( https://moviemax.in/) പ്രിയതാരങ്ങളുടെ കുട്ടിക്കാലത്തെയും കൗമാരകാലത്തെയും ചിത്രങ്ങൾക്കായി സോഷ്യൽ മീഡിയയിൽ എപ്പോഴും വലിയ തിരക്കാണ്.
അക്കൂട്ടത്തിലേക്ക് ഇതാ മലയാളികളുടെ പ്രിയ നടൻ ജയറാമിന്റെ മനോഹരമായ ഒരു പഴയകാല ചിത്രം കൂടി എത്തിയിരിക്കുന്നു. മിമിക്രി വേദികളിൽ ചിരിയുണർത്തി നടന്നു നീങ്ങിയ ആ ചെറുപ്പക്കാരൻ പത്മരാജൻ എന്ന പ്രതിഭയുടെ 'അപരനിലൂടെ' മലയാള സിനിമയുടെ നായക നിരയിലേക്ക് ഉയർന്നു വന്നത് ചരിത്രം.
ഫോട്ടോ പുറത്തുവന്നതിന് പിന്നാലെ കമന്റുകളുമായി നിരവധി പേർ രംഗത്ത് എത്തി. "അറിഞ്ഞില്ല ആരും പറഞ്ഞില്ല.. ഇങ്ങനെ ഒരു ഫ്ലാഷ് ബാക്ക് പ്രതീക്ഷിച്ചില്ല, ക്ലാസ്സിക്കൽ ഡാൻസർ ആരുന്നോ, കനക സിംഹസനത്തിൽ പറയുന്ന പോലെ തട്ടെന്നുള്ള ശീലവാ", എന്നിങ്ങനെ പോകുന്നു കമന്റുകൾ.
ജയറാം എന്ന നടന്റെ കരിയറിലെ വളർച്ച പോലെ തന്നെ കൗതുകമുണർത്തുന്നതാണ് അദ്ദേഹത്തിന്റെ ഓരോ പഴയകാല ചിത്രങ്ങളും. "ഇതാര് നമ്മുടെ ജയറാമേട്ടനോ?" എന്ന അത്ഭുതത്തോടെയാണ് ആരാധകർ ഈ ചിത്രം ഷെയർ ചെയ്യുന്നത്. ജയറാമിനൊപ്പം മറ്റ് പ്രമുഖ താരങ്ങൾ നിൽക്കുന്ന ഗ്രൂപ്പ് ഫോട്ടോകളും ഇതിനോടൊപ്പം ചർച്ചയാകുന്നുണ്ട്.
Content Highlight: Actor Jayaram's old pictures go viral
