താരപുത്രന്മാര് എന്ന ഇമേജിന് പുറമെ മലയാള സിനിമയില് സ്വന്തമായ ഇടം നേടി മുന്നേറുകയാണ് ഇന്ദ്രജിത്തും പൃഥ്വിരാജും. ചെയ്യുന്ന ജോലി ഏതായാലും പെര്ഫെക്ടായിരിക്കണമെന്ന നിലപാട് പ്രാവര്ത്തികമാക്കുന്നവരാണ് ഇരുവരും. വ്യത്യസ്തമായ സിനിമകളിലൂടയായി മുന്നേറുന്ന ഇവര് ക്യാമറയ്ക്ക് മുന്നിലും പിന്നിലും ഒരുമിച്ച് പ്രവര്ത്തിച്ചിരുന്നു. മക്കളുടെ സ്വഭാവിസവിശേഷതകളെക്കുറിച്ചുള്ള മല്ലിക സുകുമാരന്റെ വാക്കുകള് സോഷ്യല് മീഡിയയിലൂടെ വൈറലായിക്കൊണ്ടിരിക്കുകയാണ്.
ഭഗവാന് ഒന്ന് തല്ലിയാല് തലോടുമെന്ന് പറയാറുണ്ട്. എനിക്ക് ഭഗവാന് തന്ന തലോടലാണ് എന്റെ രണ്ട് മക്കള്. രാജുവിന് വിഷമം വന്നാല് ഇന്ദ്രനാണ് കരയുന്നത്. വല്യ ദയാലുവാണ് ഇന്ദ്രന്, ആരും പിണങ്ങരുതെന്ന് ആഗ്രഹിക്കുന്നവനാണ്. അവന്റെ ആ ക്യാരക്ടര് എനിക്കൊരുപാട് ഇഷ്ടമാണ്. സുകുമാരന് സാറിനെപ്പോലെയാണ് ഇളയ ആള് എന്നുമായിരുന്നു മല്ലികയുടെ കമന്റ്.
അവിചാരിതമായാണ് ഞാന് സിനിമയിലേക്കെത്തിയത്. ഉത്തരായനമാണ് എന്റെ ആദ്യ ചിത്രം. ദേശീയ അവാര്ഡ് സ്വന്തമാക്കിയ സിനിമയായിരുന്നു അത്. അഭിനയിക്കുമെന്ന് മനസ്സിലാക്കിയപ്പോള് നിരവധി അവസരങ്ങളും ലഭിച്ചു. ജീവിതത്തില് അപ്രതീക്ഷിത പ്രതിസന്ധികളൊക്കെ തേടി വന്നിരുന്നു. അവയില് നിന്നൊക്കെ കരകയറിയത് സുകുവേട്ടന്റെ വരവോടെയാണ്. സ്വപ്നാടത്തിലൂടെയാണ് എനിക്ക് രണ്ടാമത്തെ നടിക്കുള്ള സംസ്ഥാന അവാര്ഡ് ലഭിച്ചത്. കെജി ജോര്ജിന്റെ സിനിമകളിലെല്ലാം എനിക്ക് മികച്ച വേഷമാണ് ലഭിച്ചതെന്നും മല്ലിക പറഞ്ഞിരുന്നു.
തമാശ വേഷങ്ങളും എനിക്കിഷ്ടമാണ്. അങ്ങനെയുള്ള വേഷങ്ങളെല്ലാം ഞാന് ആസ്വദിച്ച് ചെയ്യാറുണ്ട്. ഉത്തരായനവും സ്വപ്നാടനവുമാണ് എന്റെ മനസ്സിനോട് ചേര്ന്ന് നില്ക്കുന്ന ചിത്രങ്ങളെന്നും മല്ലിക വ്യക്തമാക്കിയിരുന്നു. ഭാര്യയെന്ന റോളാണ് ഏറ്റവും നന്നായി ചെയ്യേണ്ടത്. ഭാര്യ നന്നായാല് പിന്നീടുള്ളതെല്ലാം അതിലൂടെ സ്വയം പഠിക്കും. അമ്മയായാല് അമ്മായിഅമ്മയും അമ്മൂമ്മയുമൊക്കെയാവും. അത് സ്വഭാവികമായി സംഭവിക്കുന്ന കാര്യമാണ്.
മക്കള് വിവാഹിതരായി കഴിഞ്ഞാല് അവരുടെ പരിഗണനകള് മാറിയേക്കാമെന്നും ആ മാറ്റങ്ങളെല്ലാം ഉള്ക്കൊള്ളാന് പറ്റണമെന്നും സുകുവേട്ടന് തന്നോട് പറഞ്ഞതിനെക്കുറിച്ചും മല്ലിക സുകുമാരന് മുന്പ് പറഞ്ഞിരുന്നു. ഇടയ്ക്ക് മക്കള്ക്കും കൊച്ചുമക്കള്ക്കും അരികിലേക്ക് മല്ലിക എത്താറുണ്ട്. മക്കള്ക്കൊക്കെ തിരക്കായതിനാല് കാണാന് ആഗ്രഹം തോന്നുമ്പോള് അങ്ങോട്ടേക്ക് പോവാറുണ്ട്. സമയം കിട്ടുമ്പോഴെല്ലാം അവര് ഇങ്ങോട്ടും വരാറുണ്ട്. മുന്പ് നച്ചുവായിരുന്നു അച്ഛമ്മയെന്ന് പറഞ്ഞ് എപ്പോഴും കൂടെക്കൂടിയിരുന്നത് ഇപ്പോള് അല്ലിയാണ് ആ സ്ഥാനത്തെന്നും മുന്പൊരു അഭിമുഖത്തിനിടയില് മല്ലിക സുകുമാരന് പറഞ്ഞിരുന്നു.
പൃഥ്വിരാജ് സംവിധാനം ചെയ്യുന്ന രണ്ടാമത്തെ സിനിമയായ ബ്രോ ഡാഡിയിൽ മോഹൻലാലിന്റെ അമ്മ വേഷത്തിൽ മല്ലികയും എത്തുന്നുണ്ട്. സർപ്രൈസായാണ് പൃഥ്വി ഈ കഥാപാത്രത്തക്കുറിച്ച് പറഞ്ഞത്. മോഹൻലാലിന്റെ അമ്മയായി അഭിനയിക്കണമെന്ന് ആഗ്രഹിച്ചിരുന്നു. ലാലുവിന്റെ മകനായാണ് രാജു വേഷമിടുന്നത്. അപ്പോൾ അവന്റെ അമ്മൂമ്മയാവും ഞാൻ. എങ്ങനെയാണ് കഥാപാത്രത്തെ അവതരിപ്പിക്കേണ്ടതെന്ന് കൃത്യമായി കാണിച്ച് തരാറുണ്ട്. ക്യാമറയ്ക്ക് മുന്നിൽ അമ്മയും മകനുമൊന്നുമില്ല, പ്രൊഫഷണലായാണ് രാജു എല്ലാം ചെയ്യുന്നതെന്നും മല്ലിക വ്യക്തമാക്കിയിരുന്നു.
Content Highlight: My children are the touch given by God; Mallika Sukumaran's words about children
