---
title: "ഒരു കൈയബദ്ധം; പ്രധാനമന്ത്രിക്ക് ആശംസയുമായി സാധിക; പോസ്റ്റിലെ പിശക് ചൂണ്ടിക്കാട്ടി സോഷ്യൽ മീഡിയയിൽ വിമർശനം"
english_title: "Criticism on social media over error in post"
publisher: "moviemax.in"
canonical_url: "https://moviemax.in/news/349612/criticism-on-social-media-over-error-in-post"
published_at: "2026-03-25T12:45:00+05:30"
category: "TV"
language: "ml"
image: "https://cf.zdn.im/img/truevisionnews.com/0/image-uploads/69c38c54c7862_Criticism_on_social_media_over_error_in_post.jpg"
keywords: []
---

# ഒരു കൈയബദ്ധം; പ്രധാനമന്ത്രിക്ക് ആശംസയുമായി സാധിക; പോസ്റ്റിലെ പിശക് ചൂണ്ടിക്കാട്ടി സോഷ്യൽ മീഡിയയിൽ വിമർശനം

> **Lead Summary:** ഇന്ത്യയിലെ സർക്കാരുകളെ ഏറ്റവും കൂടുതൽ കാലം നയിച്ച ഭരണാധികാരി എന്ന റെക്കോർഡ് സ്വന്തമാക്കിയ പ്രധാനമന്ത്രി നരേന്ദ്ര മോദിയെ അഭിനന്ദിച്ചുകൊണ്ടുള്ള നടി സാധിക വേണുഗോപാലിന്റെ പോസ്റ്റ് വിവാദത്തിൽ. പോസ്റ്റിലെ വസ്തുതാപരമായ പിശകുകൾ ചൂണ്ടിക്കാട്ടിയാണ് സോഷ്യൽ മീഡിയയിൽ വിമർശനം ഉയരുന്നത്.

## Article Content

ഇന്ത്യയിലെ സർക്കാരുകളെ ഏറ്റവും കൂടുതൽ കാലം നയിച്ച ഭരണാധികാരി എന്ന റെക്കോർഡ് സ്വന്തമാക്കിയ പ്രധാനമന്ത്രി നരേന്ദ്ര മോദിയെ അഭിനന്ദിച്ചുകൊണ്ടുള്ള നടി സാധിക വേണുഗോപാലിന്റെ പോസ്റ്റ് വിവാദത്തിൽ. പോസ്റ്റിലെ വസ്തുതാപരമായ പിശകുകൾ ചൂണ്ടിക്കാട്ടിയാണ് സോഷ്യൽ മീഡിയയിൽ വിമർശനം ഉയരുന്നത്.

ഗുജറാത്ത് മുഖ്യമന്ത്രി എന്ന നിലയിലും പിന്നീട് പ്രധാനമന്ത്രി എന്ന നിലയിലുമായി മോദി ആകെ 8,931 ദിവസങ്ങൾ ഭരണത്തിൽ പൂർത്തിയാക്കിയത് ഈ മാസം 22-ാം തീയതിയായിരുന്നു. ആഭ്യന്തര മന്ത്രി അമിത് ഷാ ഉൾപ്പെടെയുള്ള പ്രമുഖർ ഈ നേട്ടത്തിൽ മോദിയെ അഭിനന്ദിച്ച് രംഗത്തെത്തിയിരുന്നു. വാട്സ്ആപ്പിലും മറ്റ് സോഷ്യൽ മീഡിയ പ്ലാറ്റ്‌ഫോമുകളിലും ഇതേക്കുറിച്ച് നിരവധി ഫോർവേഡ് സന്ദേശങ്ങളും പ്രചരിച്ചിരുന്നു.

ഇത്തരത്തിൽ ലഭിച്ച ഒരു സന്ദേശമോ വിവരമോ അടിസ്ഥാനമാക്കി ഇൻസ്റ്റാഗ്രാമിൽ പങ്കുവെച്ച കുറിപ്പിലാണ് സാധികയ്ക്ക് അബദ്ധം പിണഞ്ഞത്. കണക്കുകളിലെയും വസ്തുതകളിലെയും തെറ്റുകൾ ശ്രദ്ധയിൽപ്പെട്ടതോടെ നിരവധി പേർ താരത്തെ പരിഹസിച്ചും തിരുത്തിയും രംഗത്തെത്തി.

