[moviemax.in]തമിഴ്നാട് സർക്കാരിന്റെ സംസ്ഥാന ചലച്ചിത്ര പുരസ്കാരങ്ങളിൽ മികച്ച നടിക്കുള്ള അംഗീകാരം സ്വന്തമാക്കി ലേഡി സൂപ്പർസ്റ്റാർ നയൻതാര.
2017-ൽ പുറത്തിറങ്ങിയ 'അറം' എന്ന ചിത്രത്തിലെ ജില്ലാ കളക്ടർ മതിവദനി എന്ന ശക്തമായ കഥാപാത്രത്തിനാണ് താരത്തെ തേടി ഈ പുരസ്കാരമെത്തിയത്.
അഭിനയത്തിന് പുറമെ നയൻതാരയുടെ നിർമ്മാണ കമ്പനിയായ 'റൗഡി പിക്ചേഴ്സിനും' വലിയ നേട്ടങ്ങളാണ് ഇത്തവണ ലഭിച്ചത്.
നയൻതാര കേന്ദ്രകഥാപാത്രമായ 'നെട്രിക്കൺ' എന്ന ചിത്രം സ്ത്രീ ശാക്തീകരണത്തിനുള്ള പ്രത്യേക പുരസ്കാരം നേടിയപ്പോൾ, കമ്പനി നിർമ്മിച്ച 'കൂഴങ്കൽ' മികച്ച ചിത്രത്തിനുള്ള അവാർഡും കരസ്ഥമാക്കി.
അഭിനയത്തിനും നിർമ്മാണത്തിനുമായി ഒരേസമയം മൂന്ന് സംസ്ഥാന പുരസ്കാരങ്ങൾ ലഭിച്ചതിൽ താൻ അതീവ കൃതജ്ഞതയുള്ളവളാണെന്ന് നയൻതാര പ്രതികരിച്ചു.
2016 മുതൽ 2022 വരെയുള്ള കാലയളവിലെ അവാർഡുകളാണ് ഇപ്പോൾ പ്രഖ്യാപിക്കപ്പെട്ടത്. മമ്മൂട്ടിയും മോഹൻലാലും ഒന്നിക്കുന്ന ബിഗ് ബജറ്റ് ചിത്രം 'പേട്രിയറ്റ്' ആണ് നയൻതാരയുടേതായി ഇനി പുറത്തിറങ്ങാനുള്ള ഏറ്റവും വലിയ പ്രോജക്റ്റ്.
Content Highlight: Nayanthara shines at Tamil Nadu State Film Awards; Rowdy Pictures wins three awards
