---
title: "സൂപ്പർ സ്റ്റാറിന്റെ സഹോദരിയാകാൻ കീർത്തി സുരേഷിന് 2.5 കോടി "
english_title: "Keerthi Suresh gets Rs 2.5 crore to become superstar's sister"
publisher: "moviemax.in"
canonical_url: "https://moviemax.in/news/3374/keerthi-suresh-gets-rs-25-crore-to-become-superstars-sister"
published_at: "2021-10-04T21:49:00+05:30"
category: "Kollywood"
language: "ml"
image: "https://cf.zdn.im/img/truevisionnews.com/0/image-uploads/614c43c5b2c5c_keerti.jpg"
keywords: []
---

# സൂപ്പർ സ്റ്റാറിന്റെ സഹോദരിയാകാൻ കീർത്തി സുരേഷിന് 2.5 കോടി 

> **Lead Summary:** ദേശീയ അവാർഡ് ജേതാവായതോടുകൂടി താര മൂല്യവും കീർത്തിക്ക് ഉയരുകയാണ്. നടിയുടെ പ്രതിഫല തുകയെ കുറിച്ചുള്ള ചർച്ചകൾ അടുത്തിടെ സോഷ്യൽ മീഡിയിൽ സജീവമായിരുന്നു. ഇതിനു പിന്നാലെയാണ് സൂപ്പർ സ്റ്റാറുകളുടെ സഹോദരിപട്ടം അലങ്കരിക്കാൻ കീർത്തി വാങ്ങുന്നത് കോടികൾ ആണെന്ന് റിപ്പോർട്ടുകൾ പുറത്തുവരുന്നത്.

## Article Content

ദേശീയ അവാർഡ് ജേതാവായതോടുകൂടി താര മൂല്യവും കീർത്തിക്ക് ഉയരുകയാണ്. നടിയുടെ പ്രതിഫല തുകയെ കുറിച്ചുള്ള ചർച്ചകൾ അടുത്തിടെ സോഷ്യൽ മീഡിയിൽ സജീവമായിരുന്നു. ഇതിനു പിന്നാലെയാണ് സൂപ്പർ സ്റ്റാറുകളുടെ സഹോദരിപട്ടം അലങ്കരിക്കാൻ കീർത്തി വാങ്ങുന്നത് കോടികൾ ആണെന്ന് റിപ്പോർട്ടുകൾ പുറത്തുവരുന്നത്.

തെലുഗു ചിത്രം 'മഹാനടി'യിലൂടെയാണ് കീർത്തി സുരേഷിന് ദേശീയഅവാർഡ് ലഭിച്ചത്. അതോടെ ടോളിവുഡിൽ മാത്രമല്ല കോളിവുഡിലും നിരവധി അവസരങ്ങൾ ആണ് കീർത്തിയെ തേടിയെത്തുന്നത്.ഒരു വശത്ത്, കൊമേഴ്‌സ്യൽ സിനിമകൾ ചെയ്യുമ്പോഴും അതിൽ ശക്തമായ സ്ത്രീ കഥാപാത്രങ്ങളായി എത്താൻ ആണ് പലപ്പോഴും കീർത്തി ശ്രമിക്കുന്നത്.

എങ്കിലും കീർത്തി അഭിനയിച്ച ചില സിനിമകൾ പരാജയപ്പെടുകയും ചെയ്തു. അതോടെ സിനിമകൾ തിരഞ്ഞെടുക്കുന്ന കാര്യത്തിൽ ബുദ്ധിപൂർവ്വമായ തീരുമാനങ്ങൾ എടുക്കാൻ കീർത്തി തീരുമാനിച്ചതായും റിപ്പോർട്ടുണ്ട്.നിലവിൽ കീർത്തി മഹേഷ് ബാബുവിനൊപ്പം അഭിനയിക്കുന്നത് 'സർക്കാര് വരി പട'യിലാണ്. ചിത്രത്തിൽ സൂപ്പർസ്റ്റാറിനൊപ്പം നായിക വേഷത്തിലാണ് കീർത്തി എത്തുന്നത്. എന്നാൽ പലരെയും ഞെട്ടിച്ച ഒരു വസ്തുത തെലുങ്ക് ചലച്ചിത്രമേഖലയിൽ സഹോദരി വേഷങ്ങളിൽ അഭിനയിക്കാൻ കീർത്തിക്ക് വളരെയധികം താൽപ്പര്യമുണ്ടെന്നാണ് ബന്ധപ്പെട്ട വൃത്തങ്ങൾ നൽകുന്ന സൂചന.

റേറ്റിങ് കൂടുതലുള്ള ഒരു നായികയും സഹോദരി വേഷങ്ങൾ ചെയ്യാൻ സമ്മതിക്കാറില്ല. പക്ഷേ, കീർത്തി സുരേഷ് അത്തരം ചിട്ടകൾ നോക്കുന്നില്ല എന്നാണ് റിപ്പോർട്ടുകൾ. ഒരേസമയം രണ്ട് സിനിമകളിൽ സഹോദരിയായി പ്രത്യക്ഷപ്പെടാൻ കീർത്തി സന്തോഷത്തോടെ സമ്മതിച്ചുവെന്നും മെഹർ രമേശ് സംവിധാനം ചെയ്ത മെഗാസ്റ്റാർ ചിരഞ്ജീവിയുടെ പുതിയ സിനിമ ഉദാഹരണമാണെന്നും റിപ്പോർട്ടുണ്ട്.

ഏറ്റവും രസകരമായ സംഗതി രജനികാന്തിന്റെ 'അണ്ണാത്തെ'യിൽ കീർത്തി ഒപ്പുവച്ചിട്ടുണ്ടെന്നും അവിടെ രജനിയുടെ സഹോദരിയായിട്ടാണ് കീർത്തി വേഷം ഇടുന്നതെന്നും സൂചനയുണ്ട്. ചിത്രത്തിലെ അഭിനയത്തിന് കീർത്തി സുരേഷിന് 2.5 കോടി രൂപ വലിയ പ്രതിഫലം ലഭിക്കുന്നുണ്ടെന്നാണ് റിപ്പോർട്ട്. ഈ ചിത്രത്തിനുപുറമെ മറ്റൊരു തമിഴ് ചിത്രത്തിലും കീർത്തി എത്തുന്നുണ്ട്.

സംവിധായകൻ സെൽവരാഘവൻ നായകനായി അഭിനയിക്കുന്ന 'സാനി കൈദം' എന്ന തമിഴ് ചിത്രത്തിലാണ് കീർത്തി എത്തുന്നത്. അതിലും കീർത്തി അനുജത്തിയുടെ റോളിലാകും എത്തുക എന്നും റിപ്പോർട്ടുണ്ട്. തെലുങ്ക്, തമിഴ് മേഖലയിൽ സൂപ്പർ സ്റ്റാറുകൾക്കൊപ്പം തിളങ്ങിയ കീർത്തി പെട്ടെന്നു സഹോദരി വേഷങ്ങളിൽ എത്തുന്നത് , ചലച്ചിത്രപ്രേമികൾക്കും നിർമ്മാതാക്കൾക്കും ഇടയിൽ ഒരു ചർച്ചാവിഷയമായിട്ടുണ്ട് എന്നതാണ് വസ്തുത.

### Related Links & Sources
- [Original Story Source](https://moviemax.in/news/3374/keerthi-suresh-gets-rs-25-crore-to-become-superstars-sister)