( https://moviemax.in/)മലയാളി പ്രേക്ഷകർക്ക് എന്നും പ്രിയപ്പെട്ട ഫാൻ്റസി-ത്രില്ലർ വിഭാഗത്തിൽ വീണ്ടുമൊരു ചിത്രം അണിയറയിൽ ഒരുങ്ങുന്നു. നവാഗതരായ ജിത്തു ജയപാൽ, ശ്രീഷ് ഹൈമാവത് എന്നിവർ രചനയും സംവിധാനവും നിർവ്വഹിക്കുന്ന 'റാന്തൽ' എന്ന ചിത്രത്തിൻ്റെ ചിത്രീകരണം കാഞ്ഞങ്ങാട്ട് ആരംഭിച്ചു.
സമുദ്ര പ്രൊഡക്ഷൻസിൻ്റെ ബാനറിൽ പി.കെ. സുരേന്ദ്രനാണ് ഈ ഫാൻ്റസി റിവഞ്ച് ത്രില്ലർ നിർമ്മിക്കുന്നത്. ചിത്രത്തിൻ്റെ ആകാംക്ഷയുണർത്തുന്ന ടൈറ്റിൽ പോസ്റ്റർ ഇതിനോടകം തന്നെ സോഷ്യൽ മീഡിയയിൽ ശ്രദ്ധിക്കപ്പെട്ടിട്ടുണ്ട്.
പുതുമുഖങ്ങൾക്ക് ഏറെ പ്രാധാന്യം നൽകുന്ന ഈ ചിത്രത്തിൽ സജിത്ത് കുരിക്കത്തൂർ, ഉണ്ണി പണിക്കർ, ഉണ്ണി ബാനം, മഹേഷ് രാമൻ തുടങ്ങിയവരോടൊപ്പം ഒരു വലിയ താരനിര തന്നെ അണിനിരക്കുന്നുണ്ട്.
കാസർഗോഡ്, കാഞ്ഞങ്ങാട് തുടങ്ങിയ പ്രദേശങ്ങളിലെ മനോഹരമായ ലൊക്കേഷനുകളിലായാണ് സിനിമയുടെ ചിത്രീകരണം പുരോഗമിക്കുന്നത്. ജിതേഷ്, രഞ്ജിത്ത് എന്നിവരാണ് ചിത്രത്തിൻ്റെ സഹനിർമ്മാതാക്കൾ.
സംവിധായകനായ ശ്രീഷ് ഹൈമാവത് തന്നെയാണ് ചിത്രത്തിൻ്റെ ഛായാഗ്രഹണവും കൈകാര്യം ചെയ്യുന്നത്. അയൂബ് എഡിറ്റിംഗും ശ്രീശൈലം രാധാകൃഷ്ണൻ സംഗീതവും നിർവ്വഹിക്കുന്നു.
ഷറഫു ചെറുതുരുത്തി (കല), പുഷ്പലത കാഞ്ഞങ്ങാട് (വസ്ത്രാലങ്കാരം), അനുശ്രീ (മേക്കപ്പ്) എന്നിവരാണ് മറ്റ് പ്രധാന അണിയറ പ്രവർത്തകർ. പി. ശിവപ്രസാദാണ് ചിത്രത്തിൻ്റെ വാർത്താവിനിമയം കൈകാര്യം ചെയ്യുന്നത്.
Content Highlight: 'Ranthal' shooting begins; new fantasy revenge thriller coming
.jpeg)
