---
title: "കൈകൾ പുറകിൽ കെട്ടി അയ്യർ വീണ്ടുമെത്തുന്നു! 'സിബിഐ 6' ഉടൻ; ആരാധകരെ ഞെട്ടിച്ച് ഔദ്യോഗിക സ്ഥിരീകരണം!"
english_title: "Director K. Madhu confirms 'CBI 6'"
publisher: "moviemax.in"
canonical_url: "https://moviemax.in/news/349965/director-k-madhu-confirms-cbi-6"
published_at: "2026-03-27T09:48:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/69c60693143af_5.jpg"
keywords: []
---

# കൈകൾ പുറകിൽ കെട്ടി അയ്യർ വീണ്ടുമെത്തുന്നു! 'സിബിഐ 6' ഉടൻ; ആരാധകരെ ഞെട്ടിച്ച് ഔദ്യോഗിക സ്ഥിരീകരണം!

> **Lead Summary:** **[ **മലയാളികളുടെ എക്കാലത്തെയും പ്രിയപ്പെട്ട കുറ്റാന്വേഷണ പരമ്പരയായ സിബിഐ ഡയറിക്കുറിപ്പിലെ ആറാം ഭാഗം വരുന്നുവെന്ന വാർത്തകൾക്ക് ഒടുവിൽ സ്ഥിരീകരണമായി. സേതുരാമയ്യർ എന്ന അനശ്വര കഥാപാത്രമായി മമ്മൂട്ടി വീണ്ടും എത്തുമോ എന്ന ആകാംക്ഷയിലായിരുന്ന ആരാധകർക്ക് ആവേശം പകരുന്ന വെളിപ്പെടുത്തലുമായി സംവിധായകൻ കെ. മധു തന്നെയാണ് രംഗത്തെത്തിയത്.

## Article Content

**[ **മലയാളികളുടെ എക്കാലത്തെയും പ്രിയപ്പെട്ട കുറ്റാന്വേഷണ പരമ്പരയായ സിബിഐ ഡയറിക്കുറിപ്പിലെ ആറാം ഭാഗം വരുന്നുവെന്ന വാർത്തകൾക്ക് ഒടുവിൽ സ്ഥിരീകരണമായി. സേതുരാമയ്യർ എന്ന അനശ്വര കഥാപാത്രമായി മമ്മൂട്ടി വീണ്ടും എത്തുമോ എന്ന ആകാംക്ഷയിലായിരുന്ന ആരാധകർക്ക് ആവേശം പകരുന്ന വെളിപ്പെടുത്തലുമായി സംവിധായകൻ കെ. മധു തന്നെയാണ് രംഗത്തെത്തിയത്.

ഒരു പൊതുപരിപാടിക്കിടെ, സിബിഐയുടെ അഞ്ച് ഭാഗങ്ങളും ഇഷ്ടപ്പെട്ടവർക്കായി ആറാം ഭാഗം ഉടനെത്തുമെന്ന് അദ്ദേഹം ഔദ്യോഗികമായി പ്രഖ്യാപിക്കുകയായിരുന്നു. ഇതോടെ കഴിഞ്ഞ ഏതാനും ദിവസങ്ങളായി സോഷ്യൽ മീഡിയയിൽ പടർന്ന ഊഹാപോഹങ്ങൾക്ക് അറുതിയായിരിക്കുകയാണ്.

എസ്.എൻ. സ്വാമിയുടെ രചനയിൽ 1988-ൽ ആരംഭിച്ച ഈ സിനിമാ പരമ്പര മലയാളത്തിലെ ഇൻവെസ്റ്റിഗേഷൻ ത്രില്ലറുകളുടെ ചരിത്രം തന്നെ തിരുത്തിക്കുറിച്ചതാണ്. ഓമന കൊലക്കേസിനെ ആസ്പദമാക്കി പുറത്തിറങ്ങിയ ആദ്യ ഭാഗം മുതൽ 2022-ൽ പുറത്തിറങ്ങിയ അഞ്ചാം ഭാഗം വരെ സേതുരാമയ്യരുടെ കൂർമ്മബുദ്ധി പ്രേക്ഷകരെ ഒന്നടങ്കം വിസ്മയിപ്പിച്ചിരുന്നു.

അഞ്ചാം ഭാഗമായ 'സിബിഐ 5: ദ ബ്രെയിൻ' വലിയ പ്രതീക്ഷകളോടെയാണ് എത്തിയതെങ്കിലും ബോക്സ് ഓഫീസിൽ സമ്മിശ്ര പ്രതികരണമാണ് നേടിയത്. എങ്കിലും 17 വർഷത്തെ ഇടവേളയ്ക്ക് ശേഷം അയ്യർ മടങ്ങിയെത്തിയത് സിനിമാസ്വാദകർക്കിടയിൽ വലിയ ചർച്ചയായിരുന്നു.

പുതിയ ചിത്രത്തിന്റെ സംവിധാന ചുമതല 'ദി പ്രീസ്റ്റ്' എന്ന ചിത്രത്തിലൂടെ ശ്രദ്ധേയനായ ജോഫിൻ ടി. ചാക്കോയ്ക്ക് ആയിരിക്കുമെന്നും ചില റിപ്പോർട്ടുകൾ സൂചിപ്പിക്കുന്നുണ്ടെങ്കിലും ഇക്കാര്യത്തിൽ വരും ദിവസങ്ങളിൽ മാത്രമേ കൂടുതൽ വ്യക്തത വരികയുള്ളൂ.

ഏതായാലും മലയാള സിനിമയുടെ സ്വന്തം 'ജെയിംസ് ബോണ്ട്' സ്റ്റൈലിലുള്ള സേതുരാമയ്യരുടെ ആറാം വരവിനായി കാത്തിരിക്കുകയാണ് സിനിമാലോകം.

### Related Links & Sources
- [Original Story Source](https://moviemax.in/news/349965/director-k-madhu-confirms-cbi-6)