---
title: "വീണ്ടും ഒന്നിക്കാൻ നിവിൻ പോളിയും ഷറഫുദ്ദീനും; 'പ്രതിഛായ'യിൽ വമ്പൻ താരനിര, ട്രെയിലർ വൈറൽ!"
english_title: "prathichaya trailer "
publisher: "moviemax.in"
canonical_url: "https://moviemax.in/news/342642/prathichaya-trailer"
published_at: "2026-02-18T12:58:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/69956a2e3f21f_movie3.jpg"
keywords: []
---

# വീണ്ടും ഒന്നിക്കാൻ നിവിൻ പോളിയും ഷറഫുദ്ദീനും; 'പ്രതിഛായ'യിൽ വമ്പൻ താരനിര, ട്രെയിലർ വൈറൽ!

> **Lead Summary:** **[[moviemax.in]]** മലയാള സിനിമ കാത്തിരുന്ന ബി. ഉണ്ണികൃഷ്ണൻ ചിത്രം 'പ്രതിഛായ'യുടെ പവർഫുൾ ട്രെയിലർ പുറത്തിറങ്ങി. നിവിൻ പോളിയും വെറ്ററൻ താരം ബാലചന്ദ്രമേനോനും കേന്ദ്രകഥാപാത്രങ്ങളായെത്തുന്ന ചിത്രം ഒരു കടുത്ത പൊളിറ്റിക്കൽ ഡ്രാമയാണെന്ന സൂചനയാണ് ട്രെയിലർ നൽകുന്നത്.

## Article Content

**[[moviemax.in]]** മലയാള സിനിമ കാത്തിരുന്ന ബി. ഉണ്ണികൃഷ്ണൻ ചിത്രം 'പ്രതിഛായ'യുടെ പവർഫുൾ ട്രെയിലർ പുറത്തിറങ്ങി. നിവിൻ പോളിയും വെറ്ററൻ താരം ബാലചന്ദ്രമേനോനും കേന്ദ്രകഥാപാത്രങ്ങളായെത്തുന്ന ചിത്രം ഒരു കടുത്ത പൊളിറ്റിക്കൽ ഡ്രാമയാണെന്ന സൂചനയാണ് ട്രെയിലർ നൽകുന്നത്.

കേരള രാഷ്ട്രീയത്തിലെ യഥാർത്ഥ സംഭവവികാസങ്ങളെയും അണിയറക്കഥകളെയും ഓർമ്മിപ്പിക്കുന്ന രംഗങ്ങൾ ട്രെയിലറിലുടനീളം നിറഞ്ഞുനിൽക്കുന്നുണ്ട്. ഉമ്മൻചാണ്ടി സർക്കാരിന്റെ കാലത്ത് കേരളത്തെ പിടിച്ചുലച്ച സെക്രട്ടേറിയേറ്റ് വളയൽ സമരത്തെ അനുസ്മരിപ്പിക്കുന്ന വമ്പൻ ദൃശ്യങ്ങൾ ചിത്രത്തിന്റെ പ്രധാന ആകർഷണമാണ്.

നാലായിരത്തോളം ജൂനിയർ ആർട്ടിസ്റ്റുകളെയും ആയിരത്തിലേറെ പോലീസുകാരെയും അണിനിരത്തി തിരുവനന്തപുരത്ത് ചിത്രീകരിച്ച ഈ സീക്വൻസ് മലയാള സിനിമയിലെ തന്നെ ഏറ്റവും വലിയ ആൾക്കൂട്ട ചിത്രീകരണങ്ങളിൽ ഒന്നാണ്.

രണ്ട് ചിത്രങ്ങളുടെ ഇടവേളയ്ക്ക് ശേഷം ബി. ഉണ്ണികൃഷ്ണൻ തന്നെ തിരക്കഥ ഒരുക്കുന്നു എന്ന പ്രത്യേകതയും ഈ ചിത്രത്തിനുണ്ട്. സിനിമാ ജീവിതത്തിന്റെ 50-ാം വർഷത്തിൽ ബാലചന്ദ്രമേനോൻ അതിശക്തമായ വേഷത്തിൽ തിരിച്ചെത്തുന്നു എന്നതും നിവിൻ പോളിയുടെ രാഷ്ട്രീയ വേഷവും സിനിമാപ്രേമികളിൽ വലിയ പ്രതീക്ഷയാണ് നൽകുന്നത്.

ശ്രീ ഗോകുലം മൂവീസിന്റെ ബാനറിൽ ഗോകുലം ഗോപാലനും ആർ.ഡി ഇലുമിനേഷൻസും ചേർന്ന് നിർമ്മിച്ച ചിത്രം പെരുന്നാൾ റിലീസായി തിയേറ്ററുകളിലെത്തും. ഷറഫുദ്ദീൻ, ഹരിശ്രീ അശോകൻ, സായ് കുമാർ തുടങ്ങി വൻ താരനിര തന്നെ അണിനിരക്കുന്ന ചിത്രത്തിന് ക്യാമറ ചലിപ്പിക്കുന്നത് ചന്ദു സെൽവരാജും സംഗീതം നൽകുന്നത് ജസ്റ്റിൻ വർഗീസുമാണ്.

തിരഞ്ഞെടുപ്പ് ചൂടിലേക്ക് രാജ്യം നീങ്ങുന്ന സമയത്ത് ഇത്തരമൊരു രാഷ്ട്രീയ ചിത്രം റിലീസിനെത്തുന്നത് രാഷ്ട്രീയ കേന്ദ്രങ്ങളിലും വലിയ ചർച്ചകൾക്ക് വഴിവെച്ചിരിക്കുകയാണ്.

### Related Links & Sources
- [Original Story Source](https://moviemax.in/news/342642/prathichaya-trailer)