കൊച്ചി : ജമ്നാപ്യാരി എന്ന ആദ്യചിത്രത്തിലൂടെ തന്നെ മലയാളികള്ക്ക് പ്രിയങ്കരിയായ താരമാണ് ഗായത്രി സുരേഷ്. മലയാളത്തിന് പുറമെ അന്യഭാഷാ ചിത്രങ്ങളിലും നിറഞ്ഞു നില്ക്കുന്ന താരം സോഷ്യല് മീഡിയയിലും സജീവമാണ്.
സിനിമകളേക്കാളുപരി ഗായത്രിയുടെ പ്രസ്താവനകളാണ് സോഷ്യല് മീഡിയയില് ചര്ച്ചയാകുന്നത്. കഴിഞ്ഞ ദിവസമാണ് ഗായത്രിയുടെ പുതിയ ചിത്രമായ 'എസ്കേപ്പ്' തീയേറ്ററുകളില് പ്രദര്ശനത്തിനെത്തിയത്.
പാന് ഇന്ത്യന് ബ്രഹ്മാണ്ഡ ചിത്രമായ ആര്ആര്ആര്നൊപ്പമാണ് ചിത്രം തീയേറ്ററുകളിലെത്തിയത്. ആദ്യദിവസം തന്നെ പ്രേക്ഷകര്ക്കൊപ്പം ചിത്രം കാണുന്നതിനായി ഗായത്രി സുരേഷ് തീയേറ്ററില് എത്തിയിരുന്നു. കൊച്ചിയിലെ തീയേറ്ററിലെത്തിയ ഗായത്രി കൗണ്ടറില് പ്രത്യക്ഷപ്പെട്ടതും, വാദ്യമേളങ്ങള്ക്കൊപ്പം താളം പിടിച്ചു നില്ക്കുന്ന കാഴ്ചകളും സോഷ്യല് മീഡിയയില് വൈറലായിട്ടുണ്ട്.
നവാഗതനായ സര്ഷിക്ക് റോഷനാണ് സൈക്കോ ത്രില്ലര് ചിത്രമായ 'എസ്കേപ്പ്' സംവിധാനം ചെയ്തിട്ടുള്ളത്. ചിത്രം കണ്ടശേഷം 'സൂപ്പര്' എന്നാണ് ഗായത്രി അഭിപ്രായം രേഖപ്പെടുത്തിയത്.
ചിത്രത്തില് ഗായത്രി സുരേഷും ശ്രീവിദ്യ മുല്ലചേരിയും ആണ് പ്രധാന കഥാപാത്രങ്ങളായി എത്തുന്നത്. എസ്ആര് ബിഗ് സ്ക്രീന് എന്റര്ടൈന്മെന്റ് നിര്മിച്ചിരിക്കുന്ന ചിത്രത്തിന്റെ തിരക്കഥ സര്ഷിക്ക് റോഷനാണ് നിര്വ്വഹിച്ചിരിക്കുന്നത്.
Content Highlight: The actor took the ticket from the queue to see his own movie - the fans took pictures
