[moviemax.in] മലയാള സിനിമാ പ്രേക്ഷകരുടെ എക്കാലത്തെയും പ്രിയപ്പെട്ട താരകുടുംബമാണ് മല്ലിക സുകുമാരന്റേത്. സുകുമാരന്റെ വിയോഗത്തിന് ശേഷം തന്റെ രണ്ട് മക്കളെയും ഇന്നത്തെ നിലയിലേക്ക് വളർത്തിയെടുത്ത മല്ലികയുടെ പോരാട്ടവീര്യം എന്നും ആരാധകർക്കിടയിൽ ചർച്ചയാകാറുണ്ട്.
പൃഥ്വിരാജും ഇന്ദ്രജിത്തും ഇന്ന് ഇൻഡസ്ട്രിയിലെ മുൻനിര നായകന്മാരായി തിളങ്ങുമ്പോൾ, ആ കുടുംബത്തിൽ നിന്നുള്ള അടുത്ത തലമുറയുടെ വരവിനായി കാത്തിരിക്കുകയാണ് സിനിമാ ലോകം.
പൃഥ്വിരാജ് സൂപ്പർതാര പദവിയിൽ കൊടുമുടിയിൽ നിൽക്കുമ്പോൾ, ഇന്ദ്രജിത്ത് തന്റെ വൈവിധ്യമാർന്ന കഥാപാത്രങ്ങളിലൂടെ അഭിനയമികവ് തെളിയിച്ചുകൊണ്ടിരിക്കുന്നു. എന്നാൽ ഇപ്പോൾ സോഷ്യൽ മീഡിയയുടെ ശ്രദ്ധ മുഴുവൻ ഇന്ദ്രജിത്തിന്റെയും പൂർണിമയുടെയും ഇളയ മകൾ നക്ഷത്രയിലേക്കാണ്.
മൂത്ത മകൾ പ്രാർത്ഥന സംഗീത ലോകത്ത് ഇതിനോടകം തന്നെ തന്റേതായ ഇടം കണ്ടെത്തിക്കഴിഞ്ഞു. എന്നാൽ ബിഗ് സ്ക്രീനിൽ നായികയായി തിളങ്ങാൻ എല്ലാ യോഗ്യതയുമുള്ളത് നക്ഷത്രയ്ക്കാണെന്നാണ് ആരാധകരുടെ വിലയിരുത്തൽ.
പ്രശസ്ത ബ്യൂട്ടി സലൂൺ ആയ 'ഹെയർ ബൈ മുകേഷ്' ഇൻസ്റ്റഗ്രാം പേജിലൂടെ പങ്കുവെച്ച നക്ഷത്രയുടെ പുത്തൻ മേക്ക് ഓവർ വീഡിയോ വൈറലായതോടെ ഈ ചർച്ചകൾക്ക് വീണ്ടും ചൂടുപിടിച്ചു.
നക്ഷത്രയുടെ മുഖത്തെ പ്രത്യേകതകളും സ്ക്രീൻ പ്രസൻസും ഒരു സിനിമ നായികയ്ക്ക് അനുയോജ്യമാണെന്നാണ് ഭൂരിഭാഗം പേരുടെയും അഭിപ്രായം.നിലവിൽ മോളിവുഡിൽ ഏറ്റവും കൂടുതൽ ചർച്ച ചെയ്യപ്പെടുന്ന താരപുത്രി ദിലീപിന്റെയും മഞ്ജു വാര്യരുടെയും മകൾ മീനാക്ഷിയാണ്.
ഒരു സിനിമയിൽ പോലും അഭിനയിച്ചിട്ടില്ലെങ്കിലും മീനാക്ഷിയുടെ വിശേഷങ്ങൾ അറിയാൻ ആരാധകർക്ക് എന്നും താൽപ്പര്യമാണ്. എന്നാൽ പുതിയ മേക്ക് ഓവറിലൂടെയും സ്റ്റൈലിഷ് ലുക്കിലൂടെയും നക്ഷത്ര ഇപ്പോൾ മീനാക്ഷിക്ക് വലിയൊരു വെല്ലുവിളി ഉയർത്തുന്നുണ്ട്.
വരും വർഷങ്ങളിൽ മലയാള സിനിമയിലെ ഏറ്റവും ഡിമാൻഡുള്ള താരപുത്രിയായി നക്ഷത്ര മാറുമെന്നും പ്രേക്ഷകർ പ്രവചിക്കുന്നു. മല്ലിക സുകുമാരന്റെ കുടുംബത്തിൽ നിന്നുള്ള അടുത്ത സൂപ്പർസ്റ്റാർ ആരായിരിക്കും എന്ന ചോദ്യത്തിന് 'നക്ഷത്ര' എന്ന മറുപടിയാണ് ഇപ്പോൾ സോഷ്യൽ മീഡിയയിൽ നിറയുന്നത്.
Content Highlight: After Prithviraj and Indran, Nakshatra is also coming to the big screen
.jpg)
