---
title: "ഭാര്യ സുരേഖയ്ക്ക് ജന്മദിനാശംസകൾ നേർന്ന് ചിരഞ്ജീവി; 'എന്റെ വിജയരഹസ്യം നീയെന്ന പെണ്ണാണ്'"
english_title: "Chiranjeevi wishes his wife Surekha a happy birthday"
publisher: "moviemax.in"
canonical_url: "https://moviemax.in/news/342753/chiranjeevi-wishes-his-wife-surekha-a-happy-birthday"
published_at: "2026-02-18T22:24:00+05:30"
category: "Kollywood"
language: "ml"
image: "https://cf.zdn.im/img/truevisionnews.com/0/image-uploads/6995ef2f4bca6_19.jpg"
keywords: []
---

# ഭാര്യ സുരേഖയ്ക്ക് ജന്മദിനാശംസകൾ നേർന്ന് ചിരഞ്ജീവി; 'എന്റെ വിജയരഹസ്യം നീയെന്ന പെണ്ണാണ്'

> **Lead Summary:** **തെ**ന്നിന്ത്യൻ മെഗാസ്റ്റാർ ചിരഞ്ജീവി തന്റെ പ്രിയപത്നി സുരേഖ കൊനിഡേലയ്ക്ക് ഹൃദ്യമായ ഭാഷയിൽ ജന്മദിനാശംസകൾ നേർന്നു. സോഷ്യൽ മീഡിയ പ്ലാറ്റ്‌ഫോമായ എക്സിലൂടെ പങ്കുവെച്ച കുറിപ്പിലാണ് അദ്ദേഹം തന്റെ ജീവിതപങ്കാളിയോടുള്ള സ്നേഹവും നന്ദിയും വെളിപ്പെടുത്തിയത്.

## Article Content

**തെ**ന്നിന്ത്യൻ മെഗാസ്റ്റാർ ചിരഞ്ജീവി തന്റെ പ്രിയപത്നി സുരേഖ കൊനിഡേലയ്ക്ക് ഹൃദ്യമായ ഭാഷയിൽ ജന്മദിനാശംസകൾ നേർന്നു. സോഷ്യൽ മീഡിയ പ്ലാറ്റ്‌ഫോമായ എക്സിലൂടെ പങ്കുവെച്ച കുറിപ്പിലാണ് അദ്ദേഹം തന്റെ ജീവിതപങ്കാളിയോടുള്ള സ്നേഹവും നന്ദിയും വെളിപ്പെടുത്തിയത്.

1980 ഫെബ്രുവരി 20-ന് വിവാഹിതരായ അന്ന് മുതൽ ഇന്നുവരെ തന്റെ ഏറ്റവും വലിയ കരുത്തായി കൂടെനിൽക്കുന്നത് സുരേഖയാണെന്ന് ചിരഞ്ജീവി കുറിച്ചു.

കുടുംബത്തിലെ ഓരോ അംഗത്തെയും സ്നേഹത്താൽ കൂട്ടിയിണക്കുന്ന കേന്ദ്രബിന്ദുവാണ് സുരേഖയെന്ന് അദ്ദേഹം വിശേഷിപ്പിച്ചു. തന്റെ മാതാപിതാക്കളെ സ്വന്തം മാതാപിതാക്കളെപ്പോലെ കരുതുകയും അവർക്ക് മകളായി മാറുകയും ചെയ്ത സുരേഖ, കുടുംബത്തിന്റെ എല്ലാ ഉത്തരവാദിത്തങ്ങളും ഭംഗിയായി നിറവേറ്റുന്നു.

തന്റെ വിജയരഹസ്യം കഠിനാധ്വാനമോ കഴിവോ മാത്രമല്ലെന്നും, കുടുംബകാര്യങ്ങൾ സുരേഖ വിശ്വസ്തതയോടെ ഏറ്റെടുത്തതിനാൽ തനിക്ക് ഔദ്യോഗിക ജീവിതത്തിൽ പൂർണ്ണമായി ശ്രദ്ധിക്കാൻ കഴിഞ്ഞെന്നും അദ്ദേഹം കൂട്ടിച്ചേർത്തു.

പ്രതിസന്ധികളിലും ആഘോഷങ്ങളിലും എല്ലാവരെയും ചേർത്തുനിർത്തുന്ന സുരേഖ വെറുമൊരു ഭാര്യ മാത്രമല്ല, മറിച്ച് തന്റെ സമാധാനവും പിന്തുണയുമാണെന്ന് താരം പറയുന്നു.

താൻ ഇന്ന് ഈ നിലയിൽ എത്തിയതിന് പിന്നിൽ സുരേഖയുടെ വലിയ പങ്കുണ്ടെന്ന് പറഞ്ഞാണ് ചിരഞ്ജീവി തന്റെ ജന്മദിനക്കുറിപ്പ് അവസാനിപ്പിച്ചത്.

### Related Links & Sources
- [Original Story Source](https://moviemax.in/news/342753/chiranjeevi-wishes-his-wife-surekha-a-happy-birthday)