---
title: "'കുടിച്ച വെള്ളത്തിൽ വിശ്വസിക്കാനാവില്ല'; അഖിൽ മാരാർക്കെതിരെ കലാമണ്ഡലം സത്യഭാമയുടെ പരിഹാസം "
english_title: "Kalamandalam Satyabhama's mockery of Akhil Marar"
publisher: "moviemax.in"
canonical_url: "https://moviemax.in/news/343748/kalamandalam-satyabhamas-mockery-of-akhil-marar"
published_at: "2026-02-23T15:22:00+05:30"
category: "TV"
language: "ml"
image: "https://cf.zdn.im/img/truevisionnews.com/0/image-uploads/699c2381ed482_TRU10.jpg"
keywords: []
---

# 'കുടിച്ച വെള്ളത്തിൽ വിശ്വസിക്കാനാവില്ല'; അഖിൽ മാരാർക്കെതിരെ കലാമണ്ഡലം സത്യഭാമയുടെ പരിഹാസം 

> **Lead Summary:** **[** ബിഗ് ബോസ് താരം അഖിൽ മാരാർക്കെതിരെ കടുത്ത പരിഹാസവുമായി കലാമണ്ഡലം സത്യഭാമ വീണ്ടും രംഗത്തെത്തി. അഖിൽ മാരാർ എൻ.ഡി.എ സ്ഥാനാർത്ഥിയാകുന്ന പശ്ചാത്തലത്തിലാണ് അദ്ദേഹത്തെ വിശ്വസിക്കാൻ കൊള്ളില്ലാത്ത 'നാവാട്ടക്കാരൻ' എന്ന് സത്യഭാമ വിശേഷിപ്പിച്ചത്.

## Article Content

**[** ബിഗ് ബോസ് താരം അഖിൽ മാരാർക്കെതിരെ കടുത്ത പരിഹാസവുമായി കലാമണ്ഡലം സത്യഭാമ വീണ്ടും രംഗത്തെത്തി. അഖിൽ മാരാർ എൻ.ഡി.എ സ്ഥാനാർത്ഥിയാകുന്ന പശ്ചാത്തലത്തിലാണ് അദ്ദേഹത്തെ വിശ്വസിക്കാൻ കൊള്ളില്ലാത്ത 'നാവാട്ടക്കാരൻ' എന്ന് സത്യഭാമ വിശേഷിപ്പിച്ചത്.

ബിഗ് ബോസിനെ മൂന്നാംകിട പരിപാടിയെന്ന് വിശേഷിപ്പിച്ച സത്യഭാമ, പണ്ട് മാങ്ങ വിറ്റും ജ്യൂസ് അടിച്ചും നടന്ന അഖിലിന്റെ ജീവിതകഥകൾ കേട്ട് തനിക്ക് വിഷമം തോന്നിയിട്ടുണ്ടെന്നും എന്നാൽ ഇപ്പോൾ സ്വന്തം താത്പര്യങ്ങൾക്കായി കൂടെനിന്നവരെ പിന്നിൽ നിന്ന് കുത്തുന്ന രീതിയാണ് അദ്ദേഹം സ്വീകരിച്ചതെന്നും കുറ്റപ്പെടുത്തി.

കോൺഗ്രസ് വിട്ട് മറ്റൊരു പാർട്ടിയുടെ സ്ഥാനാർത്ഥിയായ അഖിൽ ഇപ്പോൾ ബി.ജെ.പിയുടെ നിലപാടുകളോട് വിയോജിപ്പുണ്ടെന്ന് പറയുന്നത് വിരോധാഭാസമാണെന്ന് അവർ പറഞ്ഞു. രാഷ്ട്രീയ നിലപാടുകളിലെ മാറ്റം കാരണം അഖിലിന്റെ ഉയർച്ചകൾ ഈ തിരഞ്ഞെടുപ്പോടെ അവസാനിക്കുമെന്നും തന്നെ ഹൃദയത്തോട് ചേർത്തുപിടിച്ച മറ്റു മതസ്ഥരെ താരം ചതിക്കുകയാണെന്നും സത്യഭാമ ആരോപിച്ചു.

അതേസമയം, തനിക്കെതിരെ ഉയരുന്ന പരിഹാസങ്ങൾക്കും കുറ്റപ്പെടുത്തലുകൾക്കും സോഷ്യൽ മീഡിയയിലൂടെ അഖിൽ മാരാർ മറുപടി നൽകി. തന്നെ ഇല്ലാതാക്കാൻ ശ്രമിക്കുന്നവരോട് സ്നേഹം മാത്രമാണെന്നും അവർ തനിക്ക് ഊർജ്ജമാണ് നൽകുന്നതെന്നും അദ്ദേഹം കുറിച്ചു.

ഓരോ വിവാദങ്ങളും തന്റെ ആത്മവിശ്വാസം വർദ്ധിപ്പിക്കുന്നുവെന്നും തോൽക്കാൻ പോകുന്നവനോടുള്ള പരിഹാസമല്ല, മറിച്ച് താൻ ജയിച്ചു വരുമെന്ന ഭയമാണ് എതിരാളികൾക്കെന്നും അഖിൽ കൂട്ടിച്ചേർത്തു.

### Related Links & Sources
- [Original Story Source](https://moviemax.in/news/343748/kalamandalam-satyabhamas-mockery-of-akhil-marar)