡിലും തന്റെ സാന്നിധ്യമറിയിച്ചിട്ടുണ്ട്. അമീർ ഖാൻ നായകനായ 'ലാൽ സിങ് ചദ്ദ'യിലൂടെയാണ് നാഗചൈതന്യ ബോളിവുഡിൽ അരങ്ങേറ്റം കുറിച്ചത്. എന്നാൽ വലിയ പ്രതീക്ഷകളോടെ എത്തിയ ചിത്രം സമ്മിശ്ര പ്രതികരണമാണ് നേടിയത്. അതിന് ശേഷം മറ്റൊരു ഹിന്ദി സിനിമയിലും താരം അഭിനയിച്ചിട്ടില്ല. ബോളിവുഡിൽ നിന്ന് വിട്ടുനിൽക്കുന്നതിന്റെ കാരണം വെളിപ്പെടുത്തിയിരിക്കുകയാണ് താരം ഇപ്പോൾ.
'പ്രത്യേകിച്ചൊന്നുമില്ല. ആ സിനിമയ്ക്ക് ശേഷം ഞാൻ ഇവിടുത്തെ പ്രോജക്റ്റുകളിൽ തിരക്കിലായിരുന്നു. ബോളിവുഡിൽ ഒരു അവസരം തേടുകയാണ്, അവിടെ വീണ്ടും പ്രത്യേകമായി എന്തെങ്കിലും ചെയ്യാൻ അവസരം ലഭിച്ചാൽ ചെയ്യും. ആ സിനിമയുടെ ചിത്രീകരണം ഞാൻ ശരിക്കും ആസ്വദിച്ചതാണ്. വളരെയേറെ പഠിച്ചു, അവിടുത്തെ ആളുകൾ നന്നായി പെരുമാറി, എന്നെ നന്നായി ശ്രദ്ധിക്കുകയും ചെയ്തു. അനുഭവം അത്ഭുതകരമായിരുന്നു. ബോക്സ് ഓഫീസിൽ ചിത്രത്തിൻ്റെ പ്രകടനം നോക്കിയാൽ ചില സിനിമകൾക്ക് കയറ്റിറക്കങ്ങളുണ്ടാകുമെന്ന് മനസ്സിലാക്കാനുള്ള പക്വത നമുക്കായിട്ടുണ്ട്. പക്ഷേ നമ്മുടെ ലക്ഷ്യത്തിന് അത് തടസ്സമല്ല. അതിനാൽ, വിജയം എൻ്റെ ചിന്താഗതിയെ ഒരു തരത്തിലും മാറ്റിയിട്ടില്ല,' അദ്ദേഹം പറഞ്ഞു.
ബോളിവുഡ് ചിത്രങ്ങളിൽ നിന്ന് വിട്ടുനിൽക്കുന്നതിൻ്റെ കാരണം വിശദീകരിച്ച് നാഗ ചൈതന്യ കൂട്ടിച്ചേർത്തു, "തണ്ടേൽ (2025), വൃഷകർമ്മ എന്നിവ വളരെ സങ്കീർണ്ണമായ ചിത്രങ്ങളാണ്. വൃഷകർമ്മ എത്രത്തോളം സങ്കീർണ്ണമാണെന്ന് ഞങ്ങൾ ചിത്രീകരണം ആരംഭിച്ചതിന് ശേഷമാണ് ഞാൻ മനസ്സിലാക്കിയത്, കാരണം ഏകദേശം 80 ശതമാനവും VFX നെ അടിസ്ഥാനമാക്കിയുള്ളതാണ്. ഇത്തരം കഥകളുമായി പ്രവർത്തിക്കുമ്പോൾ, ജോലിയും സങ്കീർണ്ണമാകും.
Content Highlight: Naga Chaitanya reveals the reason behind his absence from Bollywood
