---
title: "കറുപ്പണിഞ്ഞ് ചെരിപ്പിടാതെ രാംചരൺ; 'വിരോഷ്' വിവാഹ വേദിയിലെ ആ ലളിത രൂപത്തിന് പിന്നിൽ !"
english_title: "Behind that simple look on the wedding stage of 'Virosh'"
publisher: "moviemax.in"
canonical_url: "https://moviemax.in/news/345801/behind-that-simple-look-on-the-wedding-stage-of-virosh"
published_at: "2026-03-05T16:01:00+05:30"
category: "Kollywood"
language: "ml"
image: "https://cf.zdn.im/img/truevisionnews.com/0/image-uploads/69a95c5ba9092_Behind_that_simple_look_on_the_wedding_stage_of_Virosh.jpg"
keywords: []
---

# കറുപ്പണിഞ്ഞ് ചെരിപ്പിടാതെ രാംചരൺ; 'വിരോഷ്' വിവാഹ വേദിയിലെ ആ ലളിത രൂപത്തിന് പിന്നിൽ !

> **Lead Summary:** സിനിമാ ലോകം ഒന്നടങ്കം സാക്ഷ്യം വഹിച്ച വിജയ് ദേവരകൊണ്ടയുടെയും രശ്മിക മന്ദാനയുടെയും വിവാഹ സൽക്കാരത്തിൽ തിളങ്ങി മെഗാ പവർ സ്റ്റാർ രാം ചരൺ. ബുധനാഴ്ച ഹൈദരാബാദിൽ നടന്ന വർണ്ണാഭമായ ചടങ്ങിൽ ദക്ഷിണേന്ത്യൻ സിനിമയിലെ പ്രമുഖർ അണിനിരന്നുവെങ്കിലും, ലളിതമായ ലുക്കിലെത്തിയ രാം ചരണായിരുന്നു ഏവരുടെയും ശ്രദ്ധാകേന്ദ്രം.

## Article Content

സിനിമാ ലോകം ഒന്നടങ്കം സാക്ഷ്യം വഹിച്ച വിജയ് ദേവരകൊണ്ടയുടെയും രശ്മിക മന്ദാനയുടെയും വിവാഹ സൽക്കാരത്തിൽ തിളങ്ങി മെഗാ പവർ സ്റ്റാർ രാം ചരൺ. ബുധനാഴ്ച ഹൈദരാബാദിൽ നടന്ന വർണ്ണാഭമായ ചടങ്ങിൽ ദക്ഷിണേന്ത്യൻ സിനിമയിലെ പ്രമുഖർ അണിനിരന്നുവെങ്കിലും, ലളിതമായ ലുക്കിലെത്തിയ രാം ചരണായിരുന്നു ഏവരുടെയും ശ്രദ്ധാകേന്ദ്രം.

കറുത്ത വസ്ത്രം ധരിച്ച്, താടിയും മുടിയും നീട്ടി വളർത്തി അതീവ ലളിതമായ രൂപത്തിലാണ് താരം ചടങ്ങിലെത്തിയത്. ആഡംബരങ്ങൾ നിറഞ്ഞ വേദിയിൽ നഗ്നപാദനായി എത്തിയ താരത്തിനൊപ്പം ഭാര്യ ഉപാസന കാമിനേനിയും ഉണ്ടായിരുന്നു. ശബരിമല ദർശനത്തിന് മുന്നോടിയായുള്ള മണ്ഡലകാല വ്രതത്തിലായതിനാലാണ് അദ്ദേഹം ഈ രീതിയിൽ എത്തിയത്.

നേരത്തെ നടൻ അല്ലു സിരീഷിന്റെ വിവാഹപൂർവ്വ ചടങ്ങുകളിലും രാം ചരൺ ഇതേ ലളിതമായ വേഷത്തിൽ പങ്കെടുത്തിരുന്നു. തന്റെ വിശ്വാസങ്ങൾക്കും വ്രതനിഷ്ഠകൾക്കും വലിയ പ്രാധാന്യം നൽകുന്ന താരത്തിന്റെ ഈ നിലപാടിനെ സോഷ്യൽ മീഡിയയിലൂടെ നിരവധി പേർ പ്രശംസിച്ചു.

### Related Links & Sources
- [Original Story Source](https://moviemax.in/news/345801/behind-that-simple-look-on-the-wedding-stage-of-virosh)