> ഗുജറാത്ത് മുഖ്യമന്ത്രി ആയിരുന്ന കാലം കൂടി ചേര്‍ത്താണ് 8931 എന്ന സംഖ്യയില്‍ എത്തിയത് എന്നത് പരിഗണിക്കാതെയായിരുന്നു സാധികയുടെ കുറിപ്പ്. “എന്ത് കാര്യമാണോ നിങ്ങളെ തകര്‍ക്കാത്തത്, അതാണ് ചിന്തിക്കുന്നതിനുമപ്പുറം നിങ്ങളെ കരുത്തനാക്കുന്നത്. ആയുരാരോഗ്യം നേരുന്നു സാര്‍. നമ്മുടെ പ്രധാനമന്ത്രി എന്ന നിലയില്‍ 8931 ദിവസങ്ങള്‍ പൂര്‍ത്തിയാക്കിയ നരേന്ദ്ര മോദിക്ക് അഭിനന്ദനങ്ങള്‍”, എന്നായിരുന്നു സാധികയുടെ കുറിപ്പ്. ഒപ്പം പങ്കുവെച്ച റീലില്‍ മോദി മുന്‍പ് നടത്തിയ ഒരു പ്രസംഗത്തെ അനുകരിച്ചിട്ടുമുണ്ട് സാധിക. തനിക്ക് നേരെ ഉയരാറുള്ള പരിഹാസങ്ങളെയും വിമര്‍ശനങ്ങളെയും സൂചിപ്പിച്ച് ദിവസേന 2- 3 കിലോയോളം ശകാരമാണ് താന്‍ കഴിക്കുന്നതെന്ന് മുന്‍പൊരു പ്രസംഗത്തില്‍ മോദി പറഞ്ഞിരുന്നു. ഈ വീഡിയോ ഭാഗം വൈറല്‍ ആവുകയും ചെയ്തിരുന്നു.

> സാധികയുടെ പോസ്റ്റിലെ കമന്‍റ് ബോക്സില്‍ പിശക് ചൂണ്ടിക്കാട്ടി ആളുകള്‍ എത്തിയിട്ടില്ലെങ്കിലും ഫേസ്ബുക്ക് അടക്കമുള്ള പ്ലാറ്റ്‍ഫോമുകളില്‍ ഇത് ചിലര്‍ ചര്‍ച്ചയാക്കുന്നുണ്ട്. “ശരിക്കും മനസ്സിലാവാത്തത് കൊണ്ടാണ്.. 8931 ദിവസം പ്രധാനമന്ത്രിയായി കംപ്ലീറ്റ് ചെയ്തു എന്നൊക്കെ പറഞ്ഞാൽ അത് 25 കൊല്ലത്തോളം ആയില്ലേ?”, എന്നാണ് സാധികയുടെ പോസ്റ്റിന്‍റെ സ്ക്രീന്‍ ഷോട്ട് പങ്കുവച്ചുകൊണ്ട് ഫേസ്ബുക്കില്‍ ഒരാളുടെ പോസ്റ്റ്. ഗുജറാത്ത് മുഖ്യമന്ത്രിയായിരുന്ന കാലം കൂടി പരിഗണിക്കുമ്പോഴുള്ള കണക്കാണ് എന്നറിയാതെയുള്ള പോസ്റ്റ് ആണെന്ന് ഇതിനടിയില്‍ കമന്‍റുകളും വരുന്നുണ്ട്. സിക്കിം മുന്‍ മുഖ്യമന്ത്രി ആയിരുന്ന പവന്‍ കുമാര്‍ ചാംലിംഗിന്‍റെ 8930 ദിവസമെന്ന റെക്കോര്‍ഡ് ആണ് നരേന്ദ്ര മോദി മറികടന്നത്.

### Related Links & Sources
- [Original Story Source](https://moviemax.in/news/349612/criticism-on-social-media-over-error-in-post)