---
title: "ഖുശ്ബുവിന്റെ പിൻഗാമിയായി അവന്തിക സുന്ദർ എത്തുന്നു; താരപുത്രിയുടെ കന്നിചിത്രം മലയാളത്തിൽ!"
english_title: "Avantika Sundar is coming as Khushbu's successor; Star daughter's debut film in Malayalam!"
publisher: "moviemax.in"
canonical_url: "https://moviemax.in/news/341740/avantika-sundar-is-coming-as-khushbus-successor-star-daughters-debut-film-in-malayalam-new"
published_at: "2026-02-13T12:54:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/698ed53be25e6_Avantika_Sundar_is_coming_as_Khushbus_successor.jpg"
keywords: []
---

# ഖുശ്ബുവിന്റെ പിൻഗാമിയായി അവന്തിക സുന്ദർ എത്തുന്നു; താരപുത്രിയുടെ കന്നിചിത്രം മലയാളത്തിൽ!

> **Lead Summary:** തെന്നിന്ത്യൻ സിനിമാലോകത്തെ പ്രിയദമ്പതികളായ ഖുശ്ബുവിന്റേയും സുന്ദർ സിയുടേയും മകൾ അവന്തിക സുന്ദർ മലയാളത്തിലൂടെ വെള്ളിത്തിരയിലേക്ക് അരങ്ങേറ്റം കുറിക്കുന്നു. അവന്തിക കേന്ദ്രകഥാപാത്രമാകുന്ന ആദ്യ ചിത്രമായ 'ആരംഭ'ത്തിന്റെ പൂജ തൃശൂർ ചാവക്കാട് വെച്ച് നടന്നു. 'ആരംഭം' എന്നാണ് സിനിമയ്ക്ക് പേര് നൽകിയിരിക്കുന്നത്. വലിയൊരു താരനിര ഒരുമിക്കുന്ന ചിത്രത്തിന്‍റെ നിർമ്മാണം സ്റ്റുഡിയോ ബെല്ലാറൂഹും സംവിധാനം സുജേഷ് ആനി ഈപ്പനുമാണ്.

## Article Content

തെന്നിന്ത്യൻ സിനിമാലോകത്തെ പ്രിയദമ്പതികളായ ഖുശ്ബുവിന്റേയും സുന്ദർ സിയുടേയും മകൾ അവന്തിക സുന്ദർ മലയാളത്തിലൂടെ വെള്ളിത്തിരയിലേക്ക് അരങ്ങേറ്റം കുറിക്കുന്നു. അവന്തിക കേന്ദ്രകഥാപാത്രമാകുന്ന ആദ്യ ചിത്രമായ 'ആരംഭ'ത്തിന്റെ പൂജ തൃശൂർ ചാവക്കാട് വെച്ച് നടന്നു. 'ആരംഭം' എന്നാണ് സിനിമയ്ക്ക് പേര് നൽകിയിരിക്കുന്നത്. വലിയൊരു താരനിര ഒരുമിക്കുന്ന ചിത്രത്തിന്‍റെ നിർമ്മാണം സ്റ്റുഡിയോ ബെല്ലാറൂഹും സംവിധാനം സുജേഷ് ആനി ഈപ്പനുമാണ്.

ആരതി എന്ന കഥാപാത്രമായാണ് ചിത്രത്തിൽ അവന്തിക എത്തുന്നത്. അവന്തികയ്ക്ക് പുറമെ സരിത, അൽത്താഫ് സലീം, ഇന്ദ്രൻസ്, വിജയരാഘവൻ, കൃഷ്ണ ശങ്കർ, കലാഭവൻ ഷാജോൺ, സുനിൽ സുഗത, വിജി വെങ്കടേഷ്, നോബി മാർക്കോസ്, രാജേഷ് ശർമ്മ, രമേഷ് കോട്ടയം, സൗമ്യ ഭാഗ്യം പിള്ള, സ്ഫടികം ജോർജ്ജ്, ശെന്തിൽ കൃഷ്ണ, ഷിൻസ്, തഴവ സഹദേവൻ, പ്രിയങ്ക, ഷൈനി സാറ, ഉണ്ണി രാജ, കുമാർ സേതു, ഷോബി തിലകൻ, സജിമോൻ, ലിഷോയ്, ഷാനവാസ്, മൂന്നാർ രമേഷ്, ജിനു കോട്ടയം, രഞ്ജൻ ദേവ്, ആ‍ർദ്ര മോഹൻ, അർണവ്, ഹരി നമ്പൂതിരി തുടങ്ങി വലിയൊരു താരനിരയാണ് ചിത്രത്തിൽ അഭിനയിക്കുന്നത്. കുന്നംകുളം, ചാവക്കാട്, കൊല്ലംകോട് എന്നിവിടങ്ങളിലായാണ് സിനിമയുടെ ചിത്രീകരണം പൂർത്തിയായി കൊണ്ടിരിക്കുന്നത്. തമിഴിലും മലയാളത്തിലുമായാണ് ചിത്രം പുറത്തിറങ്ങാനായി ഒരുങ്ങുന്നത്.

കഥ, തിരക്കഥ, സംഭാഷണം ജോസ്‍ലെറ്റ് ജോസഫ്, അജോയ് തമ്പി , ഛായാഗ്രഹണം അജയൻ വിൻസെന്‍റ്, സംഗീതം ഗോപി സുന്ദർ, എ‍ഡിറ്റർ രഞ്ജൻ എബ്രഹാം, പ്രൊഡക്ഷൻ കൺട്രോളർ സുരേഷ് മിത്രക്കരി, ആർട്ട് ഡയറക്ടർ സാബു മോഹൻ, മേക്കപ്പ് ജിതേഷ് പൊയ്യ, കോസ്റ്റ്യൂം സൂര്യ ശേഖർ, ഗാനരചന ബി.കെ ഹരിനാരായണൻ, കോറിയോഗ്രാഫർ രാജു സുന്ദരം, സ്റ്റിൽസ് റെനി, പ്രൊഡക്ഷൻ എക്സിക്യൂട്ടീവ് രാംജിത് പ്രഭാത്, പിആർഒ ആതിര ദിൽജിത്ത്.

### Related Links & Sources
- [Original Story Source](https://moviemax.in/news/341740/avantika-sundar-is-coming-as-khushbus-successor-star-daughters-debut-film-in-malayalam-new)