---
title: "'ഇതൊരു ഒന്നൊന്നര തള്ള വൈബ്!' പ്രകമ്പനത്തിലെ ഗാനം പുറത്ത്; സോഷ്യൽ മീഡിയയെ പ്രകമ്പനം കൊള്ളിച്ച് ഗണപതിയും സംഘവും"
english_title: "'This is a one-and-a-half-thalla vibe!' The song from the movie is out; Ganapathy and his team are rocking social media"
publisher: "moviemax.in"
canonical_url: "https://moviemax.in/news/343251/this-is-a-one-and-a-half-thalla-vibe-the-song-from-the-movie-is-out-ganapathy-and-his-team-are-rocking-social-media-new"
published_at: "2026-02-21T09:35:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/699932f7c7804_sagar_surya_.jpg"
keywords: []
---

# 'ഇതൊരു ഒന്നൊന്നര തള്ള വൈബ്!' പ്രകമ്പനത്തിലെ ഗാനം പുറത്ത്; സോഷ്യൽ മീഡിയയെ പ്രകമ്പനം കൊള്ളിച്ച് ഗണപതിയും സംഘവും

> **Lead Summary:** ഗണപതി, സാഗർ സൂര്യ, അൽ അമീൻ എന്നിവരെ പ്രധാന കഥാപാത്രങ്ങളാക്കി വിജേഷ് പാണത്തൂർ സംവിധാനം ചെയ്യുന്ന ഹൊറർ കോമഡി ചിത്രം 'പ്രകമ്പന'ത്തിലെ പുതിയ ഗാനം പുറത്തിറങ്ങി. 'തള്ള വൈബ്' എന്ന് പേരിട്ടിരിക്കുന്ന ഗാനം നിമിഷനേരം കൊണ്ടാണ് സോഷ്യൽ മീഡിയയിൽ വൈറലായിരിക്കുന്നത്. വരികളിലെ പുതുമയും സംഗീതത്തിലെ വേറിട്ട ശൈലിയുമാണ് ഗാനത്തെ ഇതിനോടകം ശ്രദ്ധേയമാക്കിയത്.

## Article Content

ഗണപതി, സാഗർ സൂര്യ, അൽ അമീൻ എന്നിവരെ പ്രധാന കഥാപാത്രങ്ങളാക്കി വിജേഷ് പാണത്തൂർ സംവിധാനം ചെയ്യുന്ന ഹൊറർ കോമഡി ചിത്രം 'പ്രകമ്പന'ത്തിലെ പുതിയ ഗാനം പുറത്തിറങ്ങി. 'തള്ള വൈബ്' എന്ന് പേരിട്ടിരിക്കുന്ന ഗാനം നിമിഷനേരം കൊണ്ടാണ് സോഷ്യൽ മീഡിയയിൽ വൈറലായിരിക്കുന്നത്. വരികളിലെ പുതുമയും സംഗീതത്തിലെ വേറിട്ട ശൈലിയുമാണ് ഗാനത്തെ ഇതിനോടകം ശ്രദ്ധേയമാക്കിയത്.

വിനായക് ശശികുമാറിന്റെ രസകരമായ വരികൾക്ക് ബിബിൻ അശോകാണ് സംഗീതം നൽകിയിരിക്കുന്നത്. പ്രണവം ശശിയും പുഷ്പവതിയും ചേർന്ന് ആലപിച്ച ഈ ഗാനം മലയാളി പ്രേക്ഷകർക്ക് ആവേശത്തോടെ ഏറ്റുപാടാൻ കഴിയുന്ന ഒരു 'ട്രെൻഡ് സെറ്റർ' ആയി മാറിക്കഴിഞ്ഞു. ഹൊറർ കോമഡി പശ്ചാത്തലത്തിൽ ഒരുങ്ങുന്ന ചിത്രത്തിന് ഈ ഗാനം വലിയ ഊർജ്ജം നൽകുമെന്നാണ് അണിയറപ്രവർത്തകരുടെ പ്രതീക്ഷ.

യൂട്യൂബിലും ഇൻസ്റ്റാഗ്രാം റീൽസിലും വൻ തരംഗമായി മാറുന്ന 'തള്ള വൈബ്', വരും ദിവസങ്ങളിൽ ചാർട്ട് ബസ്റ്ററുകളിൽ ഇടംപിടിക്കുമെന്ന് ഉറപ്പാണ്. മികച്ച പ്രതികരണങ്ങളുമായി നിരവധി പേരാണ് പാട്ടിന് താഴെ കമന്റുകളുമായി എത്തുന്നത്.

