ആതിര പ്രപ്പോസലുമായി വന്നപ്പോൾ അവളെ ഞാൻ ഓടിച്ചുവിട്ടു! 'സിനിമയ്ക്ക് പോയിട്ടും കല്യാണം വേണ്ടെന്ന് ഉറപ്പിച്ചു'; ഒടുവിൽ അമീനും ഡയാനയും ഒന്നിക്കാൻ കാരണമായത് ഇതാണ്

(moviemax.in) മിനിസ്‌ക്രീൻ പ്രേക്ഷകരുടെ പ്രിയതാരങ്ങളായ ഡയാന ഹമീദും അമീനും തങ്ങളുടെ വിവാഹവിശേഷങ്ങൾ പങ്കുവെക്കുന്നു. കഴിഞ്ഞ വർഷം ലളിതമായി നടന്ന നിക്കാഹിന് ശേഷം, ആരാധകർ കാത്തിരിക്കുന്ന വിവാഹം ഈ വർഷം സെപ്റ്റംബറിൽ നടക്കുമെന്ന് താരങ്ങൾ അറിയിച്ചു. ഒരു പ്രമുഖ മാധ്യമത്തിന് നൽകിയ പുതിയ അഭിമുഖത്തിലാണ് പ്രണയത്തെക്കുറിച്ചും വിവാഹ നിശ്ചയത്തിന് ശേഷമുള്ള ജീവിതത്തെക്കുറിച്ചും ഇരുവരും മനസ്സ് തുറന്നത്.

അമീനെ കുറിച്ച് ആദ്യം അറിയുന്നതും കേൾക്കുന്നതും എന്റെ ബെസ്റ്റ് ഫ്രണ്ട് ആതിര വഴിയാണ്. അവൾക്കൊപ്പം നിന്നിഷ്ടം എന്നിഷ്ടം സീരിയലിൽ അമീനും അഭിനയിച്ചിരുന്നു. അമീന്റെ പ്രപ്പോസലുമായി ആതിര വരുമ്പോൾ അവളെ ഞാൻ ഓടിച്ച് വിടുമായിരുന്നു. എന്റെ പ്രപ്പോസലുമായി ആതിര അമീനെയും സമീപിക്കാറുണ്ടായിരുന്നു. ഇതിനെല്ലാം ശേഷമാണ് സ്റ്റാർ മാജിക്കിൽ വെച്ച് ഞങ്ങൾ കാണുന്നത്. പ്രപ്പോസൽ സംസാരം നടന്നതുകൊണ്ട് തന്നെ സ്റ്റാർ മാജിക്കിൽ ഒരുമിച്ച് പ്രവർത്തിച്ചിട്ടും ഞങ്ങൾക്ക് ഒരു ചമ്മലായിരുന്നു. ഫോർമൽ സംസാരം മാത്രമേ ഉണ്ടായിരുന്നുള്ളൂ. അതുകൊണ്ട് തന്നെ ഞങ്ങളാണ് വിവാഹം കഴിക്കാൻ പോകുന്നതെന്ന് അറിഞ്ഞപ്പോൾ സ്റ്റാർ മാജിക്കിലെ ആളുകൾക്ക് അത്ഭുതമായിരുന്നു. നിങ്ങൾ രണ്ടുപേരും പരസ്പരം പേര് ചോദിക്കുന്നത് പോലും കണ്ടിട്ടില്ലല്ലോയെന്ന് നോബി ചേട്ടനൊക്കെ പറയുമായിരുന്നു.

പിന്നീട് ഞങ്ങൾ രണ്ടുപേരും പരസ്‍പരം സംസാരിച്ച് നോക്കാമെന്ന് തീരുമാനിച്ചു. ഒത്തിരി സംസാരിച്ചു. ഒരു സിനിമയ്ക്ക് ഒരുമിച്ച് പോയി. എന്നിട്ടും വിവാഹം എന്നതിലേക്ക് പോകേണ്ട എന്നാണ് ആദ്യം തീരുമാനിച്ചത്. എന്നിട്ടും ഞങ്ങൾ ഞങ്ങളുടെ വീടുകളിൽ അവതരിപ്പിച്ചു. അവർക്ക് താൽപര്യമായിരുന്നു. അങ്ങനെ ഞങ്ങൾ വീണ്ടും ഒന്നുകൂടി ഇരുന്ന് ആലോചിച്ചു. പരസ്പരം ഇഷ്ടപ്പെടാതിരിക്കാൻ മാത്രമുള്ള കാരണങ്ങളും ഉണ്ടായിരുന്നില്ല'', മൈൽസ്റ്റോൺ മേക്കേഴ്സിനു നൽകിയ അഭിമുഖത്തിൽ ഡയാനയും അമീനും പറഞ്ഞു.

'Even after going to the cinema, they decided not to get married'; This is what finally brought Amin and Diana together