---
title: "ഭർത്താവിനില്ലാത്ത ദണ്ണം മറ്റുള്ളവർക്ക് വേണ്ട'; ജീവ പറയുന്നു "
english_title: "Jeeva's new interview is getting attention now"
publisher: "moviemax.in"
canonical_url: "https://moviemax.in/news/35001/jeevas-new-interview-is-getting-attention-now"
published_at: "2022-03-31T16:30:00+05:30"
category: "TV"
language: "ml"
image: "https://cf.zdn.im/img/truevisionnews.com/0/image-uploads/62458a425a890_jeeva.jpg"
keywords: []
---

# ഭർത്താവിനില്ലാത്ത ദണ്ണം മറ്റുള്ളവർക്ക് വേണ്ട'; ജീവ പറയുന്നു 

> **Lead Summary:** മിനിസ്ക്രീനിൽ തിളങ്ങി നിൽക്കുന്ന സെലിബ്രിറ്റി ദമ്പതികളാണ് ജീവയും അപർണ തോമസും. സരിഗമപ കേരളം എന്ന സംഗീത റിയാലിറ്റി ഷോയിലൂടെ മലയാളികൾക്ക് സുപരിചിതനായ ജീവ വളരെ ചുരുങ്ങിയ സമയം കൊണ്ടാണ് പ്രേക്ഷക ഹൃദയങ്ങൾ കീഴടക്കിയത്.

## Article Content

മിനിസ്ക്രീനിൽ തിളങ്ങി നിൽക്കുന്ന സെലിബ്രിറ്റി ദമ്പതികളാണ് ജീവയും അപർണ തോമസും. സരിഗമപ കേരളം എന്ന സംഗീത റിയാലിറ്റി ഷോയിലൂടെ മലയാളികൾക്ക് സുപരിചിതനായ ജീവ വളരെ ചുരുങ്ങിയ സമയം കൊണ്ടാണ് പ്രേക്ഷക ഹൃദയങ്ങൾ കീഴടക്കിയത്.

സൂര്യ മ്യൂസിക്കിൽ നിന്നാണ് ജീവ സരിഗമപ കേരളം എന്ന റിയാലിറ്റിഷോയുടെ ഭാ​ഗമായത്. ഇപ്പോൾ അവതാരകനെന്നതിലുപരി നടനായും ജീവ മാറി കഴിഞ്ഞു. ജസ്റ്റ് മാരീഡ് തിങ്സ് എന്ന വെബ് സീരിസിലൂടെ അഭിനയം ആരംഭിച്ച ജീവ ശേഷം അനൂപ് മേനോൻ നായകനായ 21 ​ഗ്രാംസ് എന്ന ത്രില്ലറിലും ശ്രദ്ധേയ വേഷം ചെയ്തു.

ജീവയും അപർണയും സോഷ്യൽമീഡിയയിലെ സജീവ സാന്നിധ്യങ്ങളാണ്‌. തങ്ങളുടെ വിശേഷങ്ങളെല്ലാം സോഷ്യൽമീഡിയയിൽ ഇരുവരും പങ്കുവെക്കാറുമുണ്ട്. അടുത്തിടെ മാലിദ്വീപിൽ അവധി ആഘോഷിക്കാൻ പോയപ്പോൾ ബിക്കിനി പോലുള്ള വസ്ത്രങ്ങൾ ധരിച്ച് നിൽക്കുന്ന ചിത്രങ്ങൾ അപർണ സോഷ്യൽമീഡിയയിൽ പോസ്റ്റ് ചെയ്തിരുന്നു.

ഫോട്ടോ പ്രത്യക്ഷപ്പെട്ടതോടെ സദാചാര കമന്റുകളഉം ഫോട്ടോയ്ക്ക് വരാൻ തുടങ്ങി. സംഭവത്തിൽ പ്രതികരിച്ച് രം​ഗത്തെത്തിയിരിക്കുകയാണ് ജീവ ഇപ്പോൾ.ഒരു അഭിമുഖത്തിലാണ് സലദാചാരക്കാരോടുള്ള തന്റെ മനോഭാവത്തെ കുറിച്ച് ജീവ വ്യക്തമാക്കിയത്. 

കാര്യങ്ങൾ കാണുന്ന രീതിയിൽ ഉള്ള വ്യത്യാസമാണ് ഇത്തരം കമന്റുകൾക്ക് കാരണം. ഞാനും ഭാര്യയും കൂടെ ടൂർ പോകുമ്പോൾ അവൾ അവൾക്കിഷ്ടമുള്ള വസ്ത്രം ഇടുന്നു. ആ കോസ്റ്റ്യൂമിനെ കമന്റ് ചെയ്യാനാണ് എല്ലാവർക്കും താൽ‌പര്യം. ഒരു ഭർത്താവിനില്ലാത്ത എന്ത് ദണ്ണമാണ് നാട്ടുകാർക്ക് ഉണ്ടാകുന്നത് എന്ന് എനിക്ക് മനസിലായിട്ടില്ല.' 

'നിങ്ങളുടെ സ്വകാര്യത നിങ്ങൾ കണ്ടാൽപ്പോരെ എന്നാെക്കെ ചിലർ ചോദിക്കാറുണ്ട്. ഞങ്ങളുടെ സ്വകാര്യത ഞങ്ങൾ നാട്ടുകാരെ കാണിച്ചിട്ടില്ല. ഇത്തരക്കാരുടെ വിചാരം ഇവരെന്തോ കണ്ടുപിടിച്ചെന്നാണ്. നാട്ടുകാർ എന്ത് കാണണമെന്ന് ഞങ്ങൾ‌ ആ​ഗ്രഹിക്കുന്നോ അത് മാത്രമെ ഞങ്ങൾ ഇതുവരെ പങ്കുവെച്ചിട്ടുള്ളൂ.

ഭാര്യയോട് അങ്ങനെ ചെയ്യരുത്... ഇങ്ങനെ ചെയ്യരുത് എന്നൊന്നും പറഞ്ഞ് ബുദ്ധിമുട്ടിക്കുന്ന ഭർത്താവല്ല ഞാൻ. അങ്ങനൊരു ഭർത്താവാകാൻ താൽപര്യവുമില്ല. വസ്ത്രധാരണത്തിന് എല്ലാവർക്കും സ്വാതന്ത്രമുണ്ട്. എന്റെ ഭാര്യയ്ക്ക് ഇഷ്ടപ്പെട്ട വസ്ത്രം അവൾ ധരിക്കട്ടെ.... വേറാരും അതിൽ ഇടപെടണ്ട' ജീവ പറഞ്ഞു. 

### Related Links & Sources
- [Original Story Source](https://moviemax.in/news/35001/jeevas-new-interview-is-getting-attention-now)