---
title: "'കുളിക്കുന്നതിനിടയിൽ വന്നതാണോ' എന്ന് പരിഹാസം; ഒടുവിൽ ആ മഞ്ഞ വസ്ത്രത്തിന് പിന്നിലെ രഹസ്യം വെളിപ്പെടുത്തി ഐശ്വര്യ!"
english_title: "Aishwarya finally reveals the secret behind that yellow dress"
publisher: "moviemax.in"
canonical_url: "https://moviemax.in/news/346440/aishwarya-finally-reveals-the-secret-behind-that-yellow-dress"
published_at: "2026-03-08T15:49:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/69ad4d3314e9a_21.jpg"
keywords: []
---

# 'കുളിക്കുന്നതിനിടയിൽ വന്നതാണോ' എന്ന് പരിഹാസം; ഒടുവിൽ ആ മഞ്ഞ വസ്ത്രത്തിന് പിന്നിലെ രഹസ്യം വെളിപ്പെടുത്തി ഐശ്വര്യ!

> **Lead Summary:** **[ **തെന്നിന്ത്യൻ സിനിമാലോകത്തെ തിരക്കുള്ള താരം ഐശ്വര്യ ലക്ഷ്മി അടുത്തിടെ പങ്കെടുത്ത ഒരു ഉദ്ഘാടന ചടങ്ങിലെ വസ്ത്രധാരണത്തെച്ചൊല്ലി വലിയ രീതിയിലുള്ള സൈബർ വിമർശനങ്ങൾ ഉയർന്നിരുന്നു.

## Article Content

**[ **തെന്നിന്ത്യൻ സിനിമാലോകത്തെ തിരക്കുള്ള താരം ഐശ്വര്യ ലക്ഷ്മി അടുത്തിടെ പങ്കെടുത്ത ഒരു ഉദ്ഘാടന ചടങ്ങിലെ വസ്ത്രധാരണത്തെച്ചൊല്ലി വലിയ രീതിയിലുള്ള സൈബർ വിമർശനങ്ങൾ ഉയർന്നിരുന്നു.

മഞ്ഞ നിറത്തിലുള്ള സ്ട്രാപ്‌ലെസ് വസ്ത്രമണിഞ്ഞെത്തിയ താരത്തിനെതിരെ 'കുളിക്കാനിടയിൽ വന്നതാണോ' എന്നതടക്കമുള്ള പരിഹാസങ്ങളാണ് സോഷ്യൽ മീഡിയയിൽ നിറഞ്ഞത്. എന്നാൽ ഇപ്പോൾ ഈ സംഭവത്തിൽ വ്യക്തതയുമായി താരം തന്നെ രംഗത്തെത്തിയിരിക്കുകയാണ്.

ഗൃഹലക്ഷ്മിക്ക് നൽകിയ അഭിമുഖത്തിലാണ് താരം ആ ദിവസം തനിക്ക് സംഭവിച്ച ഫാഷൻ പാളിച്ചയെക്കുറിച്ച് മനസ്സ് തുറന്നത്. സിനിമയ്ക്ക് വേണ്ടി ശരീരഭാരം കൂട്ടിയതും സ്റ്റണ്ട് ഷൂട്ടിനിടയിൽ പരിക്കേറ്റ് മുഖവും കഴുത്തുമൊക്കെ വീങ്ങിയിരുന്ന സമയമായിരുന്നു അതെന്നും താരം വെളിപ്പെടുത്തി.

> വസ്ത്രം നേരത്തെ ട്രയൽ ചെയ്തു നോക്കാൻ സാധിക്കാത്തതിനാൽ അതിന്റെ ഫിറ്റിംഗിൽ പിശക് സംഭവിച്ചതാണ് വിമർശനങ്ങൾക്ക് കാരണമായത്. "അതൊരു ഫാഷൻ മിസ് ജഡ്ജ്‌മെന്റ് ആയിരുന്നു, എല്ലാവരും എല്ലാ ദിവസവും ടിപ് ടോപ്പ് ആയിരിക്കില്ലല്ലോ" എന്ന ലളിതമായ മറുപടിയോടെ താരം വിമർശകരുടെ വായടപ്പിച്ചു.

വസ്ത്രം മോശമായെന്ന് പറയുന്നതിൽ തനിക്ക് കുഴപ്പമില്ലെന്നും അബദ്ധങ്ങൾ ആർക്കും പറ്റാമെന്നും ഐശ്വര്യ കൂട്ടിച്ചേർത്തു. സിനിമയുടെ കാര്യത്തിലേക്ക് വന്നാൽ, 'ഗലാട്ട ഗുസ്തി 2' അടക്കമുള്ള അന്യഭാഷാ ചിത്രങ്ങളുടെ തിരക്കിലാണ് താരം ഇപ്പോൾ.

മലയാളത്തിൽ ജോജു ജോർജും ഉർവശിയും പ്രധാന വേഷങ്ങളിൽ എത്തുന്ന 'ആശ' എന്ന ചിത്രമാണ് ഐശ്വര്യയുടേതായി പുറത്തിറങ്ങാനിരിക്കുന്നത്. സഫർ സനലാണ് ഈ ചിത്രം സംവിധാനം ചെയ്യുന്നത്.

### Related Links & Sources
- [Original Story Source](https://moviemax.in/news/346440/aishwarya-finally-reveals-the-secret-behind-that-yellow-dress)