ജയസൂര്യയെ നായകനാക്കി ര്ജിത്ത് ശങ്കര് സംവിധാനം ചെയ്ത സണ്ണി എന്ന ചിത്രത്തിന് മികച്ച അഭിപ്രായങ്ങളാണ് വന്നുകൊണ്ടിരിയ്ക്കുന്നത്. ഈ ഒരു സാഹചര്യത്തില് ഏറ്റവും പ്രാധാന്യം അര്ഹിയ്ക്കുന്ന സിനിമ എന്നതിനാല് തന്നെയും, പലര്ക്കും സ്വന്തം കഥ എന്ന നിലയില് ബന്ധിപ്പിയ്ക്കാന് കഴിയുന്നത് കൊണ്ടും സണ്ണി വളരെ പെട്ടന്ന് പ്രേക്ഷകരിലേക്കിറങ്ങി,
സണ്ണി എന്ന ഒറ്റ കഥാപാത്രത്തിലൂടെ പല വികാരങ്ങളും കടന്ന് പോകുകയാണ്. പലരുടെയും ശബ്ദത്തിലൂടെയാണ് കഥാപാത്രങ്ങള് വന്ന് പോകുന്നത്. അങ്ങനെ ചിത്രത്തില് ഏറ്റവും പ്രാധാന്യമുള്ള കഥാപാത്രമാണ് നിമ്മി. നിമ്മിയുടെ നമ്പര് സിനിമയില് വ്യക്തമായി കാണിയ്ക്കുന്നുണ്ട്. ഇപ്പോള് ആ നമ്പറിലേക്ക് നിര്ത്താതെ സന്ദേശങ്ങളാണ്.
ആ നമ്പറിലേക്ക് തുടര്ന്നും സന്ദേശം അയക്കുന്നവരുടെ ശ്രദ്ധയ്ക്കായി സംവിധായകന് രഞ്ജിത്തിന് ചിലത് പറയാനുണ്ട്. ഫേസ്ബുക്കിലൂടെയാണ് രഞ്ജിത്ത് അക്കാര്യം പറഞ്ഞത്, 'സണ്ണിയില് നിമ്മിയുടെ നമ്പര് ആയി കാണിച്ചിരിയ്ക്കുന്നത് എന്റെ അസിസ്റ്റന്റ് ആയ സുധീഷ് ഭരതന്റേതാണ്. ഒരാഴ്ചയായി അതില് മെസേജുകളുടെ ബഹളമാണ്. ഇനി അയക്കുന്നവര് ശ്രദ്ധിയ്ക്കുക' എന്നാണ് രഞ്ജിത്തിന്റെ ഫേസ്ബുക്ക് പോസ്റ്റ്.
ജയസൂര്യയുടെ നൂറാമത്തെ ചിത്രമെന്ന പ്രത്യേകതയോടെയാണ് സണ്ണി റിലീസ് ആയത്. രഞ്ജിത്തും ജയസൂര്യയും ഒന്നിയ്ക്കുന്ന എട്ടാമത്തെ ചിത്രമായ സണ്ണി ഇതിനോടകം രണ്ട് ഇന്റര്നാഷണല് ഫിലിം ഫെസ്റ്റിവലിലേക്ക് തിരഞ്ഞെടുക്കപ്പെട്ടു കഴിഞ്ഞു. സെപ്റ്റംബര് 23 ആമസോണ് പ്രൈം വീഡിയോയില് റിലീസ് ചെയ്ത സിനിമയെ കുറിച്ചുള്ള മികച്ച അഭിപ്രായങ്ങള് ഇനിയും നിലച്ചിട്ടില്ല.
ജയസൂര്യ എന്ന നടന്റെ വ്യാപ്തി കൃത്യമായി അളന്നെടുത്ത് അവതരിപ്പിയ്ക്കുകയായിരുന്നു സംവിധായകന് രഞ്ജിത്ത് എന്നാണ് നിരൂപകരുടെയും അഭിപ്രായം. ഒറ്റപ്പെടലിന്റെ വേദനയും തിരിച്ചറിവുകളും ഒക്കെയായിട്ടാണ് സണ്ണി കടന്നു പോകുന്നത്.
Content Highlight: People who send messages to Sunny's Nimmi should pay attention here, so as not to make a mistake !!
