(https://moviemax.in/)മലയാളത്തിന്റെ പ്രിയനടൻ മോഹൻലാൽ മുഖ്യമന്ത്രി പിണറായി വിജയനുമായി നടത്തിയ പ്രത്യേക അഭിമുഖം ഇന്ന് പ്രേക്ഷകരിലേക്ക് എത്തുന്നു. 'കണ്ടും മിണ്ടിയും ഇരുവർ' എന്ന പേരിൽ പുറത്തിറങ്ങുന്ന ഈ അഭിമുഖം തിരുവനന്തപുരം ക്ലിഫ് ഹൗസിലാണ് ചിത്രീകരിച്ചത്.
നിയമസഭാ തിരഞ്ഞെടുപ്പ് പ്രഖ്യാപിക്കാൻ ദിവസങ്ങൾ മാത്രം ബാക്കിനിൽക്കെ നടക്കുന്ന ഈ കൂടിക്കാഴ്ചയ്ക്ക് വലിയ പ്രാധാന്യമാണുള്ളത്. മുഖ്യമന്ത്രിയുടെ രാഷ്ട്രീയ യാത്രയെക്കുറിച്ചും സർക്കാരിന്റെ പ്രവർത്തനങ്ങളെക്കുറിച്ചുമുള്ള ചർച്ചകൾ അഭിമുഖത്തിൽ ഉണ്ടാകുമെന്നാണ് സൂചന.
പ്രശസ്ത സംവിധായകൻ ടി.കെ. രാജീവ് കുമാറാണ് ഈ പരിപാടിയുടെ അണിയറയിലുള്ളത്. മുൻപ് ഉമ്മൻചാണ്ടി മുഖ്യമന്ത്രിയായിരുന്നപ്പോഴും മോഹൻലാൽ സമാനമായ രീതിയിൽ അഭിമുഖം നടത്തിയിരുന്നു.
സർക്കാരിന്റെ പി.ആർ പ്രവർത്തനമാണിതെന്ന് പ്രതിപക്ഷം ആരോപണം ഉന്നയിക്കുന്നതിനിടെയാണ് ജനശ്രദ്ധയാകർഷിച്ച ഈ അഭിമുഖം പുറത്തിറങ്ങുന്നത്.
Content Highlight: Pinarayi Vijayan and Mohanlal share politics and friendship
