(moviemax.in) വിജയ് ദേവരകൊണ്ട-രശ്മിക മന്ദാന വിവാഹത്തിന്റെ ആവേശം അടങ്ങുംമുമ്പേ, തന്റെ ഒരു കുട്ടി ആരാധികയുടെ പരിഭവത്തിന് താരം നൽകിയ മറുപടി സോഷ്യൽ മീഡിയയിൽ തരംഗമാവുകയാണ്.
പ്രിയതാരത്തിന്റെ വിവാഹത്തിന് തന്നെ എന്തുകൊണ്ട് വിളിച്ചില്ലെന്ന് സങ്കടത്തോടെ ചോദിച്ച പെൺകുട്ടിയുടെ വീഡിയോ ശ്രദ്ധയിൽപ്പെട്ടതോടെയാണ് വിജയ് സ്നേഹപൂർവ്വം പ്രതികരണവുമായെത്തിയത്. "എന്നെ കല്യാണത്തിന് വിളിച്ചില്ലല്ലോ, ഞാൻ നിങ്ങളുടെ ഫാനല്ലേ" എന്ന കുഞ്ഞിന്റെ ചോദ്യം വിജയ്ക്കും ആരാധകർക്കും ഒരുപോലെ ഹൃദ്യമായി.
ഉടൻ തന്നെ മറുപടി നൽകിയ താരം, പരിഭവം മാറ്റാനായി ആ കൊച്ചു മിടുക്കിയെ തന്റെ വീട്ടിലേക്ക് ഉച്ചഭക്ഷണത്തിന് ക്ഷണിച്ചു. കുട്ടിക്ക് ഇഷ്ടപ്പെട്ട ഭക്ഷണവും മധുരപലഹാരങ്ങളും ചോദിച്ചറിഞ്ഞ വിജയ്, അതെല്ലാം വീട്ടിൽ തയ്യാറാക്കി ഒരുമിച്ച് കഴിക്കാമെന്ന വാഗ്ദാനവും നൽകി.
ആരാധകരോട് താരം പുലർത്തുന്ന ഈ ലാളിത്യവും കരുതലും സോഷ്യൽ മീഡിയയിൽ വലിയ പ്രശംസയാണ് നേടുന്നത്.കഴിഞ്ഞ ഫെബ്രുവരി 26-ന് ഉദയ്പൂരിൽ വെച്ച് നടന്ന ലളിതമായ ചടങ്ങിലായിരുന്നു വിജയ്യും രശ്മികയും വിവാഹിതരായത്.
തുടർന്ന് മാർച്ച് 4-ന് ഹൈദരാബാദിൽ സിനിമാ ലോകത്തെ പ്രമുഖർക്കായി വിപുലമായ റിസപ്ഷനും ഒരുക്കിയിരുന്നു. തന്റെ ഓരോ സന്തോഷത്തിലും ആരാധകരെ ചേർത്തുനിർത്തുന്ന വിജയ്, വിവാഹത്തോടനുബന്ധിച്ച് വിവിധ ഇടങ്ങളിൽ മധുരപലഹാര വിതരണവും അന്നദാനവും നടത്തി മാതൃകയായിരുന്നു.
Content Highlight: Vijay Deverakonda shares the grief of a child fan
