---
title: "'യുദ്ധത്തിനെന്ത് സമാധാനം?; പശ്ചിമേഷ്യൻ സംഘർഷത്തിൽ വേറിട്ട കുറിപ്പുമായി നടി മീനാക്ഷി"
english_title: "Actress Meenakshi with a different note on the West Asian conflict"
publisher: "moviemax.in"
canonical_url: "https://moviemax.in/news/344878/actress-meenakshi-with-a-different-note-on-the-west-asian-conflict"
published_at: "2026-02-28T22:25:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/69a31e2d744ba_18.jpg"
keywords: []
---

# 'യുദ്ധത്തിനെന്ത് സമാധാനം?; പശ്ചിമേഷ്യൻ സംഘർഷത്തിൽ വേറിട്ട കുറിപ്പുമായി നടി മീനാക്ഷി

> **Lead Summary:** **ലോ**കം യുദ്ധഭീതിയിൽ കഴിയുമ്പോൾ, പശ്ചിമേഷ്യയിലെ സംഘർഷങ്ങളെക്കുറിച്ചും അതിന്റെ പ്രത്യാഘാതങ്ങളെക്കുറിച്ചും നടി മീനാക്ഷി പങ്കുവെച്ച കുറിപ്പ് ശ്രദ്ധേയമാകുന്നു.

## Article Content

**ലോ**കം യുദ്ധഭീതിയിൽ കഴിയുമ്പോൾ, പശ്ചിമേഷ്യയിലെ സംഘർഷങ്ങളെക്കുറിച്ചും അതിന്റെ പ്രത്യാഘാതങ്ങളെക്കുറിച്ചും നടി മീനാക്ഷി പങ്കുവെച്ച കുറിപ്പ് ശ്രദ്ധേയമാകുന്നു.

സുരക്ഷിതമായ ഒരിടത്തിരുന്ന് ടിവിയിലൂടെയും സോഷ്യൽ മീഡിയയിലൂടെയും യുദ്ധം കണ്ട് പലരും നിസ്സാരമായി അഭിപ്രായപ്രകടനങ്ങൾ നടത്തുന്നതിനെ താരം വിമർശിച്ചു.

അമേരിക്കയുടെയോ ഇസ്രായേലിന്റെയോ ഇറാന്റെയോ കരുത്തിനെക്കുറിച്ച് വാദിക്കുന്നവർ യുദ്ധം മാനവരാശിക്ക് വരുത്തുന്ന വലിയ വിപത്തുകളെ കാണാതെ പോകുകയാണെന്ന് മീനാക്ഷി ചൂണ്ടിക്കാട്ടി.

ഒരു രാജ്യത്തിന്റെ പുരോഗതിക്കായി വിനിയോഗിക്കേണ്ട ഭീമമായ തുക യുദ്ധത്തിനായി പാഴാക്കുന്നത് സങ്കടകരമാണെന്ന് താരം പറഞ്ഞു. യുദ്ധത്തിൽ നേരിട്ട് പങ്കെടുക്കാത്ത രാജ്യങ്ങളെപ്പോലും വിലക്കയറ്റത്തിന്റെ രൂപത്തിൽ ഇത് ബാധിക്കും.

കേരളത്തിൽ നിന്നുള്ള വിമാനങ്ങൾ റദ്ദാക്കപ്പെട്ടത് മൂലം ബുദ്ധിമുട്ടുന്ന പ്രവാസികളെയും അവരുടെ ബന്ധുക്കളെയും കുറിച്ച് മീനാക്ഷി ഓർമ്മിപ്പിച്ചു. ഇന്നലെ വരെ നമ്മോടൊപ്പം ഉണ്ടായിരുന്നവർ ഇന്ന് യുദ്ധക്കെടുതിയിൽ ഇല്ലാതാകുന്ന അവസ്ഥ ഭയാനകമാണെന്നും താരം കുറിച്ചു.

ഒരു കുടുംബമോ, നാടോ, കെട്ടിടമോ ഒക്കെ നിമിഷങ്ങൾക്കുള്ളിൽ ഇല്ലാതാക്കപ്പെടുന്ന കാഴ്ചകൾ കണ്ടുനിൽക്കാനാവില്ലെന്നും, ലോകത്ത് യുദ്ധങ്ങൾ പൂർണ്ണമായും ഇല്ലാതാകുന്ന ഒരു കാലം താൻ സ്വപ്നം കാണുന്നുവെന്നും മീനാക്ഷി കൂട്ടിച്ചേർത്തു.

### Related Links & Sources
- [Original Story Source](https://moviemax.in/news/344878/actress-meenakshi-with-a-different-note-on-the-west-asian-conflict)