---
title: " ഇത് ടൊവിനോയുടെ വിളയാട്ടം; തരംഗമായി 'പള്ളിച്ചട്ടമ്പി' മോഷൻ പോസ്റ്റർ"
english_title: "Tovino Thomas, Pallichattambi' motion poster"
publisher: "moviemax.in"
canonical_url: "https://moviemax.in/news/337270/tovino-thomas-pallichattambi-motion-poster"
published_at: "2026-01-20T12:16:00+05:30"
category: "Malayalam"
language: "ml"
image: "https://cf.zdn.im/img/truevisionnews.com/0/image-uploads/696f2c9e58759_tovi.jpg"
keywords: []
---

#  ഇത് ടൊവിനോയുടെ വിളയാട്ടം; തരംഗമായി 'പള്ളിച്ചട്ടമ്പി' മോഷൻ പോസ്റ്റർ

> **Lead Summary:** **[**മലയാള സിനിമ കാത്തിരിക്കുന്ന ടൊവിനോ തോമസ് ചിത്രം 'പള്ളിച്ചട്ടമ്പി'യുടെ ആവേശകരമായ മോഷൻ പോസ്റ്റർ പുറത്തിറങ്ങി. ജനഗണമനക്ക് ശേഷം ഡിജോ ജോസ് ആന്റണി സംവിധാനം ചെയ്യുന്ന ഈ ബിഗ് ബജറ്റ് ചിത്രം ഏപ്രിൽ 9-ന് ലോകമെമ്പാടുമുള്ള തിയേറ്ററുകളിൽ പ്രദർശനത്തിനെത്തും. ടൊവിനോയുടെ ഇതുവരെ കാണാത്ത വേറിട്ട ഗെറ്റപ്പാണ് പോസ്റ്ററിലെ പ്രധാന ആകർഷണം.

## Article Content

**[**മലയാള സിനിമ കാത്തിരിക്കുന്ന ടൊവിനോ തോമസ് ചിത്രം 'പള്ളിച്ചട്ടമ്പി'യുടെ ആവേശകരമായ മോഷൻ പോസ്റ്റർ പുറത്തിറങ്ങി. ജനഗണമനക്ക് ശേഷം ഡിജോ ജോസ് ആന്റണി സംവിധാനം ചെയ്യുന്ന ഈ ബിഗ് ബജറ്റ് ചിത്രം ഏപ്രിൽ 9-ന് ലോകമെമ്പാടുമുള്ള തിയേറ്ററുകളിൽ പ്രദർശനത്തിനെത്തും. ടൊവിനോയുടെ ഇതുവരെ കാണാത്ത വേറിട്ട ഗെറ്റപ്പാണ് പോസ്റ്ററിലെ പ്രധാന ആകർഷണം.

വേൾഡ് വൈഡ് ഫിലിംസിന്റെയും സി ക്യൂബ് ബ്രോസ് എന്റർടൈൻമെന്റിന്റെയും ബാനറുകളിൽ നൗഫൽ, ബ്രിജീഷ്, ചാണക്യ ചൈതന്യ ചരൺ എന്നിവർ ചേർന്നാണ് ചിത്രം നിർമ്മിക്കുന്നത്. എസ്. സുരേഷ് ബാബു തിരക്കഥയൊരുക്കുന്ന ഈ ചിത്രം മലയാളം ഉൾപ്പെടെ അഞ്ച് ഭാഷകളിലായി പാൻ ഇന്ത്യൻ റിലീസായാണ് എത്തുന്നത്.

1950-60 കാലഘട്ടത്തിന്റെ പശ്ചാത്തലത്തിൽ കഥ പറയുന്ന ചിത്രത്തിൽ കയാദു ലോഹറാണ് നായിക. വിജയരാഘവൻ, സുധീർ കരമന, ബാബുരാജ്, വിനോദ് കെടാമംഗലം, പ്രശാന്ത് അലക്സ് തുടങ്ങി വലിയൊരു താരനിര തന്നെ പള്ളിച്ചട്ടമ്പിയിൽ അണിനിരക്കുന്നുണ്ട്. ടിജോ ടോമിയാണ് ഛായാഗ്രഹണം നിർവഹിക്കുന്നത്. ജേക്സ് ബിജോയ് ഒരുക്കുന്ന പശ്ചാത്തല സംഗീതവും ഗാനങ്ങളും ചിത്രത്തിന്റെ വലിയ പ്രത്യേകതയാണ്.

ടൊവിനോ തോമസിന്റെ കരിയറിലെ തന്നെ ഏറ്റവും വലിയ പ്രൊജക്റ്റുകളിൽ ഒന്നായി കണക്കാക്കപ്പെടുന്ന പള്ളിച്ചട്ടമ്പി, അതിന്റെ മേക്കിങ് കൊണ്ടും പ്രമേയം കൊണ്ടും ഇതിനോടകം തന്നെ സിനിമാ പ്രേമികൾക്കിടയിൽ വലിയ ചർച്ചയായിട്ടുണ്ട്.

### Related Links & Sources
- [Original Story Source](https://moviemax.in/news/337270/tovino-thomas-pallichattambi-motion-poster)