തമിഴ് സൂപ്പർ ഹിറ്റ്‌ സംവിധായാകൻ കാർത്തിക് സുബ്ബരാജിന്റെ പ്രമുഖ നിർമ്മാണ കമ്പനിയായ സ്റ്റോൺ ബഞ്ച് സ്റ്റുഡിയോസും നവരസ ഫിലിംസിന്റെ ബാനറിൽ ശ്രീജിത്ത് കെഎസ്, കാർത്തികേയൻ, സുധീഷ്.എൻ എന്നിവർ ചേർന്നാണ് ചിത്രം നിർമ്മിക്കുന്നത്. ചിത്രത്തിന്റെ കഥയും സംവിധാനവും വിജേഷ് പാണത്തൂരാണ്. ചിത്രത്തിന്റെ തിരക്കഥയും സംഭാഷണവും ഒരുക്കിയിരിക്കുന്നത് നവാഗതനായ ശ്രീഹരി വടക്കൻ.

കൊച്ചിയിലെ യുവാക്കളുടെ ഹോസ്റ്റൽ ജീവിതവും കണ്ണൂരും പശ്ചാത്തലമാകുന്ന ചിത്രത്തിൽ മല്ലിക സുകുമാരൻ, അസീസ് നെടുമങ്ങാട്,കലാഭവൻ നവാസ്, പി.പി. കുഞ്ഞികൃഷ്ണൻ എന്നിവരും പ്രധാന വേഷങ്ങളിലെത്തുന്നു. ശീതൾ ജോസഫ് ആണ് നായിക. മലയാളത്തിലെ പ്രമുഖ താരങ്ങളോടൊപ്പം തന്നെ സോഷ്യൽ മീഡിയ ഇൻഫ്ലുവൻമാരും സിനിമയുടെ ഭാഗമാകുന്നുണ്ട്.

ചിത്രത്തിന്റെ ഛായഗ്രഹണം ആൽബി. എക്സിക്യൂട്ടീവ് പ്രൊഡ്യൂസർ അഭിജിത്ത് നായർ. കോ പ്രൊഡ്യൂസർ വിവേക് വിശ്വം, മോൻസി, ദിലോർ, റിജോഷ്, ബ്ലസി. എഡിറ്റർ സൂരജ് ഇ.എസ്, മ്യൂസിക് ഡയറക്ടർ ബിബിൻ അശോക്, ബാഗ്രൗണ്ട് സൗണ്ട് ശങ്കർ ശർമ്മ, പ്രൊഡക്ഷൻ ഡിസൈൻ സുഭാഷ് കരുൺ, വരികൾ വിനായക് ശശികുമാർ, ചീഫ് അസോസിയേറ്റ് ഡയറക്ടർ അംബ്രൂ വർഗീസ്, പ്രൊഡക്ഷൻ കൺട്രോളർ നന്ദു പൊതുവാൾ, വസ്ത്രാലങ്കാരം സുജിത്ത് മട്ടന്നൂർ, പ്രൊഡക്ഷൻ എക്സിക്യൂട്ടീവ് ശശി പൊതുവാൾ, കമലാഷൻ, സൗണ്ട് ഡിസൈൻ കിഷൻ മോഹൻ(സപ്ത), ഫൈനൽ മിക്സ് എം ആർ രാജാകൃഷ്ണൻ, ഡി ഐ രമേശ്‌ സിപി, ലൈൻ പ്രൊഡ്യൂസർ അനന്ത നാരായണൻ, വി.എഫ്. എക്സ് മേരാക്കി,മേക്കപ്പ് ജയൻ പൂങ്കുളം, സ്റ്റിൽസ് ഷാഫി ഷക്കീർ ഷിബി ശിവദാസ്, പിആർഓ വാഴൂർ ജോസ്, മഞ്ജു ഗോപിനാഥ്, പബ്ലിസിറ്റി ഡിസൈൻ യെല്ലോ ടൂത്ത്, ഡിജിറ്റൽ മാർക്കറ്റിങ് ഒബ്സ്ക്യൂറ എന്റർടെയ്ൻമെന്റ്.

### Related Links & Sources
- [Original Story Source](https://moviemax.in/news/343251/this-is-a-one-and-a-half-thalla-vibe-the-song-from-the-movie-is-out-ganapathy-and-his-team-are-rocking-social-media-new)